ព័ត៌មានជាតិ
ប.ស.ស ស្នើសហជីពអង្គការសមាគម ផ្ដល់ជាមតិយោបល់ចំណុចខ្វះខាត ប.ស.ស ដើម្បីកែលំអឲ្យកាន់តែល្អប្រសើរ
លោក ម៉េង ហុង អគ្គនាយកបេឡាជាតិសន្តិសុខសង្គមស្ដីទី នៃក្រសួងការងារ និងបណ្ដុះបណ្ដាលវិជ្ជាជីវៈ បានស្នើឲ្យតំណាងសហជីព អង្គការ និងសមាគមពាក់ព័ន្ធទាំងអស់ ដែលជាអ្នកជួបផ្ទាល់ជាមួយពលរដ្ឋក្នុងមូលដ្ឋាន ពិសេសកម្មករ-និយោជិត ចូលរួមជាមតិយោបល់នូវរាល់ចំណុចខ្វះខាតប.ស.ស ដើម្បីកែលំអអង្គភាពផ្តល់សេវាសាធារណៈជូនពលរដ្ឋមួយនេះកាន់តែល្អប្រសើរថែមទៀត។
ជាងនេះទៀត ផ្តល់ឱកាសឲ្យស្ថាប័ន ប.ស.ស អាចពង្រឹងសមត្ថភាពបន្ថែមពីមួយថ្ងៃទៅមួយថ្ងៃ និងអាចបន្ដដំណើរឈានទៅមុខកាន់តែល្អប្រសើរ ក្នុងការបម្រើផលប្រយោជន៍ជូនប្រជាពលរដ្ឋបានគ្រប់ៗ គ្នា។
ថ្លែងបើកពិធីផ្សព្វផ្សាយស្ដីពីការអនុវត្តរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត សម្រាប់បុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស ជូនដល់សម្ព័ន្ធសហជីពជាតិ សហព័ន្ធសហជីពកម្មករសំណង់ និងព្រៃឈើកម្ពុជា និងអង្គការកម្មវិធីអភិវឌ្ឍន៍ធនធានយុវជន កាលពីថ្ងៃទី ២៤ ធ្នូ លោក ម៉េង ហុង បានបន្តថា តំណាងសម្ព័ន្ធសហជីពជាតិ សហព័ន្ធសហជីពកម្មករសំណង់ និងព្រៃឈើកម្ពុជា អង្គការកម្មវិធីអភិវឌ្ឍន៍ធនធានយុវជន និងអង្គការ សមាគមពាក់ព័ន្ធនានា គឺជាដៃគូយ៉ាងសំខាន់ក្នុងសកម្មភាពផ្សព្វផ្សាយអំពីសិទ្ធិ និងផលប្រយោជន៍របស់ប្រជាពលរដ្ឋ ពិសេសកម្មករ-និយោជិត ក្នុងការទទួលបានការគាំពារ និងការយល់ដឹងកាន់តែច្បាស់អំពីអត្ថប្រយោជន៍របបសន្តិសុខសង្គម និងរីករាយទទួលយកនូវសមិទ្ធផលនានារបស់រាជរដ្ឋាភិបាល នីតិកាលទី ៧ ដែលបានដាក់ចេញនាពេលកន្លងមកនេះ។
លោកអគ្គនាយកស្ដីទី បានបន្ដទៀតថា សម្រាប់គ្រប់អង្គការ សមាគម និងសហជីពពាក់ព័ន្ធទាំងអស់ ដែលមានបំណងចង់ឈ្វេងយល់ពីរបបសន្តិសុខសង្គមកំពុងអនុវត្តនាពេលបច្ចុប្បន្ន អាចអញ្ជើញមកជួបជុំគ្នានៅស្នាក់ការ ប.ស.ស ដោយផ្ទាល់ ដោយ ប.ស.ស នឹងរៀបចំពិធីផ្សព្វផ្សាយជូនឲ្យចំគោលដៅ ទទួលបានចំណេះដឹងគ្រប់ៗ គ្នា និងអាចបន្ដផ្សព្វផ្សាយបានឆាប់រហ័ស ទាន់ពេលវេលា អំពីគោលនយោបាយចម្បងសំខាន់ៗ របស់រាជរដ្ឋាភិបាល ពិសេសពាក់ព័ន្ធនឹងវិស័យសន្តិសុខសង្គមកម្ពុជា។
លោកអគ្គនាយកស្ដីទី បានបន្ថែមទៀតថា «ក្នុងនាម ប.ស.ស ជាសេនាធិការរបស់ក្រសួងការងារ និងបណ្ដុះបណ្ដាលវិជ្ជាជីវៈ សូមស្វាគមន៍រាល់កិច្ចសហប្រតិបត្តិការ ជាមួយភាគីសហជីព ក៏ដូចជាអង្គការសមាគមនានា ដើម្បីស្វែងរកដំណោះស្រាយ និងធ្វើសកម្មភាពរួមគ្នាឲ្យកាន់តែមានប្រសិទ្ធភាពសម្រាប់ជាប្រយោជន៍ជូនដល់បងប្អូនកម្មករ-និយោជិត និងបងប្អូនប្រជាពលរដ្ឋ»៕
អត្ថបទ ៖ សំអឿន
ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស
គុណភាពល្អឥតខ្ចោះ! ខុនដូប្រណិតរំដួលស៊ីធីលំដាប់ខ្ពស់ដំបូងនៅភ្នំពេញត្រូវបានប្រគល់ជូនជាផ្លូវការ
សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
Breaking News! ប្រធានាធិបតី វៀតណាម ប្រកាសលាលែងពីតំណែង
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង