Connect with us

ព័ត៌មានជាតិ

ដីព្រៃក្នុងឃុំដងពែង ស្រុកស្រែអំបិល រងការទន្រ្ទានធ្វើជាកម្មសិទ្ធិពីឈ្នួញមានអំណាច

បានផុស

នៅ

ដីព្រៃឈើដែលសម្បត្តិរបស់រដ្ឋជាច្រើនហិកតា ស្ថិតនៅក្នុងភូមិបាក់អង្រុត ឃុំដងពែង ស្រុកស្រែអំបិល កំពុងរងការបំផ្លិចបំផ្លាញទន្រ្ទានយកធ្វើកម្មសិទ្ធិឯកជនពីសំណាក់ក្រុមឈ្នួញដែលមានអំណាចទឹកលុយ។

ប្រភពព័ត៌មានពីប្រជាពលរដ្ឋដែលសុំមិនបញ្ចេញឈ្មោះ បានឱ្យដឹងថា ដីព្រៃឈើដែលរងការបំផ្លិចបំផ្លាញនេះ ស្ថិតនៅចំណុចកំពង់ខ្លឹម ចំណុចពាមត្រែង និងចំណុចគងឆា ភូមិបាក់អង្រុត ដោយគេឃើញមានការដាក់គ្រឿងចក្រចូលឈូសឆាយដីព្រៃជាច្រើនហិកតាគ្មានការញញើតសមត្ថកិច្ចអាជ្ញាធរណាឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានច្បាស់ការណ៍ដដែល អះអាងដោយចោទប្រកាន់ឈ្មោះ ប៊ុន លូន ហៅតា លូន និងជាមេកន្ទុយលេខមានទឹកលុយដ៏ធំបំផុតក្នុងស្រុកស្រែអំបិលជាអ្នកបញ្ជាឱ្យគ្រឿងចក្រចូលទន្ទ្រានព្រៃឈើយកដីរដ្ឋធ្វើកម្មសិទ្ធិឯកជនគ្មានច្បាប់ណាមួយអនុញ្ញាតនោះទេ។ កម្ពុជាថ្មី មិនអាចសុំការបកស្រាយបំភ្លឺលោក ប៊ុន លូន ហៅតា លូន បានទេនៅរសៀលថ្ងៃទី១៨ ខែវិច្ឆិកា នេះ។

លោក ហុង ប្រុស អភិបាលរងស្រុកស្រែអំបិល លើកឡើងរសៀលថ្ងៃទី១៨ ខែវិច្ឆិកា ឆ្នាំ២០២៣ថា ពិតជាមានការចូលឈូសឆាយព្រៃឈើក្នុងតំបន់ខាងលើនេះដូចការផ្សព្វផ្សាយព័ត៌មានប្រាកដវមែន ប៉ុន្តែដីព្រៃឈើទាំងនោះវាស្ថិតនៅក្រោមការគ្រប់គ្រងរបស់រដ្ឋបាលខេត្តដែលបានកាត់ឆ្វៀលចេញពីអនុក្រឹត្យលេខ៣០កន្លងទៅ។ លោកអភិបាលរងស្រុកស្រែអំបិល អះអាងបន្តថា ក្រោយមានព័ត៌មានចុះផ្សាយ អាជ្ញាធរ និងមន្រ្តីជំនាញស្រុកក៏បានចុះពិនិត្យដល់ទីតាំងជាក់ស្តែង តែមិនឃើញមានគ្រឿងចក្រ ឬមនុស្សកំពុងធ្វើសកម្មភាពឈូសឆាយរំលោភបំពានទៀតទេ ដោយក្រុមជនសង្ស័យជម្លៀសយកគ្រឿងចក្រចេញពីតំបន់កើតហេតុបាត់ទៅហើយ។ លើសពីនេះ អាជ្ញាធរក៏មិនទាន់ក្តោបក្តាប់ព័ត៌មានច្បាស់នៅឡើយទេថា ពិតជាឈ្មោះ ប៊ុន លូន ជាអ្នកបំពានយ៉ាងណា គ្រាកំពុងស្រាវជ្រាវលម្អិតជាមុនសិន ខណៈរកឃើញផ្ទៃដីជាង១ហិចតាប៉ុណ្នោះដែលរងការទន្រ្ទានបំផ្លាញ។

ជុំវិញករណីនេះដែរ លោក វ៉េត សុនីម អនុប្រធានមន្ទីរបរិស្ថានខេត្តកោះកុង ទទួលបន្ទុកការងារតំបន់អភិរក្សធនធានធម្មជាតិជួរភ្នំក្រវ៉ាញខាងត្បូង មិនអាចសុំព័ត៌មានលម្អិតបានទេ ដោយទូរស័ព្ទរបស់លោកមិនទាក់ទងហៅចូលបាន។ ចំណែកលោក មុយ គួង មន្រ្តីបរិស្ថានស្រុកស្រែអំបិល ថ្លែងថា តំបន់រងការទន្រ្ទានយកដីធ្វើកម្មសិទ្ធិស្ថិតនៅតំបន់ការពារអភិរក្សជួរភ្នំក្រវ៉ាញខាងត្បូង រីឯរូបលោកដែនគ្រប់គ្រងតំបន់ប្រើប្រាស់ច្រើនយ៉ាង ដូច្នេះលោកសុំឱ្យទៅសួរព័ត៌មានដឹកនាំមន្ទីរបរិស្ថានខេត្តវិញ។

ថ្មីៗនេះ ក្រសួងបរិស្ថាន និងកងរាជអាវុធហត្ថលើផ្ទៃប្រទេស បានប្រកាសរួមគ្នាគាំទ្រពេញទំហឹងក្នុងកិច្ចសហការ ក្នុងគោលដៅទប់ស្កាត់ និងបង្ក្រាបបទល្មើសធនធានធម្មជាតិ ដោយមិនមានការលើកលែងនោះឡើយ។ លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស គូសបញ្ជាក់ថា ក្រោមការដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចជាគោលការណ៍ គឺចំពោះមុខរក្សាគ្រប់យន្តការដែលមានស្រាប់ និងពង្រឹងការអនុវត្តរាល់សារាចរណែនាំរបស់រាជរដ្ឋាភិបាលជាធរមាន ក្នុងការទប់ស្កាត់ និងបង្ក្រាបបទល្មើសធនធានធម្មជាតិ។

លោកនាយកឧត្តមសេនីយ៍ សៅ សុខា បានអះអាងនៅចំពោះមុខរដ្ឋមន្ត្រីក្រសួងបរិស្ថាន ថា កងរាជអាវុធហត្ថបានត្រៀមរួចជាស្រេចនូវកម្លាំង និងមធ្យោបាយគ្រប់ប្រភេទសម្រាប់កិច្ចអន្តរាគមន៍តាមការស្នើសុំពីក្រសួង-ស្ថាប័នមានសមត្ថកិច្ច និងអាជ្ញាធររាជធានី-ខេត្ត ក្នុងបេសកកម្មចុះបង្ក្រាបករណីនៃបទល្មើសណាដែលមានការលំបាក ហើយក្រសួងជំនាញ ឬអាជ្ញាធរដែនដីមិនអាចធ្វើកិច្ចប្រតិបត្តិការបាន ដោយសារខ្វះកម្លាំង ឬមធ្យោបាយ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម