ឯកឧត្ដម ហ៊ុន ម៉ាណែត ៖ ពលរដ្ឋខ្មែរ បានបង្ហាញឆន្ទៈរបស់ខ្លួនយ៉ាងច្បាស់ តាមរយៈការទៅបោះឆ្នោតយ៉ាងច្រើនកុះករ  

ឯកឧត្ដមបណ្ឌិត ហ៊ុន ម៉ាណែត បេក្ខជនតំណាងរាស្រ្ដមណ្ឌលភ្នំពេញ បានលើកឡើងថា ប្រជាពលរដ្ឋខ្មែរ បានបង្ហាញនូវឆន្ទៈរបស់ខ្លួនយ៉ាងច្បាស់ តាមរយៈការអញ្ជើញទៅបោះឆ្នោតជ្រើសតាំង តំណាងរាស្រ្ដ នីតិកាលទី ៧ យ៉ាងច្រើនកុះករ និងបោះឆ្នោតគាំទ្រគណបក្សប្រជាជនកម្ពុជា ឲ្យឈ្នះភ្លូកទឹកភ្លូកដី ដើម្បីបម្រើប្រជាពលរដ្ឋតទៅអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ បន្ទាប់ពីប្រជាពលរដ្ឋខ្មែរ បានចេញទៅបោះឆ្នោតជ្រើសតាំង តំណាងរាស្រ្ដ នីតិកាលទី ៧ កាលពីថ្ងៃអាទិត្យទី ២៣ ខែកក្កដា ឆ្នាំ ២០២៣ រហូតដល់ ៨,២១៣,២៦០នាក់ ដែលស្មើនឹង ៨៤.៥៨ភាគរយ នៃអ្នកមានឈ្មោះក្នុងបញ្ជីបោះឆ្នោតសរុបចំនួន ៩,៧១០,៦៥៥នាក់។

តាមរយៈបណ្ដាញសង្គមហ្វេសប៊ុក និងតេលេក្រាមនៅព្រឹកថ្ងៃទី ២៤ ខែកក្កដា ឆ្នាំ ២០២៣នេះ ឯកឧត្ដមបណ្ឌិត ហ៊ុន ម៉ាណែត បានសរសេរថា «ខ្ញុំមានតែពាក្យពីរម៉ាត់ជូនចំពោះប្រជាពលរដ្ឋខ្មែរ នៅទូទាំងប្រទេស ដែលបានទៅចូលរួមបោះឆ្នោត៖ ១) អរគុណចំពោះលោកតាលោកយាយ លោកអ៊ំពូមីងបងប្អូនទាំងអស់ ដែលបានអញ្ជើញទៅបោះឆ្នោត ជូនគណបក្សដែលខ្លួនស្រឡាញ់ និងជាពិសេសចំពោះការស្រឡាញ់ និងការទុកចិត្តចំពោះគណបក្សប្រជាជនកម្ពុជា និង ២) ប្តេជ្ញាចិត្តបន្តចូលរួមបម្រើប្រទេសជាតិ និងប្រជាជន ឲ្យបានកាន់តែល្អប្រសើរទៅថ្ងៃអនាគត»៕