អភិបាលខេត្តកំពង់ចាម ឲ្យអាជ្ញាធរពិនិត្យមើលអាជីវកម្មឆ្នោតផ្សងសំណាងក្នុងមូលដ្ឋានរបស់ខ្លួនឡើងវិញ

ក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តកំពង់ចាម កាលពីរសៀលថ្ងៃទី ២២ ខែមករាឆ្នាំ  អភិបាលខេត្តកំពង់ចាម លោក អ៊ុន ចាន់ដា បានណែនាំដល់គណៈបញ្ជាការឯកភាពរដ្ឋបាលក្រុង ស្រុកទាំង ១០ ត្រូវពិនិត្យមើលឡើងវិញ នូវអាជីវកម្មឆ្នោតផ្សងសំណាងផ្សេងៗក្នុងមូលដ្ឋានរបស់ខ្លួន ដើម្បីបញ្ជៀសការធ្វើឱ្យប៉ះពាល់ដល់ជីវភាពប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខេត្ត បានឲ្យដឹងថា បច្ចុប្បន្នមានព័ត៌មាន ទាក់ទងទៅនឹងបញ្ហា ការធ្វើអាជីវកម្មឆ្នោតផ្សងសំណាងផ្សេងៗ ដែលបង្កលក្ខណៈធ្វើឲ្យប្រជាពលរដ្ឋ នាំគ្នាលេងល្បែងមួយនេះរហូតដល់ភ្លេចភ្លាំង លែងចង់ធ្វើការងារ។

ដោយក្តីបារម្ភ ខ្លាចបង្កឲ្យមានផលប៉ះពាល់ធ្ងន់ធ្ងរ ដល់ជីវភាពប្រជាពលរដ្ឋ លោកអភិបាលខេត្ត បានណែនាំដល់អាជ្ញាធរ ពិនិត្យមើលឡើងវិញ ពីព្រោះថា បើទោះល្បែងនោះ មានច្បាប់អនុញ្ញាតត្រឹមត្រូវយ៉ាងណាក៏ដោយ ប៉ុន្តែបើអាជ្ញាធរពិនិត្យឃើញថា មានផលប៉ះពាល់ដល់ប្រជាពលរដ្ឋធ្ងន់ធ្ងរ គឺយើងចាំបាច់ត្រវលើកជាយោបល់ជម្រាបជូន ទៅថ្នាក់ជាតិ ដើម្បីមានវិធានការដោះស្រាយ៕

អត្ថបទ និងរូបភាព ៖ ឡេក  ចាន់ពេជ្រ