ព័ត៌មានជាតិ
ក្រៅពីសម្ដេចតេជោ តើមន្ត្រីណាខ្លះឈរជាបេក្ខជននៅខេត្តកណ្ដាលសម្រាប់ការបោះឆ្នោតព្រឹទ្ធសភា
ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នាខែកុម្ភៈ ខាងមុខ សម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា បានឈរឈ្មោះជាបេក្ខជនសមាជិកព្រឹទ្ធសភា ប្រចាំមណ្ឌលភូមិភាគទី៣ និងជាបេក្ខភាពតំណែងប្រធានព្រឹទ្ធសភា បន្ទាប់ពីសម្ដេច សាយ ឈុំ។ នៅភូមិភាគទី៣នេះទៀតសោត ក្រៅពីសម្ដេចតេជោ ក៏មានបេក្ខជនឈរឈ្មោះ ចំនួន ៤រូបផ្សេងទៀតនៃកូតាគណបក្សប្រជាជនកម្ពុជា។
ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នេះ នឹងប្រព្រឹត្តទៅនៅថ្ងៃអាទិត្យ ទី២៥ ខែកុម្ភៈ ឆ្នាំ២០២៤ គឺជាការបោះឆ្នោតអសកល ដែលមានសមាជិកនៃរដ្ឋសភា និងសមាជិកនៃក្រុមប្រឹក្សាឃុំ សង្កាត់ ក្នុងតំណែងជាអង្គបោះឆ្នោត។ គណបក្សនយោបាយចំនួន៤ បានចុះឈ្មោះ និងដាក់បេក្ខជនចូលរួមប្រកួតប្រជែងដណ្ដើមកៅអីសមាជិកព្រឹទ្ធសភានេះ ដែលក្នុងនោះ គណបក្សប្រជាជនកម្ពុជា ដែលជាគណបក្សកំពុងដឹកនាំរាជរដ្ឋាភិបាលបច្ចុប្បន្ន បានបន្តឈរឈ្មោះ និងដាក់បេក្ខជនសម្រាប់ការបោះឆ្នោតនេះនៅទូទាំង ៨ភូមិភាគ។
មណ្ឌលភូមិភាគទី៣ (ខេត្តកណ្ដាល) ដែលមាន ៥អាសនៈ ត្រូវបានគណបក្សប្រជាជនកម្ពុជា ដាក់បេក្ខជនទាំងពេញសិទ្ធិ និងបម្រុងសរុបចំនួន ១០រូប ដែលក្នុងនោះ លំដាប់លេខរៀងលើគេ គឺសម្ដេចតេជោ ហ៊ុន សែន ប្រធានគណបក្សប្រជាជនកម្ពុជា និងជាអតីតនាយករដ្ឋមន្ត្រីនៃកម្ពុជា អមដោយបេក្ខជនពេញសិទ្ធិចំនួន ៤រូបទៀត រួមមាន៖ លោកស្រី ចាន់ សុទ្ធាវី បច្ចុប្បន្នជារដ្ឋលេខាធិការប្រចាំការក្រសួងយុត្តិធម៌ លោកស្រី សួស សារ៉ាម ជាសមាជិកក្រុមប្រឹក្សាខេត្តកណ្ដាលក្នុងមុខតំណែងសព្វថ្ងៃ ព្រមទាំងសមាជិកព្រឹទ្ធសភាក្នុងមុខតំណែង នីតិកាលទី៤នេះ គឺលោក ម៉ម ប៊ុននាង និងលោក ប្រាក់ ចំរើន។
ដោយឡែក បើតាមបញ្ជីផ្លូវការបេក្ខជនឈរឈ្មោះបោះឆ្នោតជ្រើសតាំងសមាជិកព្រឹទ្ធសភា របស់គណបក្សប្រជាជនកម្ពុជា ចេញដោយគណៈកម្មាធិការជាតិរៀបចំការបោះឆ្នោត (គ.ជ.ប) ក្រុមបេក្ខជនបម្រុង របស់គណបក្សប្រជាជនកម្ពុជា ប្រចាំនៅមណ្ឌលភូមិភាគទី៣ ខេត្តកណ្ដាល មានចំនួន ៥រូប រួមមាន៖ លោក ឈឹម កន លោក ញឹម វណ្ណឌិន លោក ចាន់ សុខុម លោក អ៊ុង តុលា និងលោក លី ជុងថេង៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore