ព័ត៌មានជាតិ

ប.ស.ស ចុះឈ្មោះសមាជិកផ្នែកថែទាំសុខភាពតាមរបបភាគទានដោយស្ម័គ្រចិត្តកើនឡើងជាង ១១ ម៉ឺននាក់

បានផុស

២ years មុន

នៅ

ថ្ងៃចន្ទ ៨ មករា ២០២៤

ដោយ

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅរសៀលថ្ងៃទី ៨ មករា នេះថា គិតត្រឹមម៉ោង ១២ និង ០០ នាទី ថ្ងៃទី ៨ ខែមករា ឆ្នាំ ២០២៤ នេះ ប.ស.ស បានចុះសមាជិក ប.ស.ស ផ្នែកថែទាំសុខភាពតាមរបបភាគទានដោយស្ម័គ្រចិត្តសរុបចំនួន ១១១ ៨៩៣ នាក់ ក្នុងនោះ បុគ្គលស្វ័យនិយោជន៍ចំនួន ១០០ ៣០៤ នាក់ និងអ្នកក្នុងបន្ទុកសមាជិក ប.ស.ស មានចំនួន ១១ ៥៨៩ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ជាមួយគ្នានេះដែរ សមាជិក ប.ស.ស ផ្នែកថែទាំសុខភាព តាមរបបភាគទាន ដោយស្ម័គ្រចិត្ត បានទៅប្រើប្រាស់សេវាមានចំនួន ៥៤ ៧៩៨។ ដោយឡែក ការចំណាយតាវកាលិកទូទាត់មូលដ្ឋានសុខាភិបាល មានចំនួន ៨៨៩,៤០ លានរៀល។

យ៉ាងណាក៏ដោយ លោកបានបន្តទៀតថា ប.ស.ស បានបន្តចុះយុទ្ធនាការតាមរោងចក្រ សហគ្រាស ផ្ទះជួល ផ្សារ និងទីប្រជុំជនសរុបចំនួន ៤ ៦១៦ លើក ដែលមានអ្នកចូលរួមចំនួន ១ ៣៧៣ ៩២៣ នាក់ និងមានផ្សព្វផ្សាយតាមបណ្ដាញសង្គមផ្លូវការ Facebook, Telegram, YouTube, TikTok និងតាមបណ្ដាញសង្គមរបស់សិល្បករ តារាចម្រៀង និងអ្នកមានប្រជាប្រិយភាពក្នុងបណ្ដាញសង្គម ដោយមានចំនួនចែករំលែកបន្ត ១០៤៧ ដង និងចំនួនចូលទស្សនា ៨២ ៧៨៤ ដង។

លោក កត្តា អ៊ន បានអំពាវនាវដល់ពលរដ្ឋស្ថិតក្នុងបន្ទុកសមាជិក ប.ស.ស និង បុគ្គលស្វ័យនិយោជន៍ សូមទៅចុះឈ្មោះជាសមាជិក ប.ស.ស ដើម្បីសុខភាព ដោយគ្រាន់តែចំណាយបង់ថ្លៃសមាជិក ប.ស.ស របស់បុគ្គលស្វ័យនិយោជន៍ត្រឹម ១៥ ៦០០ រៀលប៉ុណ្ណោះ នឹងទទួលបាននូវអត្ថប្រយោជន៍ និងភាពងាយស្រួលក្នុងការពិនិត្យ និងព្យាបាលជំងឺ ដោយមិនបង់ប្រាក់ អាចកាត់បន្ថយការចំណាយ ពី ១៥ ទៅ ២០ ដុល្លារ ក្នុង ១ ខែ និងទៅទទួលសេវាតាមមន្ទីរពេទ្យរដ្ឋ និងឯកជន មានភាពងាយស្រួល និងរហ័ស៕

អត្ថបទ ៖ សំអឿន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា