ក្រសួងអំពាវនាវជាថ្មីឱ្យចូលរួមវិធានការរក្សាទឹកទុកប្រើប្រាស់

ក្រសួងធនធានទឹក និងឧតុនិយមបានប្រកាសជាថ្មីដល់មន្ទីរធនធានទឹក និងឧតុនិយមរាជធានីខេត្ត និងប្រជាពលរដ្ឋរួមទាំងអ្នកពាក់ព័ន្ធត្រូវចូលរួមចាត់វិធានការ សហការថែរក្សាទឹកទុកឱ្យបានល្អ និងប្រើប្រាស់ទឹកដោយសន្សំសំចៃក្នុងកម្រិតខ្ពស់ ជាពិសេស បណ្ដាតំបន់ជនបទដាច់ស្រយាល ដែលនៅឆ្ងាយពីប្រភពទឹក។

យោងតាមការព្យាករណ៍អាកាសធាតុលើកទី ៣ សម្រាប់ឆ្នាំ ២០២៣ និងការតាមដាននូវការវិវត្តនូវស្ថានភាពអាកាសធាតុជាសកល តំបន់ បាតុភូត អែលនីណូបានបង្កើនឥទ្ធិពលចាប់ពីខែកញ្ញា ដល់ខែធ្នូ ឆ្នាំ ២០២៣ ដែលមានអត្រាមធ្យមភាគ អែលនីណូនឹងកើនឡើងដល់ ១០០ ភាគរយ នឹងធ្វើឱ្យមានការកើនឡើងកម្ដៅ។

ក្រសួងធនធានទឹកណែនាំឱ្យពិនិត្យ និងវាយតម្លៃលើសក្តានុពលទឹកដែលមាន ហើយត្រូវរៀបចំផែនការ ប្រើប្រាស់ទឹកជាពីរផ្នែកសំខាន់ៗ៖ ទី១ សម្រាប់ប្រើប្រាស់ក្នុងជីវភាពប្រចាំថ្ងៃ ទី២ សម្រាប់បម្រើឱ្យការងារបង្កបង្កើនផលស្រូវរដូវប្រាំងអាចធ្វើបានតែ១ដងប៉ុណ្ណោះ ដោយមិនអាចធ្វើស្រូវប្រាំងលើកទី ២ បើទោះបីទឹកនៅបណ្តាអាងដែលបានរក្សាទុក និងកន្លែងមួយចំនួនមានទឹកធម្មជាតិក៏ដោយ៕