សាលារៀន​ជាង​៦០ នៅតាម​បណ្ដា​ខេត្ត​ មិន​ទាន់​បាន​បើក​ដំណើរការ​ឡើងវិញ​ទេ​
Connect with us
Helistar Cambodia - Helicopter Charter Services

ព័ត៌មានជាតិ

សាលារៀន​ជាង​៦០ នៅតាម​បណ្ដា​ខេត្ត​ មិន​ទាន់​បាន​បើក​ដំណើរការ​ឡើងវិញ​ទេ​

Published

on

លោក បណ្ឌិត សភាចា​រ្យ ហង់​ ជួនណា​រ៉ុ​ន រដ្ឋមន្ត្រីក្រសួង​អប់រំ​យុវជន​និង​កីឡា​ បាន​មានប្រសាសន៍ថា ​រហូតមក​ដល់ពេលនេះ​ នៅសល់​សាលារៀន​ប្រមាណ​ជាង​៦០​សាលា​ទៀត​នៅ​តាម​បណ្តា​ខេត្ត​ចំនួន​៦​ នៅ​មិនទាន់​អាច​បើក​ដំណើរការ​ឡើងវិញ​បាន​នៅឡើយ​ទេ ​ដោយសារ​ជាប់​ជា​មណ្ឌល​ច​ត្តា​ឡី​ស័ក​។

​ថ្លែងប្រាប់​អ្នក​សារ​ព័ត៌មាន​ក្រោយ​ចូលរួម​ពិធី​ប្រកាស​សាលាបឋមសិក្សា​ចតុមុខ​ជា​សាលា​គំរូ​ ក្នុង​ការ​អនុវត្ត​សកម្មភាព​សុខភាព​សិក្សា​គ្រប់​ជ្រុងជ្រោយ​នៅ​ព្រឹក​ថ្ងៃទី​០៣​កុម្ភៈ​នេះ ​លោក​បណ្ឌិតសភា​ចា​រ្យ​ ហង់​ ជួន ណា​រ៉ុ​ន​បាន​បន្ត​ថា​«​ចាប់តាំងពី​បើក​បវេសនកាល​ឆ្នាំ​សិក្សា​ថ្មី​មក​រហូត​មក​ដល់​ពេល​នេះ​ មាន​សាលារៀន​ជាង​៦០​សាលា​ពិសេស​នៅ​ខេត្ត​ជាប់​ព្រំដែន​រួមមាន​ខេត្ត​បន្ទាយមានជ័យ បាត់ដំបង​និង​ឧ​ត្ត​រ​មានជ័យ ​នៅ​មិនទាន់​អាច​បើក​ឲ្យ​សិស្ស​ចូលរៀន​ឡើងវិញ​បាន​នៅឡើយ​ទេ​ ដោយសារ​ក្រសួង​យក​សាលា​ទាំងនោះ​ធ្វើជា​មណ្ឌល​ច​ត្តា​ឡី​ស័ក ​សម្រាប់​ដាក់​ពលករ​ខ្មែរ​មកពី​ថៃ​»​។ យ៉ាងណាក៏ដោយ លោក​រដ្ឋមន្ត្រី​បាន​បន្តទៀតថា​ ក្រសួង​បាន​ដោះស្រាយ​ដោយ​អនុញ្ញាត​ឲ្យ​សិស្ស​ ដែល​សាលា​ជាប់​ធ្វើ​ច​ត្តា​ឡី​ស័ក ​ត្រូវ​ផ្ញើ​នៅតាម​សាលា​នានា​ ដែល​មាន​ទីតាំង​នៅ​ក្បែរៗ​និង​រៀន​តាម​អន​ឡាញ​ខ្លះ​។

​លោក​រដ្ឋមន្ត្រី​ទទួល​ស្គាល់​ថា​ ការសិក្សា​របស់​សិស្ស​ដែល​សាលា​ជាប់​ជា​មណ្ឌល​ច​ត្តា​ឡី​ស័ក​មានការ​ប៉ះពាល់​ខ្លះៗ​ដែរ​ហើយ​ ពោលគឺ​ពួកគេ​សិក្សា​បាន​ប្រមាណ​៧០​ទៅ​៨០​ភាគរយ​ប៉ុណ្ណោះ​បើ​ធៀប​នឹង​សិស្ស​ផ្សេងទៀត ​ដែល​បាន​រៀន​ពេញលេញ​ប៉ុន្តែ​យើង​ធានា​បាន​នូវ​សុវត្ថិភាព​ប្រសើរ​ជាង​យើង​បើក​សាលារៀន​ពេញ​តែ​ប្រឈម​នឹង​ហានិភ័យ​នៃ​ការឆ្លង​ជំងឺ​កូ​វីដ​១៩​។ គួរ​បញ្ជាក់ថា​ ក្រសួង​អប់រំ​យុវជន​និង​កីឡា ​បាន​បើក​បវេសនកាល​ឆ្នាំ​សិក្សា​២០២០ ២០២១​នៅ​ថ្ងៃទី​១១​ ខែមករា​ ឆ្នាំ​២០២១​កន្លងទៅ​៕​

អត្ថបទ៖ សំអឿន

សូមចុចអាន៖ ​ដាក់​គោលដៅ​ឲ្យ​សាលា ២៥ ខេត្តក្រុង យ៉ាងហោច​បង្កើត​សាលាគំរូសុខភាព​ឲ្យ​បាន​មួយ​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ28 mins ago

ក្រសួង​វប្បធម៌ ​បន្តសម្រេច​បិទ​រោងកុន រោង​សម្ដែង​សិល្បៈ និង​សារមន្ទីរ​នៅ​ភ្នំពេញ កណ្ដាល និង​ខេត្ត​ព្រះសីហនុ

ព័ត៌មានជាតិ42 mins ago

ឆ្លើយតប​ទូត​អាមេរិក​៖ លម្ហ​ប្រជាធិបតេយ្យ​នៅ​កម្ពុជា បើកទូលាយ​ជានិច្ច​សម្រាប់​អ្នកអនុវត្ត​ច្បាប់​

ព័ត៌មានជាតិ2 hours ago

អ្នកពាក់ព័ន្ធ​ស្តាប់​ឲ្យ​ច្បាស់ ! តា​បក​ស័ក្តិ​ហើយ បណ្តេញ​ចេញពី​ក្រប​ខណ្ណ និង​បញ្ជូន​ឲ្យ​តុលាការ​តែម្តង​

ព័ត៌មានជាតិ2 hours ago

អាជ្ញាធរខេត្ត​ព្រះសីហនុ ដាក់​គោលដៅ​នៅ​ស្ពាន​អូរ​គគីរ ហាម​មិន​ឲ្យ​មាន​អ្នកដំណើរ​ចេញ​-​ចូល

ព័ត៌មានជាតិ2 hours ago

បន្ទាន់! អ្នកខេត្តព្រះសីហនុកំពុងមានអាការៈសង្ស័យ ត្រូវទៅធ្វើតេស្តរកកូវីដ១៩ បើបានទៅ៤ទីតាំងនេះ

Sokha Hotels

ព័ត៌មានពេញនិយម

Helistar Cambodia - Helicopter Charter Services