ព័ត៌មានជាតិ
កសិករខេត្តកំពត សប្បាយរីករាយក្នុងការប្រមូលផលស្រូវ ខណៈទិន្នផល និងតម្លៃ ហក់ឡើងខ្ពស់ជាងឆ្នាំមុន
នៅថ្ងៃទី ១៤ ខែធ្នូ ឆ្នាំ ២០២៣ ប្រជាកសិកររស់នៅក្នុងខេត្តកំពត កំពុងសប្បាយរីករាយប្រមូលផលស្រូវរបស់ខ្លួន ខណៈឆ្នាំនេះ ទិន្នផលស្រូវកើនឡើងខ្ពស់ មានទីផ្សារល្អជាងឆ្នាំមុន។ ក្នុងនោះ ប្រសិនបើស្រូវមិនចុះថ្លៃវិញនោះទេ ជីវភាពទៅថ្ងៃមុខរបស់ពួកគាត់ ធ្វើស្រែនឹងកាន់តែប្រសើរឡើងបន្ថែមទៀត។
លោក រុន ជា ប្រជាកសិកររស់នៅភូមិភ្នំសាឡី ឃុំកំពង់ត្រាចខាងលិច ស្រុកកំពង់ត្រាច ខេត្តកំពត បានឲ្យដឹងថា ការធ្វើកសិកម្មនាបច្ចុប្បន្ននេះ មិនសូវជួបនឹងការលំបាកដូចពីមុននោះទេ ពិសេសដំណាំស្រូវ ដោយសារតែមានគ្រឿងចក្រមកស៊ីឈ្នួលភ្ជួររាស់ និងច្រូតកាត់ មិនចាំបាច់មនុស្សច្រូតកាត់បោកបែនដូចមុនទៀតឡើយ ហើយប្រើប្រាស់រយៈពេលក៏លឿនជាងមុន។
កសិកររូបនេះ លើកឡើងថា ការប្រមូលផលដំណាំស្រូវឆ្នាំនេះ ទទួលបានទិន្នផលហក់ឡើងខ្ពស់ជាងឆ្នាំមុន។ ចំណែកឯតម្លៃស្រូវវិញ ក៏មានតម្លៃហក់ឡើងខ្ពស់ ហើយមានឈ្មួញចាំទិញដល់ស្រែតែម្ដង។
ចំណែកប្រជាកសិករម្នាក់ទៀត រស់នៅភូមិដើមចារ ឃុំកំពង់ត្រាចខាងលិច ដែលជាម្ចាស់ម៉ាស៊ីនច្រូត និងឈ្មួញទិញស្រូវផង បានឲ្យដឹងដែរថា កសិករចាប់ផ្ដើមរកម៉ាស៊ីនលោកច្រូតកាត់ជាង ១៥ ថ្ងៃ មកហើយ។ ហើយការច្រូតស្រូវបច្ចុប្បន្ន ប្រជាកសិករបានឲ្យម្ចាស់ម៉ាស៊ីនគិតឈ្នួលជាហិតាវិញដោយ ១ ហិតា ចាប់ពីចន្លោះ ៤៥០,០០០ រៀល ទៅ ៥០០,០០០ រៀល។ ម្ចាស់ម៉ាស៊ីន បន្តថា ក្នុង ១ ថ្ងៃ អាចច្រូតស្រូវបានចាប់ពី ៣ ទៅ ជាង ៤ ហិតា។
ឈ្មួញទិញស្រូវ រូបនេះ បន្ថែមថា ឆ្នាំនេះ ពលរដ្ឋសប្បាយចិត្ត ព្រោះទិន្នផលស្រូវក៏បានខ្ពស់ រីឯតម្លៃលក់ក៏បានថ្លៃ។ ចំពោះតម្លៃទិញស្រូវដល់ស្រែ ដោយក្នុង ១ គីឡូក្រាម ១,៣០០ រៀល ខណៈស្រូវស្ងួត តម្លៃ ១,៥០០ រៀល ក្នុង ១ គីឡូក្រាម។ លោកយល់ឃើញថា បើរាជរដ្ឋាភិបាលរក្សាតម្លៃស្រូវកុំឲ្យចុះវិញបាន ឬរក្សាស្ថិរភាពតម្លៃស្រូវបាន នោះជីវភាពកសិករទៅថ្ងៃមុខពិតជាបានល្អប្រសើរ។
គោលនយោបាយលើកកម្ពស់វិស័យកសិកម្មរបស់រាជរដ្ឋាភិបាល ក្នុងការផ្តល់មន្ត្រីជំនាញចុះជួយបណ្ដុះបណ្ដាលផ្នែកកសិកម្ម និងការជួយស្វែងរកទីផ្សារជាដើមនោះ ពិតជាបានជួយធ្វើឲ្យកសិករមានក្តីសង្ឃឹម និងស្នាមញញឹម។
