ខេត្តបន្ទាយមានជ័យធ្វើយុទ្ធនាការផ្សព្វផ្សាយអប់រំច្បាប់ចរាចរណ៍ និងចែកមួកសុវត្ថិភាព

នៅព្រឹកថ្ងៃទី២២ ខែមិថុនា ឆ្នាំ២០២៤នេះ នៅចំណុច ភ្លើងស្តុប លោក កែ សួនសុភាព អភិបាលរងខេត្តបន្ទាយមានជ័យ មន្ត្រីចរាចរណ៍  និងក្រុមការងារជាច្រើននាក់ទៀតបាននាំយកអំណោយ មួកសុវត្ថិភាពរាប់រយរបស់ ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃចែកជូនដល់អ្នកធ្វើចរាចរណ៍តាមផ្លូវជាតិ នៅចំណុចភ្លើងស្តុបដើម្បីធ្វើការផ្សព្វផ្សាយអប់រំច្បាប់ចរាចរណ៍ផ្លូវគោក។

លោក កែ សួនសុភាព លោក ឧត្តមសេនីយ៍ ត្រី ង៉ាន់ ចិន្តា បានមានប្រសាសន៍ប្រាប់អ្នកយកព័ត៍មានឲ្យដឹងថា ការផ្សព្វផ្សាយ អំពីសុវត្ថិភាពចរាចរណ៍ផ្លូវគោកនេះ មានសារៈសំខាន់ណាស់ដើម្បីជំនួយស្មារតីដល់អ្នកបើកបរទោចក្រយានយន្ត ទោចក្រយានយន្តសណ្តោងរ៉ឺម៉ក ត្រីចក្រយានយន្ត ត្រូវយល់ដឹងពីសុជីវធម៌ ក្នុងការបើកបរច្បាប់ចរាចរណ៍ និងសញ្ញាចរាចរណ៍ផ្លូវគោកជាដើម។ ក្នុងនោះដោយមានការបង្ហាញដោយផ្ទាល់ពីមន្រ្តីជំនាញផងដែរ ក្នុងគោលបំណងបង្កើន សមត្ថភាពយល់ដឹងពីច្បាប់ ចរាចរណ៍ផ្លូវគោក ជូនដល់ក្រុមអ្នកបើកម៉ូតូក្នុងគោលដៅលុបបំបាត់ការបំពានច្បាប់ចរាចរណ៍ កាត់បន្ថយគ្រោះថ្នាក់ចរាចរណ៍ និងរក្សាសុវត្ថិភាពក្នុងពេលបើកបរផងដែរ។

លោកទាំង២ បានមានប្រសាសន៍បន្តទៀតថា អ្នកបើកបរទាំងអស់ត្រូវយល់ដឹងឲ្យបានច្បាស់អំពីគ្រោះថ្នាក់ចរាចរណ៍ ដែលកើតឡើងមកពីកក្កា៧យ៉ាងគឺ ១/ការបើកហួសល្បឿនកំណត់ធ្វើឲ្យយើងបាត់បង់ម្ចាស់ការនៅពេលដែលមានឧបសគ្គដោយចៃដន្យ។ ២/បើកនៅក្រោមឥទ្ធិពលនៃគ្រឿងស្រវឹងនិងគ្រឿងញៀននៅពេលអត់ងងឹយខ្លាំងហេវហត់ខ្លាំង។ ៣/ការមិនគោរពសិទ្ធអទិភាពនៅកន្លែងផ្លូវប្រសព្វឬនៅលើផ្លូវដែលមានប្រសិទ្ធភាព ៤/បើកជែងគ្នាដោយខ្វះការប្រុងបករយ័ត្ន ៥/មិនគោរពច្បាប់ចរាចរណ៍ និងភ្លើងសញ្ញាចរាចរណ៍។ ៦/ការបត់ឆ្វេងឬថយក្រោយគ្មានការប្រុងប្រយ័ត្នជាដើម៧/មិនបានមើលគំនូសផ្លាកសញ្ញាចរាចរណ៍ តើត្រូវជិះតាមណានេះកំពុងក្លាយ ជាបញ្ហដ៏ធំផងដែរ។

ការចូលរួមគោរពច្បាប់ចរាចរណ៍ទាំងអស់គ្នាដើម្បីកាត់ប​ន្ថយ​គ្រោះថ្នាក់​ចរាចរណ៍​មិនជារឿងការពិបាកនោះទេ បើសិនប្រជាពលរដ្ឋណាមិនបានចូលរួមគោរពច្បាប់ចរចរណ៍ ឲ្យបានគ្រប់គ្នាទេនោះគ្រោះថ្នាក់​ដោយ​សារ​ចរាចរណ៍​ និងអាចកើនឡើងជាងមុន។ការគោរពច្បាប់ចរាចរណ៍​វាមិនពិបាកនោះទេពេលដែលយើងជិះម៉ូតូ ត្រូវ​ពាក់មួក​សុ​វត្តិភាព​ទាំងអស់​គ្នាមិនត្រូវ​បើកបរ​ទាំង​មាន​ភាពស្រវឹង ជៀសវាង​ជិះ​ម៉ូតូ​វ៉ា​ស្តាំ ចំពោះបងប្អូន​ដែល​ជិះ​រថយន្ត​ត្រូវ​ដាក់​ខខ្សែក្រវ៉ាត់ឲ្យបាន​ត្រឹមត្រូវ​មុន​ចេញដំណើ​ទោះ​ជិត​ឬ​ឆ្ងាយ​ក្តី​ដើម្បី​សុ​វត្តិភាពរបស់​បងប្អូន​។

ក្នង​ឱកាស​ននោះលោកទាំង២ បានធ្វើការ​អំពអំពាវនាវដល់ប្រជាពលរដ្ឋទាំងអស់ចូលរួម​គោរព​ច្បាប់​ចរាចរណ៍​ទាំងអស់​គ្នា ដូចជាត្រូវ​ ចេះ​បើកបរ​មានការប្រុងប្រយ័ត្ន ពាក់មួក​សុវត្ថិភាព​ជានិច្ច ពាក់​ខ្សែក្រវ៉ាត់ពេលបើកបរ ត្រូវ​ជិះប្រកាន់​ស្តាំ​ជានិច្ច ត្រូវ​ត្រួតពិនិត្យ​លក្ខណៈ​បច្ចេកទេស​យានយន្ត​ជានិច្ច ត្រូវ​ប្រុងប្រយ័ត្ន​ជានិច្ច​ត្រូវ​រក្សាទុក​ផ្លូវ​ថ្មើរជើងផងដែរ ។ សូមឲ្យប្រជាពលរដ្ឋ និងអ្នកធ្វើដំណើរតាមផ្លូវជាតិទាំងអស់ត្រូវស្វែងយល់អំពី មាត្រាសំខាន់ៗនៃច្បាប់ចរាចរណ៍ផ្លូវគោក ឲ្យបានច្បាស់ ១មើលសញ្ញាចរាចរណ៍ផ្លូវគោក ២សិទ្ធិអាទិភាពនៅផ្លូវប្រសព្វ ៣ការត្រួតពិនិត្យយានជំនិះ និងការផ្ទុកទំនិញ៤ បច្ចេកទេស និងសុវត្ថិភាពក្នុងការបើកបរផងដែរ៕

អត្ថបទ៖ វ៉ាន់ ណាង