ព័ត៌មានជាតិ
តាំងពីផ្ទុះថ្ងៃ ២០ កុម្ភៈ ជនជាតិខ្មែរឆ្លងកូវីដឡើងដល់ ២៧ នាក់ហើយ
ការផ្ទុះសហគមន៍ ២០ កុម្ភៈ បានរាលដាលកាន់តែធ្ងន់ធ្ងរ ខណៈចំនួនអ្នកឆ្លងមានការកើនឡើងជារៀងរាល់ថ្ងៃ។ គិតត្រឹមព្រឹកថ្ងៃ ២៨ កុម្ភៈ ការឆ្លងក្នុងសហគមន៍ ២០ កុម្ភៈ កើនឡើងសរុបដល់ ៣០២ នាក់។
ករណីឆ្លងភាគច្រើនពាក់ព័ន្ធសហគមន៍ជនជាតិចិនស្ទើរតែជាង ៩០ ភាគរយ។ ក្រៅពីនោះ ក៏មានកត់ត្រាអ្នកប៉ះពាល់មានជាតិសាសន៍មួយចំនួន ដែលកំពុងរស់នៅប្រទេសកម្ពុជា។
ដោយឡែកជនជាតិខ្មែរ ដែលរកឃើញឆ្លងកូវិដ ១៩ ក្នុងព្រឹត្តិការណ៍ ២០ កុម្ភៈ តាំងពីថ្ងៃផ្ទុះដំបូងមក មានអ្នកឆ្លងកើនឡើងដល់ ២៧ នាក់គិតត្រឹមព្រឹកថ្ងៃ ២៨ កុម្ភៈ ២០២១។
ការផ្ទុះព្រឹត្តិការណ៍ ២០ កុម្ភៈ កំពុងឆ្លងរាលដាលដល់បណ្តាខេត្តនានា។ នៅខេត្តព្រះសីហនុ អាជ្ញាធរបានអំពាវនាវដល់បងប្អូនប្រជាពលរដ្ឋ បើមិនមានករណីចាំចាច់សូមកុំធ្វើដំណើរចល័តពីខេត្តព្រះសីហនុ ទៅរាជធានីភ្នំពេញ ឬតាមបណ្តាខេត្តផ្សេងទៀត ឬពីក្រុងស្រុកនានា ចូលមកក្រុងព្រះសីហនុ (ត្រូវស្នាក់នៅផ្ទះ ឬកន្លែងធ្វើ)។ ការអំពាវនាវនេះត្រូវបានធ្វើឡើង ខណៈគិតត្រឹមថ្ងៃទី២៧ ខែកុម្ភៈឆ្នាំ ២០២១ នេះ លទ្ធផលធ្វើតេស្តវត្ថុសំណាកលើជនបរទេស និងជនជាតិខ្មែរដែលពាក់ព័ន្ធព្រឹត្តិការណ៍ “សហគមន៍ ២០ កុម្ភ:” ក្នុងខេត្តព្រះសីហនុ មានវិជ្ជមានវីរុសកូវីដ-១៩ កើនឡើងដល់ចំនួន៣០នាក់។
នៅខេត្តកំពង់ចាម ក៏មានការផ្ទុះរកឃើញអ្នកពាក់ព័ន្ធបុរសម្នាក់ដែលបានចូលរួមពិធីមង្គលការមួួយ ត្រូវបានតេស្តមានកូវីដ ១៩។ ក្រុមឆ្លើយតបបន្ទាន់នៃមន្ទីរសុខាភិបាលខេត្ត បានចុះទៅស្រាវជ្រាវរកយកសំណាកអ្នកដែលពាក់ព័ន្ធជាមួយពិធីមង្គលការនៅភូមិកោះតូច ឃុំពាមជីកង ស្រុកកងមាស ដែលមានបុរសម្នាក់មកពីទួលសង្កែ ក្រុងភ្នំពេញ មានឆ្លងជំងឺកូវីដ១៩បានចំនួន២២៣នាក់ ក្នុងនោះមានអ្នកដែលបានប៉ះពាល់ផ្ទាល់ចំនួន២១នាក់ និងបានយកពួកគាត់មកចត្តាឡីស័កនៅសណ្ឋាគារមេគង្គរួចហើយ។
រដ្ឋាភិបាលជប៉ុន បានដាក់ប្រទេសកម្ពុជាក្នុងបញ្ជីប្រទេស ដែលមានជំងឺកូវីដ១៩ ទម្រង់ថ្មី បន្ទាប់ពីរកឃើញ ការឆ្លងជំងឺប្រភេទថ្មី ចំនួន ៣ ករណីនៅលើខ្លួនជនបរទេសកាលពីពេលថ្មីៗនេះ។ ការប្រកាសប្រទេសកម្ពុជាបញ្ចូលទៅក្នុងបញ្ជីនេះ នឹងចូលជាធរមាននៅថ្ងៃទី ១ ខែមីនា ឆ្នាំ ២០២១។
អត្ថបទ៖ ប៊ុណ្ណារ៉ា
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល