ព័ត៌មានជាតិ

រដ្ឋាភិបាលសម្រេចឲ្យបើកការិយាល័យធ្វើលិខិតឆ្លងដែននៅក្រៅប្រទេស

បានផុស

៣ years មុន

នៅ

ថ្ងៃសៅរ៍ ៩ កញ្ញា ២០២៣

ដោយ

ថ្លែងនៅចំពោះមុខកម្មករកម្មការិនីរាប់ម៉ឺននាក់នៅស្រុកសំរោងទងខេត្តកំពង់ស្ពឺនៅព្រឹកនេះ សម្តេចធិបតី ហ៊ុន ម៉ាណែត បានសម្រេចអនុញ្ញាតិឲ្យបើកការិយាល័យធ្វើលិខិតឆ្លងដែននៅក្រៅប្រទេស ដោយចាប់ផ្តើមអនុវត្តមុនគេនៅសាធារណរដ្ឋកូរ៉េ (ប្រទេសកូរ៉េខាងត្បូង)។

សម្តេចធិបតីមានប្រសាសន៍ថា ការអនុញ្ញាតិឲ្យរៀបចំការិយាល័យធ្វើលិខិតឆ្លងដែននៅក្រៅប្រទេស ដើម្បីសម្រួលការលំបាក និងកាត់បន្ថយការចំណាយរបស់ពលករខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចធិបតី ហ៊ុន ម៉ាណែត មានប្រសាសន៍ថា បច្ចុប្បន្ននេះមានពលករខ្មែរច្រើនណាស់កំពុងធ្វើការនៅបរទេស ចឹងទេការរៀបចំឲ្យមានការិយាល័យធ្វើលិខិតឆ្លងដែននៅក្រៅប្រទេស នឹងនាំប្រយោជន៍ដល់ពលករខ្មែររាប់លាននាក់ដោយសម្រួលមធ្យោបាយ កាត់បន្ថយការចំណាយពេលវេលា និងថវិកាបានយ៉ាងច្រើន។

ក្រៅពីសម្រេចឲ្យបើកការិយាល័យធ្វើលិខិតឆ្លងដែននៅក្រៅប្រទេស សម្តេចប្រមុខរដ្ឋាភិបាលក៏ណែនាំឲ្យរដ្ឋមន្រ្តីក្រសួងយុត្តិធម៌រៀបចំយន្តការក្នុងការរៀបចំធ្វើលិខិតថ្កោលទោសតាមប្រព័ន្ធអនឡាញ ដោយសម្រួលនីតិវិធីឲ្យសមញ្ញនិងងាយស្រួល។

បើតាមរដ្ឋមន្រ្តីក្រសួងការងារ គិតត្រឹមថ្ងៃខែសីហាឆ្នាំ ២០២៣ មានពលករខ្មែរជាង ១ លាន ៣ សែនកំពុងធ្វើការនៅក្រៅប្រទេស។ ក្នុងនោះប្រទេសថៃមានប្រមាណជាង ១ លាននាក់ នៅកូរ៉េជាង ៥ ម៉ឺននាន់ ជប៉ុន និងម៉ាឡេស៊ីជាង ២ ម៉ឺននាក់៕

Related Topics:សម្ដេចធិបតី ហ៊ុន ម៉ាណែត