អាជ្ញាធរស្រុកដំណាក់ចង្អើរ ត្រៀមលក្ខណៈរួចរាល់ក្នុងឱកាសបុណ្យសមុទ្រ និងឆ្លងឆ្នាំសកល

នាថ្ងៃទី២៣ ខែវិច្ឆិកា ឆ្នាំ២០២៣នេះ អាជ្ញាធរស្រុកដំណាក់ចង្អើរបានត្រៀមលក្ខណៈរួចរាល់ដើម្បីទទួលភ្ញៀវទេសចរណ៍មកលេងកម្សាន្តក្នុងឱកាសព្រឹត្តិការណ៍បុណ្យសមុទ្រលើកទី១០ ជុំទី៣ ដែលត្រូវបានប្រារព្ធធ្វើឡើងនៅខេត្តកែប នាថ្ងៃទី១ រហូតដល់ថ្ងៃទី៣ ខែធ្នូ ឆ្នាំ២០២៣។ នៅក្នុងឱកាសនោះរដ្ឋបាលស្រុកដំណាក់ចង្អើរ ក៏បានរៀបចំបណ្តារម្មណីយដ្ឋាននានា ជាពិសេសឆ្នេរអង្កោលតែម្តង ដើម្បីត្រៀមទទួលអ្នកទេសចរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមជាមួយគ្នានោះដែរ លោក ឆាង ឆៃ អភិបាលស្រុកដំណាក់ចង្អើរ បានលើកឡើងបន្តឱ្យដឹងដែរថា ក្នុងស្រុកដំណាក់ចង្អើរមានតំបន់ទេសចរណ៍ដែលកំពុងតែមានសក្កានុពលធម្មជាតិស្រស់បៃតង និងបានត្រៀមលក្ខណៈដើម្បីទទួលភ្លៀវទេសចរជាតិ និងអន្ដរជាតិ ក្នុងពេលបុណ្យសមុទ្រ និងឆ្លងឆ្នាំសកលខាងមុខនេះដែរ។

លោក ឆាង ឆៃ អភិបាលស្រុកដំណាក់ចង្អើរក៏បានបញ្ជាក់ឱ្យដឹងទៀតថា សម្រាប់ភ្ញៀវទេសចរ ដែលមកលម្ហែលេងកម្សាន្តនៅឆ្នេរអង្កោលនាឱកាសបុណ្យសមុទ្រ និងឆ្លងឆ្នាំសកល និងមិនមាននៅការបង់ថ្លៃទេ ក្នុងនោះដែរលោកក៏សូមឲ្យអាជីវករទាំងអស់ត្រូវលក់ដូរប្រកបដោយភាពត្រឹមត្រូវ ចូលរួមគោរពច្បាប់ ស្រឡាញ់បរិស្ថាន និងត្រូវចេះវេចខ្ចប់ទុកដាក់សំរាមឲ្យបានត្រឹមត្រូវ៕

អត្ថបទ៖ សឹង រ៉ាត់