ព័ត៌មានជាតិ

នគរបាលខេត្តកំពង់ចាមបង្ក្រាបបទល្មើសគ្រឿងញៀនឃាត់ខ្លួនជនសង្ស័យ៧នាក់និងសម្ភារៈមួយចំនួន

បានផុស

៥ years មុន

នៅ

ថ្ងៃព្រហស្បតិ៍ ១១ កុម្ភៈ ២០២១

ដោយ

Sokhom Khon

សមត្ថកិច្ចនគរបាលខេត្តកំពង់ចាម បានបើកការស្រាវជ្រាវ ស៊ើបអង្កេត បង្ក្រាបបទបទល្មើសគ្រឿងញៀនដកហូតថ្នាំជាច្រើន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលខេត្តកំពង់ចាម ប្រាប់ឲ្យដឹងថា ដោយបានការអនុញាតិពីលោក តូច ឧត្តម ព្រះរាជអាជ្ញារងអមសាលាដំបូងខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្ត សហការណ៍ ជាមួយជំនាញអធិការដ្ឋាននគរបាលស្រុកជើងព្រៃ អធិការដ្ឋានស្រុកព្រៃឈរ និងកម្លាំងប៉ុស្តិ៍នគរបាលរដ្ឋបាលសូសែនដឹកនាំដោយលោកឧត្ដមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀន បើកកិច្ចប្រតិបត្តិការចុះបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន០១ករណី ដោយប្រើវិធានញុះញង់ឃាត់ខ្លួនជនសង្ស័យ២នាក់ កាលថ្ងៃទី៩ ខែកុម្ភៈ ឆ្នាំ២០២១ វេលាម៉ោង២០និង៣០នាទី នៅចំណុចវត្តមេមាំង ស្ថិតក្នុងភូមិមេមាំង ឃុំល្វា ស្រុកព្រៃឈរ ខេត្តកំពង់ចាម ដកហូតវត្ថុតាងរួមមាន ម្សៅក្រាមពណ៌សសង្ស័យជាថ្នាំញៀនចំនួន ០៣កញ្ចប់ ទូរស័ព្ទដៃចំនួន០២គ្រឿង។

តាមចម្លើយសារភាពពីជនសង្ស័យខាងលើ នៅថ្ងៃទី១០ ខែកុម្ភះ ឆ្នាំ២០២១ វេលាម៉ោង០៩និង០០នាទីព្រឹក កម្លាំងជំនាញការិយាល័យប្រឆាំងគ្រឿងញៀនខេត្ត ជាមួយជំនាញអធិការដ្ឋានស្រុកជើងព្រៃ ជំនាញអធិការដ្ឋានស្រុកព្រៃឈរ កម្លាំងប៉ុស្តិ៍សំរោង និងកម្លាំងប៉ុស្តិ៍ថ្មពូន បន្តឃាត់ខ្លួនជនសង្ស័យ៥នាក់បន្ថែម។ ដកហូតវត្ថុតាង ម្សៅក្រាមពណ៌សសង្ស័យជាថ្នាំញៀនចំនួន៤៨កញ្ចប់ ទូសព្ទ័ដៃចំនួន០៣គ្រឿង ដាវចំនួន០១ដើម សម្ភារៈវេចខ្ចប់មួយចំនួនធំ។

បច្ចុប្បន្នជនសង្ស័យរួមទាំងវត្ថុតាងជំនាញខេត្តបាននាំយកទៅការិយាល័យប្រឆាំងគ្រឿងញៀន ដើម្បីចងក្រងសំណុំរឿងតាមនីតិវិធី ៕

អត្ថបទ ៖ រ៉ាវុទ្ធ

Related Topics:ឃាត់ខ្លួន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា