ព័ត៌មានជាតិ
អនុវត្តតាមថ្នាក់ដឹកនាំ ក្រសួងសុខាភិបាល ប្រគល់ ៥ អគារមណ្ឌលសុខភាព ដល់ ២ ខេត្ត
អនុវត្តតាមអនុសាសន៍ណែនាំរបស់ថ្នាក់ដឹកនាំ សាស្រ្តាចារ្យ ឡឹម តារា រដ្ឋលេខាធិការក្រសួងសុខាភិបាល បានដឹកនាំក្រុមការងារចុះពិនិត្យ និងប្រគល់ទទួលសំណង់អគារជំងឺទូទៅ នៃមន្ទីរពេទ្យបង្អែកខេត្តកំពង់ស្ពឺ និងមណ្ឌលសុខភាពចំនួន ៤កន្លែង គឺ មណ្ឌលសុខភាពត្រពាំងក្រឡឹង នៅខេត្តកំពង់ស្ពឺ មណ្ឌលសុខភាពបឹងសាលា មណ្ឌលសុខភាពដងទង់ និងមណ្ឌលសុខភាពបឹងទូក ខេត្តកំពត។

ក្រសួងសុខាភិបាល បានឱ្យដឹងនៅព្រឹកថ្ងៃទី៣ ខែវិច្ឆិកា ឆ្នាំ២០២៣ នេះថា ការប្រគល់ និងទទួលនេះ ធ្វើឡើង ដោយមានការចូលរួមពីតំណាងក្រុមការងារក្រសួងសុខាភិបាល តំណាងមន្ទីរសុខាភិបាលខេត្តកំពង់ស្ពឺ និងខេត្តកំពត និងតំណាងក្រសួងសេដ្ឋកិច្ច និងហិរញ្ញវត្ថុ នាថ្ងៃទី២ ខែតុលានេះ។

ការប្រគល់ និងទទួលអគារមណ្ឌលសុខភាពនេះ ធ្វើឡើងស្របតាមអនុសាសន៍ណែនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានកំណត់ឱ្យក្រសួងសុខាភិបាល ត្រូវគិតគូរ និងយកចិត្តទុកដាក់ក្នុងការលើកកម្ពស់គុណភាពសេវាសុខាភិបាល នៅថ្នាក់ក្រោមជាតិ ជាពិសេសពង្រឹងមណ្ឌលសុខភាព ដែលផ្តល់សេវាមូលដ្ឋានជូនប្រជាពលរដ្ឋ ប្រកបដោយប្រសិទ្ធភាពខ្ពស់។

ជាមួយគ្នានេះ ក្រសួងសុខាភិបាល ក្រោមការដឹកនាំរបស់ សាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានជំរុញទិសដៅយុទ្ធសាស្រ្តអាទិភាពវិស័យសុខាភិបាល ក្នុងការពង្រឹងមណ្ឌលសុខភាព ដោយកែលម្អអាគារហេដ្ឋារចនាសម្ព័ន្ធ ព្រមទាំងបំពាក់សម្ភារបរិក្ខារ ពង្រឹងសមត្ថភាពបុគ្គលិក និងបម្រើការសេវា ២៤ម៉ោង ជូនប្រជាពលរដ្ឋ។

សាស្រ្តាចារ្យ ឡឹម តារា បានផ្តែផ្តាំ និងណែនាំដល់ប្រធានមន្ទីរពេទ្យ ប្រធានមណ្ឌលសុខភាព និងមន្ត្រីក្រោមឱវាទ ត្រូវខិតខំប្រឹងប្រែង ដោយយកចិត្តទុកដាក់ខ្ពស់ ក្នុងការបំពេញតួនាទី ភារកិច្ច បម្រើសេវាជូនប្រជាពលរដ្ឋ ប្រកបដោយក្រមសីលធម៌វិជ្ជាជីវៈសុខាភិបាល និងចូលរួមចំណែក ជួយថែរក្សាសោភ័ណភាពមណ្ឌលសុខភាពថ្មីទាំង ៥កន្លែងនេះ ឱ្យមានភាពស្រស់ស្អាត និងនិរន្តភាព៕




-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