ព័ត៌មានជាតិ
ក្រសួងកិច្ចការនារីប្រកាសជ្រើសរើសមន្ត្រីក្របខ័ណ្ឌថ្មីចំនួន២០កន្លែងសម្រាប់ឆ្នាំ២០២១
ក្រសួងកិច្ចការនារីសូមជូនដំណឹងដល់និស្សិត និងសាធារណជនបានជ្រាបថា សម្រាប់ឆ្នាំ២០២១នេះក្រសួងនឹងរៀបចំការប្រឡងប្រជែងជ្រើសរើសមន្ត្រីរាជការស៊ីវិលក្របខ័ណ្ឌថ្មី ប្រភេទកចំនួន២០កន្លែងឲ្យចូលបម្រើការងារនៅតាមអង្គភាពនានាចំណុះឲ្យក្រសួងកិច្ចការនារីទាំងថ្នាក់ជាតិនិងថ្នាក់ក្រោមជាតិ។
ក្រសួងបានបន្តថា ចំពោះលក្ខខណ្ឌជ្រើសរើសបេក្ខជនត្រូវមានសញ្ជាតិខ្មែរមានអាយុច្រើនបំផុត៣៥ឆ្នាំសម្រាប់អ្នកមានសញ្ញាប័ត្របរិញ្ញាបត្រនិងត្រូវមានអាយុច្រើនបំផុត៤០ឆ្នាំ សម្រាប់អ្នកដែលមានសញ្ញាប័ត្របរិញ្ញាបត្រជាន់ខ្ពស់។
ក្រសួងបានបន្តទៀតថា ចំពោះបេក្ខជនមានសញ្ញាប័ត្របណ្ឌិតត្រូវបានលើកលែងលក្ខខណ្ឌអាយុហើយបេក្ខជនទាំងពីរភេទត្រូវមានទីលំនៅពិតប្រាកដក្នុងរាជធានីភ្នំពេញ ខេត្តដែលខ្លួនមានបំណងដាក់ពាក្យប្រឡងចូលបម្រើការងារលើកលែងតែទីស្តីការក្រសួងកិច្ចការនារី។
ក្រសួងបានបញ្ជាក់ថា បេក្ខជនទាំងពីរភេទដែលបានប្រឡងជាប់ជាស្ថាពរហើយលិខិតថ្កោលទោសបញ្ជាក់ថា មានទោសនិងលិខិតបញ្ជាក់សុខភាពថាមានជំងឺរ៉ាំរ៉ៃ មិនអាចព្យាបាលបានគឺត្រូវឲ្យធ្លាក់ដោយស្វ័យប្រវត្តិ។
ទន្ទឹមនឹងនេះ ក្រសួងផ្ដល់អាទិភាពលើកទឹកចិត្តចំពោះបេក្ខជនជាជនជាតិដើមភាគតិចស្ត្រីនិងជនពិការនិងផ្តល់អាទិភាពលើកទឹកចិត្តចំពោះមន្ត្រីជាប់កិច្ចសន្យាក្រសួងកិច្ចការនារីដែលបានបម្រើការងារចាប់ពី៥ឆ្នាំឡើងទៅ។
ក្រសួងបានបន្ថែមថា ចំពោះវិញ្ញាសាប្រឡងរួមមានវិញ្ញាសាចំណេះដឹងទូទៅ វិញ្ញាសាវិស័យកិច្ចការនារី និងវិញ្ញាសាភាសាអង់គ្លេសនិងចំណេះដឹងកុំព្យូទ័រ។
ចំពោះការទទួលពាក្យប្រឡងចាប់ផ្តើមពីថ្ងៃជូនដំណឹងនេះតទៅរៀងរាល់ម៉ោងធ្វើការនិងឈប់ទទួលពាក្យនៅថ្ងៃទី១៩ ខែមីនាឆ្នាំ២០២១ និងកាលបរិច្ឆេទនៃការប្រឡងនឹងប្រព្រឹត្តទៅនៅថ្ងៃទី០៤ ខែមេសាឆ្នាំ២០២១ខាងមុខ៕
អត្ថបទ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)