ព័ត៌មានជាតិ
ក្រសួងអប់រំ នឹងចាប់ផ្ដើមដំណើរការស្រង់បូកពិន្ទុដោយកុំព្យូទ័រ និងពិនិត្យផ្ទៀងផ្ទាត់ពិន្ទុ ចាប់ពីថ្ងៃទី ១៧ វិច្ឆិកា តទៅ
ក្រសួងអប់រំ យុវជន និងកីឡា នឹងចាប់ផ្ដើមដំណើរការស្រង់បូកពិន្ទុដោយកុំព្យូទ័រ និងពិនិត្យផ្ទៀងផ្ទាត់ពិន្ទុ ចាប់ពីថ្ងៃទី ១៧ ខែវិច្ឆិកា ឆ្នាំ ២០២៣ នេះតទៅ បន្ទាប់ពីដំណើរការកំណែសន្លឹកកិច្ចការបេក្ខជនបានបញ្ចប់រួចមក។
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា នៅព្រឹកថ្ងៃទី ១៦ វិច្ឆិកានេះ បានឲ្យដឹងថា បន្ទាប់ពីដំណើរការកែសន្លឹកកិច្ចការបេក្ខជនបានបញ្ចប់នៅរសៀលថ្ងៃទី ១៦ វិច្ឆិកានេះ ក្រសួងអប់រំ មានរៀបកិច្ចប្រជុំណែនាំដល់ក្រុមការងារបូកស្រង់ពិន្ទុដោយកុំព្យូទ័រ និងផ្ទៀងផ្ទាត់ពិន្ទុ ដើម្បីបំពេញការងាររបស់ខ្លួនបន្ត នាថ្ងៃទី ១៧ រហូតដល់ថ្ងៃទី ២៦ វិច្ឆិកា។
លោកស្រីបានបន្តថា «អីចឹងក្នុងរយៈពេលពីថ្ងៃទី ១៧ នេះ យើងយកសន្លឹកបណ្ណសម្រង់ពិន្ទុដែលបានមកពីមណ្ឌលកំណែនីមួយៗ បញ្ចូលទៅក្នុងកុំព្យូទ័រ។ បន្ទាប់ពីបញ្ចូលរួច ព្រីនឯកសារចេញពីកុំព្យូទ័រ ដើម្បីធ្វើការផ្ទៀងផ្ទាត់ជាមួយនឹងបណ្ណសម្រង់ពិន្ទុដែលបានមកពីមណ្ឌលកំណែទាំង ១០ នៅរាជធានីភ្នំពេញថា តើពិតជាត្រូវគ្នា ឬក៏អត់ ហើយនឹងមានការត្រួតពិនិត្យមើលដំណើរការប្រឡង និងបូកស្រង់ពិន្ទុនេះ អាចទទួលយកបាន ទើបរៀបចំប្រកាសព័ត៌មានលទ្ធផលប្រឡងនៅថ្ងៃទី ២៧ វិច្ឆិកា តែម្ដង»។
លោកស្រីបានបន្តទៀតថា ក្រសួង បានចាប់ផ្ដើមដំណើរការធ្វើកំណែសន្លឹកកិច្ចការបេក្ខជនប្រឡង ចាប់ពីថ្ងៃទី ៩ រហូតដល់ថ្ងៃទី ១៥ វិច្ឆិកា ត្រូវបានធានាយុត្តិធម៌ តម្លាភាព និងសុក្រឹតភាព ហើយលទ្ធផលអាចទទួលយកបានទាំងអស់គ្នា តាមរយៈយន្តការកាត់រាល់ក្បាលសន្លឹកកិច្ចការ ដោយចុះលេខសម្ងាត់លើសន្លឹកកិច្ចការ ហើយការបែងចែកសន្លឹកកិច្ចការដល់អ្នកកែដោយឆ្លងកាត់ដំណើរការពីរផ្សេងគ្នា។ បន្ទាប់ពីចុះលេខសម្ងាត់លើសន្លឹកកិច្ចការរួច