ព័ត៌មានជាតិ
មន្ត្រីជាន់ខ្ពស់ការងារ អំពាវនាវ រោងចក្រ បន្តចូលរួមអនុវត្តលក្ខខណ្ឌការងារឱ្យបានល្អ លើកកម្ពស់សុខសុវត្ថិភាពកម្មករ
មន្ត្រីជាន់ខ្ពស់ នៃក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដល់ម្ចាស់រោងចក្រសហគ្រាសទាំងអស់ ចូលរួមអនុវត្តលក្ខខណ្ឌការងារ និងបរិស្ថាន ឱ្យបានល្អ ដើម្បីលើកកម្ពស់សុខសុវត្ថិភាពដល់កម្មករ-និយោជិត នៅកន្លែងធ្វើការ កាន់តែប្រសើរបន្ថែមទៀត។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ២៥ មីនា នេះថា «ក្នុងរយៈពេលប៉ុន្មានឆ្នាំចុងក្រោយនេះ យើងឃើញថា មានការធ្លាក់ចុះច្រើនអំពីការដួលសន្លប់នៅតាមរោងចក្រសហគ្រាស ព្រោះថាក្រសួងការងារបានខិតខំប្រឹងប្រែងណែនាំដល់និយោជកអ្នកគ្រប់គ្រងរោងចក្រសហគ្រាសឱ្យមានបរិយាកាសកន្លែងធ្វើការឱ្យបានទូលំទូលាយ មានខ្យល់ចេញចូល មានកង្ហារ ដើម្បីកាត់បន្ថយកម្តៅតាមរោងចក្រ ផ្តល់កន្លែងធ្វើការសមរម្យ ក៏ដូចជាទឹកសម្រាប់កម្មករ-និយោជិត បរិភោគ»។
លោកបានបន្តថា ជាមួយគ្នានេះដែរ ក្រសួង បានណែនាំដល់កម្មករ-និយោជិត ការពារខ្លួនក្នុងអាកាសធាតុក្តៅ ពេលធ្វើដំណើរតាមដងផ្លូវត្រូវពាក់មួកមានឆ័ត្រ ស្លៀកសំលៀកបំពាក់ស្របទៅតាមរដូវកាល និងបរិភោគទឹកឱ្យបានច្រើន បរិភោគអាហារមានវីតាមីនត្រឹមត្រូវឱ្យបានឆ្អែត ដើម្បីមានកម្លាំងធ្វើការ។ ក្រៅពីនេះ យើងបានសហការជាមួយសហជីព និងកម្មករ-និយោជិត ដើម្បីតាមដានការងារនេះបន្ថែមទៀត ងាយស្រួលក្នុងការធ្វើការកែលម្អបន្ទាន់ ដើម្បីការពារជាមុនកុំឱ្យមានបញ្ហាទើបមានដំណោះស្រាយ។
លោក កត្តា អ៊ន បានបន្ថែមថា ក្រុមការងារអធិការកិច្ចពេទ្យការងារ នឹងចុះពិនិត្យមើលរោងចក្រសហគ្រាសណាមិនអនុវត្តតាមការណែនាំក្រសួង ហើយឱ្យកែលម្អ និងដាក់កំហិត ប្រសិនបើមិនព្រមរាងចាល នឹងដាក់ពិន័យទៅតាមច្បាប់ ដើម្បីធានាថា កម្មករ-និយោជិត ទទួលបានបរិស្ថានល្អ មានលក្ខខណ្ឌការងារល្អនៅកន្លែងធ្វើការ។
លោក កត្តា អ៊ន បានអំពាវនាវដល់ម្ចាស់រោងចក្រសហគ្រាសទាំងអស់ ចូលរួមអនុវត្តលក្ខខណ្ឌការងារ និងបរិស្ថាន ឱ្យបានល្អ ដើម្បីលើកកម្ពស់សុខសុវត្ថិភាពដល់កម្មករ-និយោជិត នៅកន្លែងធ្វើការកាន់តែប្រសើរបន្ថែមទៀត។
