ព័ត៌មានជាតិ
តុលាការ បញ្ជាឱ្យសមត្ថកិច្ចតាមចាប់ខ្លួនបុគ្គល កង តារាវិឆៃ ដែលបាញ់បោះនៅភ្នំគិរីរម្យ ហើយកំពុងរត់គេច
តុលាការខេត្តកំពង់ស្ពឺ តាមរយៈដីការបស់លោក សេង រិទ្ធី ចៅក្រមស៊ើបសួរនៃសាលាដំបូងខេត្តកំពង់ស្ពឺ បានបញ្ជាឱ្យកម្លាំងសមត្ថកិច្ចស្រាវជ្រាវរកចាប់ និងនាំខ្លួនបុគ្គលឈ្មោះ កង តារាវិឆៃ ដែលជាជនបង្កបាញ់បោះយ៉ាងសេរីនៅលើភ្នំគិរីរម្យ កាលពីពេលថ្មីៗនេះ ក្រោយបុគ្គលនេះកំពុងរត់គេចខ្លួន។
ដីកាបង្គាប់ឱ្យចាប់ខ្លួននេះ បានឱ្យដឹងថា បុគ្គលឈ្មោះ កង តារាវិឆៃ ភេទប្រុស អាយុ ៣២ឆ្នាំ មុខរបរជា មន្ត្រីនគរបាល ត្រូវបានចោទប្រកាន់ពីពីបទប្រើប្រាស់អាវុធគ្រឿងផ្ទុះ និងគ្រាប់រំសេវដោយគ្មានការអនុញ្ញាត ប្រព្រឹត្តទៅចំណុចចំការតែ ស្ថិតនៅភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ កាលពីថ្ងៃទី១១ ខែវិច្ឆិកា ឆ្នាំ២០២៣ វេលាម៉ោង ១៦ និង៣០ នាទីរសៀល រហូតដល់ថ្ងៃទី១២ ខែវិច្ឆិកា ឆ្នាំ២០២៣ វេលាម៉ោង ០៦ និង០០ នាទីព្រឹក បទល្មើសព្រហ្មទណ្ឌមានចែង និងឱ្យផ្តន្ទាទោសតាមបញ្ញត្តិមាត្រា ២០ នៃច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ។
ដើម្បីឱ្យកិច្ចស៊ើបសួរអាចប្រព្រឹត្តទៅបានពេញលេញ លោក សេង រិទ្ធី ចៅក្រមស៊ើបសួរនៃសាលាដំបូងខេត្តកំពង់ស្ពឺ តាមរយៈដីការចុះថ្ងៃទី២០ ខែវិច្ឆិកានេះ បានបង្គាប់ឱ្យចាប់ខ្លួនជនត្រូវចោទខាងលើមកប្រគល់ជូនសាលាដំបូងខេត្តកំពង់ស្ពឺ ដើម្បីចាត់ការតាមច្បាប់។ ជាមួយគ្នានេះ លោកចៅក្រម សេង រិទ្ធី ក៏បានបញ្ជាដល់ប្រធានពន្ធនាគារ ឬមណ្ឌលឃុំខ្លួនឱ្យទទួល និងឃុំខ្លួនបុគ្គលនេះ និងត្រូវនាំទៅបង្ហាញដល់ចៅក្រមស៊ើបសួរផងដែរ។
គួរជម្រាបថា ពាក់ព័ន្ធករណីនេះ មានមនុស្សចំនួន ៤នាក់ ដែលបានចូលខ្លួនសារភាព ហើយត្រូវបានចៅក្រមស៊ើបបសួរ សម្រេចឃុំខ្លួនដាក់ពន្ធនាគារជាបណ្ដោះអាសន្ន ពីបទប្រើប្រាស់អាវុធគ្រឿងផ្ទុះ និងគ្រាប់រំសេវគ្មានការអនុញ្ញាត តាមបញ្ញត្តិមាត្រា២០ នៃច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ។ ប៉ុន្តែ បុគ្គលឈ្មោះ កង តារាវិឆៃ ដែលជាម្ចាស់ទីតាំង កំពុងតែរត់គេចខ្លួន៕
-
ព័ត៌មានអន្ដរជាតិ១ សប្តាហ៍ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ១ សប្តាហ៍ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ២ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៣ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៤ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម