ព័ត៌មានជាតិ

យុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» ខេត្តកំពតកើនអ្នកចូលរួមជិត ៩០ ម៉ឺននាក់

បានផុស

២ years មុន

នៅ

ថ្ងៃព្រហស្បតិ៍ ៤ មករា ២០២៤

ដោយ

តាមទិន្នន័យរបស់មន្ទីរបរិស្ថានខេត្តកំពត គិតត្រឹមថ្ងៃទី០៣ ខែមករា ឆ្នាំ២០២៤ ទូទាំងខេត្តកំពតមានពលរដ្ឋចូលរួមយុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» កើនដល់ជិត ៩០ម៉ឺននាក់ (៨៨៨.៦៩៦ នាក់)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចាប់តាំងពីការដាក់ចេញយុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» របស់ក្រសួងបរិស្ថាន រហូតដល់ថ្ងៃទី០៣ ខែមករា ឆ្នាំ២០២៤ ទូទាំងខេត្តកំពត មានអ្នកចូលរួមជិត ៩០ ម៉ឺននាក់(៨៨៨.៦៩៦ នាក់) ក្នុងនោះស្រីជាង ៤០ម៉ឺននាក់(៤៣២.៤៨៨ នាក់)។

ការសម្រេចបាននេះ ថ្នាក់ដឹកនាំនិងមន្ត្រីរបស់ក្រសួងបរិស្ថានគ្រប់ជាន់ថ្នាក់ បានបើកយុទ្ធនាការផ្សព្វផ្សាយចំនួន ៣.១៤៤លើក នៅតាមបណ្ដាសាលារៀនរដ្ឋបានចំនួន ៣.០៨២ លើក រោងចក្រ/សហគ្រាស បានចំនួន ០៦ លើក ចំនួនក្រុង-ស្រុក ០៨/០៨ សាលារៀនឯកជនបានចំនួន ៤៧ លើក និងសហគមន៍ ទីប្រជុំជនបានចំនួន ០៩ លើកផងដែរ។

ក្រសួងបរិស្ថានបានដាក់ចេញយុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» តាំងពីថ្ងៃទី០១ ខែកញ្ញា ឆ្នាំ២០២៣ នៅទូទាំងរាជធានី-ខេត្ត សំដៅលើកកម្ពស់បរិស្ថាន សោភ័ណភាពរបស់កម្ពុជាមានភាពស្អាត ស្រស់បំព្រង គ្មានការបំពុល និងឈានទៅការលប់បំបាត់សំរាមបន្តិចម្ដងៗឲ្យអស់ពីកម្ពុជាក្នុងពេលអនាគតដ៏ខ្លី៕