គួរបញ្ជាក់ថា ថ្មីៗ នេះ ក្រសួងការងារ និងបណ្ដុះបណ្ដាលវិជ្ជាជីវៈ បានក្រើនរំលឹកសាជាថ្មីដល់ម្ចាស់ ឬនាយកសហគ្រាស គ្រឹះស្ថានទាំងអស់ ត្រូវចូលរួមពង្រឹងការអនុវត្តនូវវិធានការ បង្ការអគ្គិភ័យ និងវិធានការសុវត្ថិភាព និងសុខភាពការងាររបស់កម្មករ-និយោជិត សំដៅធានាបាននូវបរិយាកាសនៅកន្លែងធ្វើការប្រកបដោយសុវត្ថិភាព ទប់ស្កាត់បាននូវគ្រោះអគ្គិភ័យ និងករណីដួលសន្លប់តាមសហគ្រាសគ្រឹះស្ថាន។
ការក្រើនរំលឹកនេះ ធ្វើឡើងដោយសារក្នុងរយៈពេលថ្មីៗ កន្លងមកនេះ ដោយសង្កេតឃើញមានករណីអគ្គិភ័យកើតឡើងជាបន្តបន្ទាប់នៅតាម សហគ្រាស គ្រឹះស្ថានមួយចំនួន ដែលបានធ្វើឱ្យបាត់បង់អាយុជីវិតមនុស្ស និងប៉ះពាល់សុវត្ថិភាព និងសុខភាព ការងាររបស់កម្មករ-និយោជិត ដំណើរការអាជីវកម្ម សន្តិសុខ និងសណ្ដាប់ធ្នាប់សាធារណៈ និងស្របពេលដែលមានការជូនដំណឹងរបស់ក្រសួងធនធានទឹក និងឧតុនិយម ស្ដីពីការឡើងកម្ដៅអាកាសធាតុរហូតដល់ ៤១°C នៅក្នុងខែមេសា និងដើមខែឧសភា ខាងមុខនេះ៕
អត្ថបទ ៖ សំអឿន
៤នាក់ស្លាប់ និងជាង ១ ៣០០នាក់ត្រូវជម្លៀសចេញ ដោយសារភ្លៀងធ្លាក់ខ្លាំងនៅកូរ៉េខាងត្បូង
លោក ស៊ុន ចាន់ថុល បញ្ជូនឯកសារមួយទៅរដ្ឋាភិបាលអាមេរិកទាំងកណ្ដាលយប់ពាក់ព័ន្ធនឹងពន្ធបដិការ
ថាក់ស៊ីន ស្នើឱ្យថៃលក់ «ទិដ្ឋាការមាស» ដើម្បីជំរុញសេដ្ឋកិច្ច ស្រដៀងនឹងផែនការ ត្រាំ
យោធាមីយ៉ាន់ម៉ា ដណ្តើមបានក្រុងសំខាន់មួយមកវិញក្រោយប្រយុទ្ធគ្នាជាមួយក្រុមឧទ្ទាមជិតមួយឆ្នាំ
អ្នកជំនាញទ្រីយ៉ាត្លុង បញ្ជាក់ពីមូលហេតុចំៗកីឡានេះមិនសូវមានអ្នកលេង ឬអ្នកហាត់ដូចកីឡាដទៃ
ថៃ ថា មីនដែលទាហានខ្លួនជាន់ ទើបបង្កប់ថ្មីៗ ផ្ទុយពីការអះអាងរបស់ Boonsin Phadklang
ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?
មកស្គាល់គ្រាប់មីន PMN-2 ដែលថៃអះអាងថា ទាហានខ្លួនជាន់ដាច់ជើង
លោក ចែម វីឌ្យ៉ា នឹងក្លាយជាកូនខ្មែរទី២ដែលកាន់តួនាទីជាន់ខ្ពស់ក្នុងស្ថាប័នអាស៊ាន
រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