សម្ដេចតេជោ ហ៊ុន សែន ណែនាំឲ្យបណ្ដាខេត្តនានា​ ត្រូវទាក់ទាញអ្នកវិនិយោគមកវិនិយោគក្នុងខេត្តរបស់ខ្លួនបន្តទៀត

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានណែនាំជាថ្មីឲ្យបណ្ដាខេត្តនានា​ ត្រូវបន្តទាក់ទាញអ្នកវិនិយោគមកវិនិយោគក្នុងខេត្តរបស់ខ្លួនបន្តទៀត ហើយមិនចាំបាច់តែទាល់អ្នកវិនិយោគក្រៅស្រុក នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការណែនាំជាថ្មីរបស់សម្ដេចតេជោ ហ៊ុន សែន បានធ្វើឡើងក្នុងពិធីជួបសំណេះសំណាល និងសួរសុខទុក្ខជាមួយកម្មករ-កម្មការិនី នៅស្រុកជើងព្រៃ ខេត្តកំពង់ចាម នាព្រឹកថ្ងៃទី ១៦ ខែមិថុនា ឆ្នាំ ២០២៣នេះ។

នៅក្នុងឱកាសនេះ សម្ដេចតេជោ ហ៊ុន សែន បានណែនាំជាថ្មីបណ្ដាខេត្តនានា​ ត្រូវបន្តទាក់ទាញអ្នកវិនិយោគមកបណ្ដាក់ទុនវិនិយោគនៅក្នុងខេត្តរបស់ខ្លួន បន្តទៀត។

សម្ដេចតេជោ ហ៊ុន សែន ថ្លែងបែបនេះថា «សុំឲ្យបណ្ដាខេត្ត ក្នុងហ្នឹងរួមមានទាំងខេត្តកំពង់ចាម បន្តការទាក់ទាញបន្តទៅទៀត នូវវិនិយោគិនបរទេសមកបណ្ដាក់ទុន ឥឡូវយើងបានប្រតិភូកម្មផ្ដល់អំណាចទៅឲ្យថ្នាក់មូលដ្ឋាន មានសិទ្ធិវិនិយោគប្រមាណ ៥លានៗ»។

ដូច្នេះ សម្ដេចតេជោ ហ៊ុន សែន បានណែនាំឲ្យបន្តទាក់ទាញបន្ថែមទៀត ហើយមិនចាំបាច់ទាល់តែអ្នកវិនិយោគក្រៅប្រទេសនោះទេ តែអ្នកវិនិយោគក្នុងស្រុកក៏ត្រូវទាក់ទាញឲ្យមកវិនិយោគដែរ៕

អត្ថប៖ ឃួន សុភ័ក្រ