ព័ត៌មានជាតិ
កាត់ទោសបុរសវ័យចំណាស់២នាក់ដែលប្រមាថព្រះមហាក្សត្រ
អតីតសមាជិកគណបក្សសង្គ្រោះជាតិ២នាក់ ក្នុងស្រុកសង្កែ ខេត្តបាត់ដំបង ត្រូវបាននាំខ្លួនមកកាត់ទោសនាល្ងាចថ្ងៃទី១៦ ខែកុម្ភៈ ឆ្នាំ២០២១នេះ នៅសាលាដំបូងរាជធានីភ្នំពេញពាក់ព័ន្ធនឹងបទល្មើស « ប្រមាថព្រះមហាក្សត្រ» ។
ជនត្រូវចោទទាំង២នាក់ដែលតុលាការកាត់ទោសមានឈ្មោះ គង់ ប៊ុនហ៊ាង ភេទប្រុស អាយុ៦៧ឆ្នាំ ជាអតីតយោធិនចូលនិវត្ត រស់នៅស្រុកសង្កែ ខេត្តបាត់ដំបង ។ ឈ្មោះ ហង្ស សេង អាយុ៧០ឆ្នាំ រស់នៅស្រុកសង្កែ ខេត្តបាត់ដំបង ។
តុលាការបានចោទប្រកាន់បុរសវ័យចំណាស់ទាំង២នាក់ពីបទ « ប្រមាថព្រះមហាក្សត្រ » តាមមាត្រា ៤៣៧ នៃក្រមព្រហ្មទណ្ឌ ប្រព្រឹត្តកាលពីថ្ងៃទី១៦ ខែតុលា ឆ្នាំ២០២០ នៅខេត្តបាត់ដំបង ។
ក្នុងសវនាការដែលដឹកនាំដោយលោកចៅក្រម កុល កំពួល និងតំណាងអយ្យការលោក សំ ឬទ្ធីវាសនា ជនជាប់ចោទទាំង២នាក់បានសារភាពថា ពួកគាត់ពិតជាបានទូរស័ព្ទនិយាយគ្នាមានខ្លឹមសារប្រមាថដល់អង្គព្រះមហាក្សត្រពិតមែន ។
ឈ្មោះ គង់ ប៊ុនហ៊ាង និង ហង្ស សេង បាននិយាយថា កាលពីថ្ងៃទី១៦ ខែតុលា ឆ្នាំ២០២០ ឈ្មោះ គង់ ប៊ុនហ៊ាង បានទូរស័ព្ទទៅឈ្មោះ ហង្ស សេង ដោយសួរថា ៖ តើបានទទួលអំណោយដែរទេក្នុងពេលទឹកលិចនេះ ? ពេលនោះឈ្មោះ ហង្ស សេង បានឆ្លើយថា មិនបានអំណោយទេ គឺបានតែគ្នាវាប៉ុណ្ណោះ ទោះក្រដល់ស្លាប់ក៏មិនចង់បានអំណោយនេះទេ ។ បើមានជាតិក្រោយកើតជានាយករដ្ឋមន្ត្រីមិនឲ្យមានស្ដេចឡេឡឺ ស៊ីប្រាក់ខែមិនធ្វើការ ….និងការប្រមាថដោយពាក្យអសុរោះ អគតិ អាក្រក់ស្ដាប់ជាច្រើនទៀត ដែលមានរយៈពេលនៃការសន្ទនាប្រមាណជា១០នាទីឯណោះ។
ឈ្មោះ គង់ ប៊ុនហ៊ាង និងហង្ស សេង បានទទួលស្គាល់ថា ពាក្យជេរប្រមាថអស់នោះ គឺចេញមកពីមាត់របស់ពួកគាត់ពិតៗដោយសារតែផឹកគ្រឿងស្រវឹង។
តំណាងអយ្យការបានចាត់ទុកការប្រមាថនោះមានភាពធ្ងន់ធ្ងរ មិនអាចអត់អោនឲ្យបាន និងស្នើឲ្យចៅក្រមផ្ដន្ទាទោសតាមច្បាប់ ។
រឿងក្ដីនេះ តុលាការបានកំណត់យកថ្ងៃទី០២ ខែមិនា ឆ្នាំ២០២១ វេលាម៉ោង១៤រសៀល ដើម្បីប្រកាសសាលក្រម ៕
អត្ថបទ ៖ មករា
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)