ព័ត៌មានជាតិ

ពលករខ្មែរ៧នាក់ ត្រូវបានឃាត់ខ្លួន ខណៈពួកគេលួចចេញតាមច្រករបៀងប្រុងគេចមិនធ្វើចត្តាឡីស័ក

បានផុស

៥ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

សមត្ថកិច្ចបានបញ្ជាក់ប្រាប់ឲ្យដឹងថា ការឃាត់ខ្លួនពលករចំនួន៧នាក់នេះ បានធ្វើឡើងនៅក្នុងភូមិសាស្ត្រចំណុចភូមិរស្មី ឃុំជ្រៃសីម៉ា ស្រុកសំពៅលូន ខេត្តបាត់ដំបង នៅព្រឹកថ្ងៃទី២៤ខែកុម្ភៈ ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបន្តថា ករណីខាងលើនេះ ធ្វើឡើងដោយកម្លាំងអន្តរាគមន៍ឈរជើងតាមបន្ទាត់ព្រំដែនត្រង់ចំណុចប៉ុស្តិ៍នគរបាលការពារព្រំដែនគោកលេខ៨១៧ ខណៈដែលកម្លាំងបានចុះល្បាតត្រួតពិនិត្យ ក៏បានប្រទះឃើញនិងឃាត់ខ្លួនពលករខ្មែរឆ្លងដែនចេញមកពីប្រទេសថៃចំនួន៧នាក់ តែម្តងដោយក្នុងនោះស្ត្រី២នាក់និងក្មេងប្រុស១នាក់ផងដែរ។ នគរបាលការពារតំបន់ព្រំដែនបានឲ្យដឹងថា ការចុះត្រួតពិនិត្យនិងឃាត់ខ្លួនពលករខ្មែរ ដែលឆ្លងដែនខុសច្បាប់ទាំង៧នាក់នេះ គឺអនុវត្តតាមការណែនាំពីរាជរដ្ឋាភិបាល ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ១៩ចូលក្នុងសហគមន៍។

ក្រោយការសាកសួរព័ត៌មានរួចរាល់ កម្លាំងសមត្ថកិច្ចជំនាញបានបញ្ជូនពលករទាំងអស់ទៅកាន់មណ្ឌល ដើម្បីអនុវត្តពិនិត្យសុខភាពយកវត្ថុសំណាកនិងតម្រូវឲ្យចូលធ្វើចត្តាឡីស័ក១៤ថ្ងៃ ក្នុងស្រុកសំពៅលូនតាមវិធានការរបស់ក្រសួងសុខាភិបាលតែម្តង៕

អត្ថបទ៖ សៅ សារិទ្ធ

សូមចុចអាន៖ រដ្ឋបាលក្រុងសិរីសោភ័ណ និងក្រុងប៉ោយប៉ែត ចុះត្រួតពិនិត្យ ផ្អាកអាជីវកម្ម KTV ក្លឹបកម្សាន្ត