ព័ត៌មានជាតិ

សាលារៀនជាង៦០ នៅតាមបណ្ដាខេត្ត មិនទាន់បានបើកដំណើរការឡើងវិញទេ

បានផុស

៥ years មុន

នៅ

ថ្ងៃពុធ ៣ កុម្ភៈ ២០២១

ដោយ

លោក បណ្ឌិត សភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំយុវជននិងកីឡា បានមានប្រសាសន៍ថា រហូតមកដល់ពេលនេះ នៅសល់សាលារៀនប្រមាណជាង៦០សាលាទៀតនៅតាមបណ្តាខេត្តចំនួន៦ នៅមិនទាន់អាចបើកដំណើរការឡើងវិញបាននៅឡើយទេ ដោយសារជាប់ជាមណ្ឌលចត្តាឡីស័ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងប្រាប់អ្នកសារព័ត៌មានក្រោយចូលរួមពិធីប្រកាសសាលាបឋមសិក្សាចតុមុខជាសាលាគំរូ ក្នុងការអនុវត្តសកម្មភាពសុខភាពសិក្សាគ្រប់ជ្រុងជ្រោយនៅព្រឹកថ្ងៃទី០៣កុម្ភៈនេះ លោកបណ្ឌិតសភាចារ្យ ហង់ ជួន ណារ៉ុនបានបន្តថា«ចាប់តាំងពីបើកបវេសនកាលឆ្នាំសិក្សាថ្មីមករហូតមកដល់ពេលនេះ មានសាលារៀនជាង៦០សាលាពិសេសនៅខេត្តជាប់ព្រំដែនរួមមានខេត្តបន្ទាយមានជ័យ បាត់ដំបងនិងឧត្តរមានជ័យ នៅមិនទាន់អាចបើកឲ្យសិស្សចូលរៀនឡើងវិញបាននៅឡើយទេ ដោយសារក្រសួងយកសាលាទាំងនោះធ្វើជាមណ្ឌលចត្តាឡីស័ក សម្រាប់ដាក់ពលករខ្មែរមកពីថៃ»។ យ៉ាងណាក៏ដោយ លោករដ្ឋមន្ត្រីបានបន្តទៀតថា ក្រសួងបានដោះស្រាយដោយអនុញ្ញាតឲ្យសិស្ស ដែលសាលាជាប់ធ្វើចត្តាឡីស័ក ត្រូវផ្ញើនៅតាមសាលានានា ដែលមានទីតាំងនៅក្បែរៗនិងរៀនតាមអនឡាញខ្លះ។

លោករដ្ឋមន្ត្រីទទួលស្គាល់ថា ការសិក្សារបស់សិស្សដែលសាលាជាប់ជាមណ្ឌលចត្តាឡីស័កមានការប៉ះពាល់ខ្លះៗដែរហើយ ពោលគឺពួកគេសិក្សាបានប្រមាណ៧០ទៅ៨០ភាគរយប៉ុណ្ណោះបើធៀបនឹងសិស្សផ្សេងទៀត ដែលបានរៀនពេញលេញប៉ុន្តែយើងធានាបាននូវសុវត្ថិភាពប្រសើរជាងយើងបើកសាលារៀនពេញតែប្រឈមនឹងហានិភ័យនៃការឆ្លងជំងឺកូវីដ១៩។ គួរបញ្ជាក់ថា ក្រសួងអប់រំយុវជននិងកីឡា បានបើកបវេសនកាលឆ្នាំសិក្សា២០២០ ២០២១នៅថ្ងៃទី១១ ខែមករា ឆ្នាំ២០២១កន្លងទៅ៕

អត្ថបទ៖ សំអឿន

សូមចុចអាន៖ ដាក់គោលដៅឲ្យសាលា ២៥ ខេត្តក្រុង យ៉ាងហោចបង្កើតសាលាគំរូសុខភាពឲ្យបានមួយ

Related Topics:សាលារៀនកូវីដ-១៩

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា