ព័ត៌មានជាតិ

យុវជនម្នាក់ខឹងម្តាយស្តីបន្ទោសផ្ទុះកំហឹងយកគម្របធុងទឹកគប់ទៅលើម្ដាយបណ្ដាលឲ្យរបួស

បានផុស

៥ years មុន

នៅ

ថ្ងៃចន្ទ ១ កុម្ភៈ ២០២១

ដោយ

យុវជនចិត្តខ្លាំងម្នាក់ខឹងម្ដាយស្តីបន្ទោសផ្ទុះកំហឹងយកគម្របធុងទឹកគប់ទៅលើម្ដាយបណ្ដាលឲ្យរបួសលើមុខដុតខោអាវខ្ទេចត្រូវអាវុធហត្ថមួយក្រុមដឹកនាំ ដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានអាវុធហត្ថក្រុងប៉ោយប៉ែតចុះទៅដល់កន្លែងកើតហេតុឃាត់ខ្លួនជនសង្ស័យឈ្មោះ ភ័ណ និត ហៅ ជ្រូកយកមកមូលដ្ឋានអាវុធហត្ថក្រុងដើម្បីសួរនាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅល្ងាចថ្ងៃទី៣១ ខែមករា ឆ្នាំ២០២១ ស្ថិតក្នុងភូមិសាមគ្គីមានជ័យ សង្កាត់ប៉ោប៉ែត ក្រុងប៉ោយប៉ែត ខេត្តបន្ទាយមានជ័យ។ លោកវរសេនីយ៍ត្រី នួន នីនីណារ៉ូ បានប្រាប់ឲ្យដឹងថា ម្តាយជនរងគ្រោះ ឈ្មោះ ដាំ ម៉ៅ អាយុ៥៣ឆ្នាំ រស់នៅក្នុងភូមិសាមគ្គីមានជ័យ សង្កាត់ប៉ែត ក្រុងប៉ោយប៉ែត ខេត្តបន្ទាយមានជ័យ។លោកបានបញ្ជាក់ឲ្យដឹងបន្តទៀតថា ជនសង្ស័ងមិនដឹងខឹងរឿងអីក្រោយពេលហូបបាយរួចខ្លួនបានប្រមូលខោអាវរបស់ខ្លួន និងខោអាវ របស់ប្អូនខ្លួន ដុតចោលអស់នៅពេលនោះ ម្ដាយបានស្ដីបន្ទោស និងជេរស្រាប់តែជនសង្ស័យផ្ទុះកំហឹងខ្លាំងបានយកគម្របធុងទឹកគប់ទៅលើម្ដាយរបស់ខ្លួនបណ្ដាលឲ្យរងរបួសលើផ្ទៃមុខ ហើយជាំភ្នែក ខាងឆ្វេងទៀតផង។

ក្រោយពីកើតហេតុហើយម្តាយទៅដាក់ពាក្យប្តឹងលោកវរសេនីយ៍ត្រី នួន នីណារ៉ូ បានដឹកនាំកំលាំងចុះទៅដល់កន្លែងកើតហេតុហើយឃាត់ខ្លួនជនសង្ស័យ ឈ្មោះ ភ័ណ និត ហៅ ជ្រូក យកមកមូលដ្ឋានអាវុធហត្ថក្រុង ដើម្បីសួរនាំ។

នៅមុខអាវុធហត្ថជនសង្ស័យបានឆ្លើយសារភាពថាខ្លួនមួម៉ៅខ្លាំងអារឿងដើរលេងក៏ដុតខោអាវប្អូនចោលហើយម្តាយជេរទៀតរឹតតែខឹងខ្លាំងបានស្ទុះ ទៅច្របាច់ ក ម្ដាយថែមទៀត។ដោយផ្អែកលើចម្លើយសារភាព និងយោងតាមពាក្យបណ្ដឹង ព្រមទាំងមានស្នាកស្នាម ជាំលើមុខជនរងគ្រោះ ទើបកម្លាំងការិយាល័យ បទល្មើសព្រហ្មទណ្ឌ អាវុធហត្ថខេត្ត កសាងសំណុំរឿង បញ្ជូនជនសង្ស័យ ទៅសាលាដំបូងខេត្ត ចាត់ការតាមច្បាប់ ៕

វ៉ាន់ ណាង