ដោយឡែក លោក តេង វ៉ាន់ធឿន ប្រធានការិយាល័យក្សេត្រសាស្ត្រ និងផលិតភាពកសិកម្ម បានឲ្យដឹងថា គិតមកត្រឹមថ្ងៃទី ១៤ ខែធ្នូ ឆ្នាំ ២០២៣ នេះ ការប្រមូលផលស្រូវរដូវវស្សាឆ្នាំ ២០២៣ សម្រេចបានប្រមាណជាង ៧ ម៉ឺន ៥ ពាន់ហិតា ស្មើនឹង ៥៦% នៃផ្ទៃដីបង្កបង្កើនផលសរុប ហើយទិន្នផលស្រូវប្រមូលបានជាង ២៤ ម៉ឺនតោន (៣,២៨៨ តោន/ហិតា)។
ជាមួយគ្នានេះ ប្រជាកសិករ ក៏បានលើកឡើងថា ឆ្នាំមុនតម្លៃស្រូវក្នុង ១ គីឡូក្រាម មានចន្លោះចាប់ពី ៧០០ រៀល ទៅ ៨០០ រៀល តែប៉ុណ្ណោះ។ សម្រាប់ឆ្នាំ ២០២៣ នេះ ដោយមានការយកចិត្តទុកដាក់ពីប្រមុខរាជរដ្ឋាភិបាល ដែលបានដាក់ឲ្យអនុវត្តគោលនយោបាយលើកកម្ពស់វិស័យកសិកម្ម គេសង្កេតឃើញថា ទីផ្សារស្រូវឆ្នាំនេះតម្លៃស្រូវល្អជាងឆ្នាំមុន ហើយស្រូវលក់ក្នុងស្រែមានតម្លៃបានចាប់ពីជាង ១,៣០០ រៀល ក្នុងមួយគីឡូក្រាម៕
អត្ថបទ ៖ សឹង រ៉ាត់
ចេញពីកិច្ចប្រជុំអាស៊ាននៅម៉ាឡេស៊ី សម្តេច ហ៊ុន ម៉ាណែត នឹងបន្តទៅបំពេញទស្សនកិច្ចនៅជប៉ុន
កម្ពុជា-ថៃ ឯកភាពបន្តកិច្ចព្រមព្រៀងលើវិស័យអប់រំ រយៈពេល ៣ ឆ្នាំបន្តទៀត
កម្មករ-កម្មការិនី ត្រូវរាយការណ៍ជាបន្ទាន់បើឃើញក្រុមហ៊ុនរោងចក្រណា មិនចុះបញ្ជីជាមួយ ប.ស.ស
អាកាសយានដ្ឋានអន្តរជាតិតេជោ លើកពេលបើកដំណើរការទៅដើមខែកញ្ញា
ប្រធានមន្ទីរបរិស្ថានខេត្តមណ្ឌលគិរី ស្នើអភិបាលខេត្តដកមន្ត្រីពីររូបចេញពីក្របខណ្ឌ
ធ្លាក់យន្តហោះនៅ San Diego រដ្ឋកាលីហ្វ័រញ៉ា សម្លាប់មនុស្ស៦នាក់រួមទាំងតន្ត្រីករល្បី
រដ្ឋមន្ត្រីការពារជាតិថៃ ព្រមានពីហានិភ័យ ផ្ទុះរដ្ឋប្រហារថ្មីទៀត
នគរបាលកម្ពុជាកំពុងកសាងនីតិវិធីសហការជាមួយថៃចាប់ខ្លួនសកម្មជនប្រឆាំងម្នាក់
ភ្លៀងខ្លាំងម្សិលមិញនៅបូកគោ បណ្ដាលឲ្យលិចផ្លូវពីកំពត ទៅវាលរិញ
សម្ដេច ហ៊ុន សែន រំលែកផ្ញើសាររំលែកទុក្ខដល់វៀតណាម ចំពោះការបាត់បង់អតីតប្រធានាធិបតី ជិន ឌឹកលឿង
-
ចរាចរណ៍៦ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៤ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម២ ថ្ងៃ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ចរាចរណ៍១ សប្តាហ៍ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍១ សប្តាហ៍ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
ព័ត៌មានជាតិ៣ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៥ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
សន្តិសុខសង្គម៣ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច