ព័ត៌មានជាតិ

សិស្សពូកែបងប្អូនភ្លោះនិទ្ទេសA និងC ចង់បំពេញក្តីស្រមៃរៀននៅសាកលវិទ្យាល័យភូមិន្ទភ្នំពេញ ខណៈជីវភាពគ្រួសារខ្វះខាត

បានផុស

៣ years មុន

នៅ

ថ្ងៃអង្គារ ១២ ធ្នូ ២០២៣

ដោយ

ពិតជារឿងដ៏គួរឲ្យសរសើរ ខណ:ដែលក្មេងស្រីពីរនាក់បងប្អូនស្ថិតក្នុងគ្រួសារកសិករជីវភាពខ្វះខាតតែក្មេងស្រីដែលជាកូនភ្លោះពីរនាក់បងប្អូនបានខិតខំព្យាយាតស៊ូជំនះការលំបាកក្នុងការសិក្សារហូតទទួលបានលទ្ធផលល្អជាទីគាប់ប្រសើរ។

ក្នុងកិច្ចសម្ភាសន៍ជាមួយ “កម្ពុជាថ្មី” កាលពីថ្ងៃទី១១ ខែធ្នូ ឆ្នាំ២០២៣ ប្អូនស្រីជាបងប្អូនភ្លោះទាំង២នាក់មានឈ្មោះ ភាន់ ផូ សិស្សនិទ្ទេស(A) និង ភាន់ ផែន សិស្សនិទ្ទេសC ដែលប្អូនទាំងពីរស្ថិតក្នុងគ្រួសារកសិករក្រីក្រប្អូនបានខិតខំសក្សារហូតទទួលបានលទ្ធផលល្អក្នុងឆ្នាំសិក្សា២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កូនភ្លោះទាំងពីរបានរៀបរាប់ថា បន្ទាប់ពីទទួលបានលទ្ធផលជាប់និទ្ទេសល្អទាំងពីរនាក់ ឪពុកម្តាយពិតជាមានអារម្មណ៍រំភើបខ្លាំងណាស់ហើយអ្វីដែលធ្វើឲ្យប្អូនទាំងពីរចង់សម្រេចក្តីបំណងទៀតនោះ គឺចង់បន្តការសិក្សានៅមហាវិទ្យាល័យដើម្បីពេញបំណងរបស់ខ្លួន ប៉ុន្តែដោយសារជីវភាពគ្រួសារខ្វះខាតទើបពេលនេះឪពុកម្តាយសម្រេចឲ្យកូនបង (ជាប់និទ្ទេសA) ទៅបន្តការសិក្សាតែម្នាក់សិន។ ចំណែកកូនភ្លោះប្អូន (ភាន់ ផែន (និទ្ទេសC)ឲ្យនៅផ្ទះសិន។

ដោយសារជីវភាពគ្រួសារខ្វះខាត និងចង់បន្តការសិក្សានៅសាកលវិទ្យាល័យភូមិភ្នំពេញ ជំនាញគ្រូបង្រៀនទើបប្អូនស្រីដែលជាសិស្សពូកែទាំងពីរនាក់បងប្អូនភ្លោះ បង្ខំចិត្តលើកដៃសំពះសុំឲ្យសប្បុរសជនជួយឧត្ថមដល់ប្អូនៗបានបន្តការសិក្សាផង។

សូមបញ្ជាក់ថា ប្អូនភ្លោះទាំងពីរជាសិស្សរៀននៅវិទ្យាល័យ ច័ន្ទគ្រីស្នា រស់នៅភូមិព្រៃចេក ឃុំព្រៃរំដេង ស្រុកមេសាង ខេតត្តព្រៃវែង។ ម្តាយ-ឪពុកជាកសិករកូនភ្លោះពីរនាក់បងប្អូនមានជីវភាពក្រីក្រ និងមានប្រវត្តិតស៊ូក្នុងការសិក្សាល្អ។ សម្រាប់ក្តីសង្ឃឹមរបស់ប្អូនទាំង២ គឺចង់បន្តការសិក្សានៅមហាវិទ្យាល័័យខាងផ្នែក”គ្រូបង្រៀន” សង្ឃឹមថា ការតស៊ូនេះនឹងទទួលបានការលើកទឹកចិត្តដូចសិស្សដទៃទៀត។ សប្បុរសជនអាចទាក់ទងឧត្ថម្ភតាមរយ:លេខទូរស័ព្ទប្អូនទាំងពីរ 090 27 43 64/ 090633996 ។

សូមជម្រាបថា ក្រសួងអប់រំយុវជននិងកីឡា បានប្រកាសលទ្ធផលប្រឡងសញ្ញាមធ្យមសិក្សាបត្រទុតិយភូមិ (បាក់ឌុប)ឆ្នាំ២០២៣ គឺមានបេក្ខជនជាប់សរុបចំនួន ៧២.៨៩ភាគរយ ក្នុងនោះបេក្ខជនជាប់និន្ទេស Aចំនួ ន១,៦៧៣នាក់, និទ្ទេស B ចំនួន ៦,៩៦៤នាក់, និទ្ទេ ស C ចំនួន ១៨,៣០៨នាក់ ៕

អត្ថបទ៖ ចាន់រ៉ា