នឹងបញ្ជូនសន្លឹកកិច្ចការទៅកាន់ក្រុមបែងចែកសន្លឹកកិច្ចការ។ ហើយក្រុមបែងចែកសន្លឹកកិច្ចការ នឹងបន្តបែងចែកទៅកាន់ក្រុមកំណែនីមួយៗ។ ដូច្នេះក្រុមកំណែគ្មានសិទ្ធិជ្រើសរើសដុំកំណែដែលខ្លួនត្រូវការឡើយ។ នេះជាការរក្សាការសម្ងាត់ ក៏ដូចជាដំណើរការ នៃការកែសន្លឹកកិច្ចការប្រឡងរបស់សិស្ស។
លោកស្រីបន្ថែមទៀតថា «ដើម្បីធានាសុក្រឹតភាព នៃការកែសន្លឹកកិច្ចការប្រឡង គឺយើងមានយន្តការពីរ។ ទី១.គឺយើងមានអ្នកកែពីរនាក់ លើសន្លឹកកិច្ចការតែមួយ និងទី២.គឺការបញ្ចូលពិន្ទុក្នុងប្រព័ន្ធកុំព្យូទ័រ ត្រូវបានធានាត្រឹមត្រូវ ក្រោមការត្រួតពិនិត្យដោយអនុគណៈកម្មការផ្ទៀងផ្ទាត់ពិន្ទុលើសន្លឹកកិច្ចការជាមួយនឹងពិន្ទុដែលបានបញ្ចូលក្នុងប្រព័ន្ធកុំព្យូទ័រ»។
គួរជម្រាបថា ប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៦ វិច្ឆិកា ២០២៣ បានប្រព្រឹត្តទៅរយៈពេលពីរថ្ងៃ នៅថ្ងៃទី ៦ និងទី ៧ ខែវិច្ឆិកា ឆ្នាំ ២០២៣ ដែលមានបេក្ខជនចុះឈ្មោះប្រឡងសរុបចំនួន ១៣៧.៤១២ នាក់ ស្រី ៧៣.២៧៨ នាក់ ចែកជា ២២៧ មណ្ឌលប្រឡង ត្រូវជា ៥.៥៤៣ បន្ទប់។ មានបេក្ខជនអវត្តមានសរុប ២.៣២៨ នាក់ ស្រី ៩៣៤ នាក់ ស្មើនឹង ១,៦៩ ភាគរយ នៃបេក្ខជនចុះឈ្មោះសរុប(ក្នុងនោះបេក្ខជនស្វៃរិនអវត្តមានចំនួន ១.៨១៤ នាក់ ស្រី ៧៤៩ នាក់)។
បេក្ខជនមានបញ្ហាសុខភាព ៨៥ ករណី ក្នុងនោះបេក្ខជនមានបញ្ហាសុខភាព និងមិនអាចបន្តការប្រឡងបានចំនួន ៥ ករណី។ ក្រៅពីនេះ បេក្ខជនដែលមានបញ្ហាសុខភាពទាំងអស់ បានបន្តការប្រឡងជាធម្មតា បន្ទាប់ពីអាការបានធូរស្រាល និងក្រោមការយកចិត្តទុកដាក់មើលថែពីក្រុមគ្រូពេទ្យ។
ក្រសួងអប់រំ នឹងប្រកាសលទ្ធផលប្រឡងនៅថ្ងៃទី ២៧ វិច្ឆិកា សម្រាប់ភ្នំពេញ និងខេត្តកណ្តាល និងថ្ងៃទី ២៨ សម្រាប់ខេត្តផ្សេងៗ ព្រមទាំងមានផ្សាយនៅលើទំព័រហ្វេសប៊ុកផ្លូវការរបស់ក្រសួង៕
អត្ថបទ ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