ព័ត៌មានជាតិ

ឯកឧត្ដម ហ៊ុន ម៉ានី ចាត់ទុកអក្ខរកម្មឌីជីថល ជាការងារអាទិភាពថ្មីសម្រាប់ឈោងចាប់អនាគត

បានផុស

៣ years មុន

នៅ

ថ្ងៃសុក្រ ៨ កញ្ញា ២០២៣

ដោយ

ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានចាត់ទុកអក្ខរកម្មឌីជីថល ជាការងារអាទិភាពថ្មី សម្រាប់ឈោងចាប់អនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាត់ទុកអក្ខរកម្មឌីជីថល ជាការងារអាទិភាពថ្មី សម្រាប់ឈោងចាប់អនាគតនេះ ក្នុងឱកាសដែល ឯកឧត្ដម ហ៊ុន ម៉ានី បានប្រកាសចូលរួមអបអរសាទរទិវាអក្ខរកម្មជាតិ ៨ កញ្ញា ឆ្នាំ ២០២៣ លើកទី ២៣ ក្រោមប្រធានបទ «អក្ខរកម្ម ជាមូលដ្ឋានគ្រឹះ នៃសហគ្រិនភាព និងសង្គមសេដ្ឋកិច្ច» នៅថ្ងៃទី ០៨ ខែកញ្ញា ឆ្នាំ ២០២៣ នេះ។

ឯកឧត្ដម ហ៊ុន ម៉ានី លើកឡើងថា «អក្ខរកម្ម ជាមូលដ្ឋានគ្រឹះដ៏រឹងមាំ ឆ្ពោះទៅរកការអភិវឌ្ឍ បង្កើនសន្ទុះ នៃកំណើនសេដ្ឋកិច្ច និងធ្វើឲ្យសង្គមជាតិទាំងមូល រីកចម្រើន ជឿនលឿនតទៅមុខ។ ជាពិសេស ក្នុងបរិបទ នៃបរិវត្តកម្មឌីជីថល យើងត្រូវចាត់ទុកអក្ខរកម្មឌីជីថល ជាការងារអាទិភាពថ្មីសម្រាប់ឈោងចាប់អនាគត។ ទាំងអស់គ្នា ដើម្បីអក្ខរកម្ម»។

ឯកឧត្ដម ហ៊ុន ម៉ានី បញ្ជាក់ថា ក្នុងអតីតកាល ជាពិសេសក្រោយថ្ងៃរំដោះ ០៧ មករា ១៩៧៩ ថ្នាក់ដឹកនាំជំនាន់មុន បានចាត់ទុកវិស័យអប់រំ និងធនធានមនុស្ស ជាអាទិភាពចម្បងសម្រាប់ការកសាង និងអភិវឌ្ឍន៍ប្រទេសជាតិ។

ជាមួយគ្នានេះ ឯកឧត្ដម បន្ថែមថា បច្ចុប្បន្ន សាលារៀនចំណេះទូទៅ និងសាលាអប់រំបច្ចេកទេស ក៏បាននិងកំពុងរីកដុះដាលគ្រប់ទិសទី ដែលផ្ដល់ឱកាសដល់កុមារ និងយុវជន ក្នុងការបណ្ដុះបណ្ដាល និងបំពេញក្ដីស្រមៃរបស់ខ្លួនផងដែរ៕

អត្ថបទ ៖ ពិសី