ព័ត៌មានជាតិ

លោក កែប ជុតិមា៖ សមរាត្រីនៅប្រាសាទអង្គរ មិនមែនជារឿងចៃដន្យទេ តែជាស្នាដៃដ៏អស្ចារ្យស្ថាបត្យករខ្មែរនាសម័យអង្គរ

បានផុស

៣ years មុន

នៅ

ថ្ងៃព្រហស្បតិ៍ ២១ កញ្ញា ២០២៣

ដោយ

លោក កែប ជុតិមា តំណាងរាស្រ្តមណ្ឌលភ្នំពេញបានលើកឡើងថា ព្រឹត្តិការណ៍សមរាត្រីនៅប្រាសាទអង្គរវត្ត គឺមិនមែនជារឿងចៃដន្យទេ ប៉ុន្តែជាការគន់គូរដ៏ហ្មត់ចត់បំផុតនៃកំពូលស្ថាបត្យករខ្មែរនាសម័យអង្គរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅបណ្ដាញសង្គមហ្វេសប៉ុកផ្លូវការនាព្រឹកថ្ងៃទី២១ ខែកញ្ញា ឆ្នាំ២០២៣នេះ លោក កែប ជុតិមា បានគូសបញ្ជាក់ថា ព្រឹត្តិការណ៍សមរាត្រីនៅប្រាសាទអង្គរ-Equinox Angkor ២១ កញ្ញា ២០២៣ គឺជាព្រឹត្តិការណ៍ដ៏អស្ចារ្យមួយ ហើយនេះក៏មិនមែនជារឿងចៃដន្យទេ ប៉ុន្តែជាការគន់គូរដ៏ហ្មត់ចត់បំផុតនៃកំពូលស្ថាបត្យករខ្មែរសម័យអង្គរ ដោយផ្សារភ្ជាប់ជាមួយនឹងធម្មជាតិរវាងផែនដីនិងព្រះអាទិត្យបានយ៉ាងច្បាស់លាស់។

យ៉ាងណាមិញ ព្រឹត្តិការណ៍សមរាត្រីគឺជាព្រឹត្តិការណ៍ដ៏អស្ចារ្យមួយ ដែលថ្ងៃរះចំកំពូលកណ្ដាលនៃប្រាសាទអង្គរវត្ត ដែលកើតមានឡើង ២ ដង គឺនៅថ្ងៃទី២១ ខែមីនាម្ដង ហើយនៅថ្ងៃទី២១ ខែកញ្ញា នេះម្តងទៀត។

ថ្ងៃរះចំកំពូលកណ្ដាលនៃប្រាសាទអង្គរវត្តគឺជាស្នាដៃដ៏អស្ចារ្យរបស់ស្ថាបត្យកម្មនាសម័យអង្គរ ក្នុងការរៀបចំដីធ្លីការគន់គូរតាមគណិតវិទ្យា ការគិតគូរពីដំណើរតារាសាស្រ្ត ព្រមទាំងរួមផ្សំជាមួយជំនឿផងដែរ ឬអាចនិយាយបានថា ព្រឹត្តិការណ៍ពិសេសថ្ងៃរះចំកណ្ដាលនៃកំពូលប្រាសាទអង្គរវត្ត ជាអច្ឆរិយកើតមានតែនៅលើប្រាសាទអង្គរវត្តនៃប្រទេសកម្ពុជាតែប៉ុណ្ណោះ ចំណែកឯសំណង់បុរាណជាច្រើន នៅលើប្រទេសដទៃទៀតក្នុងពិភពលោក គឺមិនអាចរៀបចំដូច្នេះបានទេ។

មិនតែប៉ុណ្ណោះ នៅពេលដែលព្រឹត្តិការណ៍ដ៏អស្ចារ្យមួយនេះឈានចូលមកដល់ ទេសចរជាតិនិងអន្តរជាតិជាច្រើន ទៅទស្សនាដើម្បីផ្តិតយករូបភាពដ៏កម្រមួយនេះ ហើយព្រះសង្ឃក៏និមន្តដើម្បីធ្វើពិធីប្រោះព្រំដើម្បីសុំសេចក្តីសុខ ដល់ប្រជាជនកម្ពុជា និងប្រទេសជាតផងដែរ៕