Connect with us

ព័ត៌មានជាតិ

ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី

បានផុស

នៅ

នាល្ងាចថ្ងៃទី១០ ខែមេសា ឆ្នាំ២០២៤ នៅមជ្ឈមណ្ឌលឱកាសខ្ញុំ បានរៀបចំពិធីសង្រ្កាន្តឆ្នាំថ្មីមានជាកម្មវិធីប្រកួតកីឡាបាល់ទាត់ វាយក្អម លាក់កន្សែង របាំនេសាទ ចោលឈូង ទាញព្រ័ត្រ រាំលេងកំសាន្តចង្វាក់ប្រពៃណីខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងនាមថ្នាក់ដឹកនាំ លោកស្រី មុំ ចាន់ដានី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា សមាជិកលេខាធិការដ្ឋានគណកម្មាធិការត្រួតពិនិត្យគ្រឿងញៀនរាជធានីភ្នំពេញ បានស្វាគមន៍និងថ្លែងពីការខិតខំប្រឹងប្រែងគណ:គ្រប់គ្រង មន្រ្តី បុគ្គលិកទាំងអស់ដែលបានពួតដៃគ្នាជួយនិងផ្តល់អនាគតថ្មីដល់ជនរងគ្រោះដោយសារគ្រឿងញៀន។

ថ្លែងក្នុងនាមឯកឧត្តម នាយឧត្តមសេនីយ៍ មាស វិរិទ្ធ អគ្គលេខាធិការ និងលោកជំទាវ ឧត្តមសេនីយ៍ឯក ជ័យ បុប្ផា អគ្គលេខាធិការរងនៃអាជ្ញាធរជាតិប្រយុទ្ធប្រឆាំងគ្រឿងញៀន ក្នុងឱកាសនោះ ឧត្តមសេនីយ៍ឯក លឹម តុងហួត ប្រធាននាយកដ្ឋានផ្សព្វផ្សាយ និងទំនាក់ទំនងសាធារណ: បានសាទរចំពោះការយកចិត្តទុកដាក់ សុខទុក្ខ ផ្តល់ក្តីសង្ឃឹមដល់យុវជនរងគ្រោះដោយសារគ្រឿងញៀនដែលកំពុងសម្រាកព្យាបាលផ្តាច់សារធាតុញៀនដើម្បីក្លាយជាប្រជាពលរដ្ឋល្អ មានប្រយោជន៍ដល់ខ្លួនឯង ក្រុមគ្រួសារ និងសង្គមជាតិ។

ក្នុងឱកាសនោះដែរ ឧត្តមសេនីយ៍ឯក លឹម តុងហួត បន្តថា រាជរដ្ឋាភិបាលនីតិកាលទី៧ដឹកនាំដោយសម្តេចធិបតី ហ៊ុន ម៉ាណែត បានបន្តយកចិត្តទុកដាក់ ឆន្ទះមុតស្រួចដោយបានដាក់ការងារប្រយុទ្ធប្រឆាំងគ្រឿងញៀនជាការងារអាទិភាពនៅមុំទី១នៃយុទ្ធសាស្រ្តបញ្ចកោណដំណាក់កាលទី១ ពង្រីកការងារផ្សព្វផ្សាយអប់រំផ្តល់ចំណេះដឹងដល់ប្រជាពលរដ្ឋបានយល់ដឹងមិនប្រើប្រាស់គ្រឿងញៀន បង្រ្កាបជនល្មើសករណីគ្រឿងញៀន ព្យាបាល ស្តារនីតិសម្បទាអ្នកញៀនគ្រឿងញៀន និងសមាហរណកម្មអ្នកជាសះស្បើយទៅក្នុងសហគមន៍វិញ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

បណ្ឌិត សុខ ទូច៖ ជាអ្នកបំផ្លាញព្រៃឈើខ្មែរ តែវៀតណាមចោទថាខ្មែរជីកព្រែកហ្វូណន ប៉ះពាល់បរិស្ថានធ្ងន់ធ្ងរ

កីឡា១៨ នាទី មុន

ទីបំផុត ព្រះ​ខ័នរាជស្វាយរៀង ប៉ះ ភ្នំពេញក្រោន វគ្គផ្តាច់ព្រ័ត្រពានសម្តេចតេជោ

ព័ត៌មានជាតិ១ ម៉ោង មុន

ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី

ព័ត៌មានជាតិ២ ម៉ោង មុន

គម្រោង​ស្ថាបនា​ផ្លូវ​ជាតិ​លេខ​១០​ ត​ភ្ជាប់​ខេត្ត​កោះកុង ពោធិ៍សាត់ ​និង​បាត់​ដំបង​ សម្រេច​បាន​ជាង​៨០%​ហើយ​

ព័ត៌មានជាតិ៤ ម៉ោង មុន

នាយករដ្ឋមន្ត្រី ណែនាំក្រសួងធនធានទឹកបន្តទប់ស្កាត់ការកាប់បំផ្លាញព្រៃលិចទឹកនៅបឹងទន្លេសាប

Sokha Hotels

ព័ត៌មានពេញនិយម