ព័ត៌មានជាតិ

គ្រាន់តែជាការកម្សាន្ដរបស់យុវជន៦នាក់ ធ្វើឲ្យរោងជួសជុលម៉ូតូមួយខ្ទេច

បានផុស

៥ years មុន

នៅ

ថ្ងៃសុក្រ ៥ កុម្ភៈ ២០២១

ដោយ

ក្រុមយុវជនឈាមរាវចំនួន៦នាក់ត្រូវកម្លាំងសមត្ថកិច្ចស្រុកថ្មគោលធ្វើការស្រាវជ្រាវឃាត់ខ្លួនជាបន្តបន្ទាប់យកមកធ្វើការអប់រំ និងឲ្យឪពុកម្ដាយមកធ្វើកិច្ចសន្យាធានាយកទៅអប់រំណែនាំបន្ត ក្រោយធ្វើសកម្មភាពយកដុំថ្មគប់ និងវាយបំផ្លាញតូបជួសជុលម៉ូតូមួយបណ្ដាលឲ្យខូចខាត។

ការឃាត់ខ្លួននេះបានធ្វើឡើងកាលពីថ្ងៃទី០២ ខែកុម្ភៈ ឆ្នាំ២០២១ វេលាម៉ោង១៧និង១០នាទីដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ផង់ សុភាព អធិការនគរបាលស្រុកថ្មគោល បានដឹកនាំកម្លាំងក្នុងអង្គភាពចុះឃាត់ខ្លួនក្រុមក្មេងបង្កភាពអនាធិបតេយ្យចំនួន០៦នាក់ យកមកធ្វើការអប់រំណែនាំនៅអធិការដ្ឋាននគរបាលស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ការឃាត់នេះបន្ទាប់ពីទទួលបានពាក្យបណ្តឹងរបស់ជនរងគ្រោះឈ្មោះ អ៊ិន បូរមី ភេទប្រុសអាយុ២០ ឆ្នាំរស់នៅភូមិពពាលខែ ឃុំជ្រៃ ស្រុកថ្មគោល ខេត្តបាត់ដំបង បានប្តឹងចូលមកសមត្ថកិច្ចនគរបាលស្រុកអំពីក្រុមក្មេងមួយក្រុមបានយកដុំថ្មគប់បំផ្លិចបំផ្លាញរោងជាងជួសជុលម៉ូតូមួយកន្លែងរបស់គាត់ក្នុងមូលដ្ឋានខាងលើ បណ្តាលឲ្យខូចខាតដោយអន្លើ នាថ្ងៃទី០២ ខែកុម្ភៈ ឆ្នាំ២០២១ដោយពុំដឹងមូលហេតុ។

អ្វីដែលគួរឲ្យហួសចិត្តបំផុតនោះ នៅចំពោះមុខសមត្ថកិច្ចនគរបាលស្រុក ក្រុមក្មេងៗទាំងនេះបានឆ្លើយសារភាពថា មូលហេតុដែលពួកគេយកដុំថ្មគប់បំផ្លាញរោងជួសជុលម៉ូតូរបស់ជនរងគ្រោះខាងលើនេះ គឺមិនមែនដោយសារគំនុំអ្វីនោះទេ តែសកម្មភាពរបស់ពួកខ្លួននេះ គឺគ្រាន់ជាការកម្សាន្តសប្បាយតែប៉ុណ្ណោះ។

ក្រោយការជួសជុលសំណងទៅជនងគ្រោះជាម្ចាស់តូបរួចមកសមត្ថកិច្ចនគរបាលបានធ្វើការអប់រំនិងធ្វើកិច្ចសន្យាដោយឱ្យឪពុកម្តាយធានាយកទៅអប់រំបន្ថែមនៅមូលដ្ឋានវិញ៕

Related Topics:ឃាត់ខ្លួន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា