Connect with us

ព័ត៌មានជាតិ

រោងចក្រឧស្សាហកម្មបីបន្ថែមទៀតសរុបទុន ១៦លានដុល្លារ វិនិយោគនៅខេត្តស្វាយរៀង

បានផុស

នៅ

ខេត្តស្វាយរៀង ទទួលបានគម្រោងវិនិយោវិស័យឧស្សហកម្មរោងចក្រជាបន្តបន្ទាប់។ ជាក់ស្តែង ក្រុមប្រឹក្សា​អភិវឌ្ឍន៍កម្ពុជា CDC បានសម្រេចអនុម័តឱ្យរោងចក្រចំនួនបី លើទុនវិនិយោគ ១៦លានដុល្លារ អភិវឌ្ឍនៅក្នុង​តំបន់សេដ្ឋកិច្ចពិសេស ឈីលូ ជាន ពុ ចាយ និងតំបន់សេដ្ឋកិច្ចពិសេស ហាយ-ផាក, ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម CDC គម្រោងបង្កើតរោងចក្រទាំងនេះ រួមមាន៖

១- “QINGDAO ZHONGMIAN (CAMBODIA) KNITTING CO., LTD.” គម្រោងបង្កើតរោងចក្រកាត់ដេរ និងចាក់សម្លៀកបំពាក់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ឈីលូ ជាន ពុ ចាយ, ខេត្តស្វាយរៀង, ក្នុងទុនវិនិយោគប្រមាណ ៦,៨លានដុល្លារអាម៉េរិក និងអាចបង្កើតការងារបានចំនួន ២.៤១០កន្លែង។

២- “HUIYAO YAOXING PLASTIC PACKAGING PRODUCTS (CAMBODIA) CO., LTD.” គម្រោងបង្កើតរោងចក្រផលិតបាវ និងសម្ភារៈវេចខ្ចប់គ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់​សេដ្ឋកិច្ចពិសេស ឈីលូ ជាន ពុ ចាយ, ខេត្តស្វាយរៀង, ក្នុងទុនវិនិយោគប្រមាណ ៥,៧លានដុល្លារអាម៉េរិក និងអាចបង្កើតការងារបានចំនួន ៤៩៥កន្លែង។

៣- “ DONG WANG PAPER INDUSTRY (CAMBODIA) CO., LTD.” គម្រោងបង្កើតរោងចក្រផលិត​កេសកាតុង និងសម្ភារៈវេចខ្ចប់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ហាយ-ផាក, ខេត្តស្វាយរៀង, ក្នុងទុនវិនិយោគប្រមាណ ៣,៥លានដុល្លារអាម៉េរិក និងអាចបង្កើតការងារបានចំនួន ៥៨៦កន្លែង។

លោក ម៉ែន វិបុល អភិបាលខេត្តស្វាយរៀង បានឱ្យដឹងថា​ ខេត្តស្វាយរៀង មាន​ទីតាំង​ភូមិសាស្ត្រ ដែលមាន​សក្ដានុពល​ស​ម្រា​ប់​ការវិនិយោគ ជាពិសេស​ការបើក​រោង​ចក្រ​សហគ្រាស ដោយសារ​ខេត្ត​មាន​តំបន់​សេដ្ឋកិច្ច​ដ៏​ទាក់ទាញ​។ ការវិនិយោគ​បើក​រោងចក្រ​ថ្មីៗ​នេះ ​នឹង​នាំមក​នូវ​ផលប្រយោជន៍​ជា​ច្រើន​តាមរយៈ​ការផ្តល់​ឱកាស​ការងារ​ដល់​ពលរដ្ឋ​ក្នុង​ខេត្ត និង​ក្រៅ​ខេត្ត​»។​

លោក​បន្តថា នេះ​ជា​កិច្ចការ​សំខាន់​ដែល​រដ្ឋបាលខេត្ត​តែង​យកចិត្តទុកដាក់ រួមទាំង​ការរក្សាសន្តិសុខ សុវត្ថិភាព​ជូនទៅ​ដល់​ក្រុមហ៊ុន​ទាំងអស់​នៅក្នុង​តំបន់​សេដ្ឋកិច្ច​ពិសេស​ផងដែរ​។ លោកលើកឡើងបែបនេះ នៅក្នុងជំនួប​ពិភាក្សា​ការងារ​ជា​​មួយ​គណៈប្រតិភូ​ក្រុង​ឈី​ចូ​វ ខេត្ត​ជឺ​ជាំ​ង ប្រទេស​ចិន កាលពី​ទី ​២៧ ខែឧសភា ឆ្នាំ​ ២០២៣។

សូមបញ្ជាក់ថា ខេត្តស្វាយរៀង គឺជាខេត្តដែលស្ថិតនៅភាគខាងកើតនៃប្រទេសកម្ពុជា មានព្រំប្រទល់ជាប់ប្រទេសវៀត​ណាម។ គិតត្រឹមឆ្នាំ ២០២២ ខេត្តស្វាយ​រៀង មានតំបន់សេដ្ឋកិច្ចពិសេសទាំងអស់ចំនួន ១២កន្លែង ប៉ុន្តែដំណើរការតែ ៩កន្លែងប៉ុណ្ណោះ៕

Helistar Cambodia - Helicopter Charter Services
Sokimex Investment Group
ព័ត៌មានជាតិ៨ ម៉ោង មុន

សាកលវិទ្យាល័យ ប៊ែលធី អន្តរជាតិ មាន​កិត្តិយស​ទទួលស្វាគមន៍ដំណើរទស្សនកិច្ចរបស់ លោក​ជំទាវ​អគ្គលេខាធិការ​អាយប៉ា (AIPA)

ព័ត៌មានជាតិ១០ ម៉ោង មុន

ក្រសួង​ការងារ ​បដិសេធ​ចំពោះ​ជនខិលខូចដែលប្រើប្រាស់រូបនិងឈ្មោះ លោក ហេង សួរ ក្នុង​ចេតនា​ឆបោក​សាធារណជន

សន្តិសុខសង្គម១០ ម៉ោង មុន

ក្រុម​ក្មេង​ទំនើង​៩​នាក់ បើក​ឆាក​ប្រយុទ្ធគ្នា​នៅ​ស្រុក​រវៀង ត្រូវ​នគរបាល​ឃាត់ខ្លួន

ព័ត៌មានជាតិ១០ ម៉ោង មុន

មន្ត្រី​បច្ចេកទេស​កសិកម្ម​ឃុំ​ត្រពាំងបី ​អនុវត្ត​ប្រព័ន្ធ​កសិកម្ម​ចម្រុះ​ជួយ​លើក​កម្ពស់​គុណភាពដី​និង​ជីវភាព​កសិករ​កាន់​តែ​ប្រសើរ

ព័ត៌មានជាតិ១១ ម៉ោង មុន

នាយ​ឧត្តមសេនីយ៍ ស ថេត ៖ មន្រ្តី​ក្រោម​ឱវាទ​ ត្រូវ​ចេញ​ប្រតិបត្តិ​បង្រ្កាប​បទល្មើស​បច្ចេកវិទ្យា​ជា​បន្ទាន់ ឱ្យ​មាន​ប្រសិទ្ធភាព​បំផុត

Sokha Hotels

ព័ត៌មានពេញនិយម