Connect with us

ព័ត៌មានជាតិ

រដ្ឋមន្ត្រីក្រសួងព័ត៌មាន លើកទឹកចិត្តក្រសួងស្ថាប័នបង្កើតក្លឹបកីឡា ដើម្បីបុគ្គលិកហាត់ប្រាណ បង្កើនមិត្តភាព ចៀសឆ្ងាយពីគ្រឿងញៀន

បានផុស

នៅ

 រដ្ឋមន្រ្តីក្រសួងព័ត៌មាន លោក  នេត្រ ភក្ត្រា លើកទឹកចិត្តដល់ក្រសួងស្ថាប័នទាំងអស់សូមចូលរួមបង្កើតនូវក្លឹបកីឡាផ្សេងៗ ដើម្បីបង្កនូវបរិយាកាសងាយស្រួលសម្រាប់បុគ្គលិក និងមន្ត្រីរាជការរចូលរួមលេងកីឡា ដើម្បីសុខភាព រឹតចំណងមិត្តភាព និងផ្លាស់ប្តូរនូវបរិយាកាសក្នុងការបង្កើននូវប្រសិទ្ធភាពការងារ និងដាក់ខ្លួននៅឱ្យ ឆ្ងាយពីគ្រឿងញៀន និងអំពើអបាយមុខផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការថ្លែងរបស់ លោក នេត្រ ភក្ត្រា រដ្ឋមន្ត្រីក្រសួងព័ត៌មាន ក្នុងឱកាសអញ្ជើញជាអធិបតីក្នុងពិធីបើកកម្មវិធីការប្រកួតវាយសី មិត្តភាព កម្ពុជា-ចិន មិនមែនអាជីព ក្រោមប្រធានបទ “People to People Exchange Amateur Badminton Champion 2024”, រៀបចំឡើងដោយ សារព័ត៌មានត្នោត និងសហពន្ធ័កីឡាវាយសីកម្ពុជា នៅទីលានក្លឹបវាយសី នរា ស្ថិតនៅកោះនរា រាជធានីភ្នំពេញ នាថ្ងៃទី២៩ ខែមិថុនា ឆ្នាំ២០២៤ ។

លោករដ្ឋមន្ត្រីថ្លែងថា ការលេងកីឡា គឺប្រៀបដូចទៅនឹងការអប់រំកាយ និងអប់រំចិត្ត ដោយកាត់បន្ថយពេលវេលាដែលមិនសមប្រកប បែរមកលេងកីឡាដើម្បីឱ្យមានកាយសម្បទារឹងមាំ សុខភាពល្អ និងមានសាច់ឈាមស្រស់ថ្លា។ បច្ចុប្បន្ននៅក្រសួងព័ត៌មាន បានបង្កើតក្លឹបកីឡាហែលទឹកក្រសួងព័ត៌មាន ដែលកំពុងមានការរីកចម្រើន ហើយបាននាំយកនូវមេដាយ និងកិត្តិយស ជូនក្រសួង ជាពិសេសបានឈ្នះមេដាយពីការប្រកួត អន្តរជាតិមកជូនប្រទេសជាតិថែមទៀត។

 លោក រដ្ឋមន្ត្រី នេត្រ ភក្ត្រា បានគូសបញ្ជាក់ថា ការរៀបចំព្រឹត្តការណ៍នៃការប្រកួតកីឡាវាយសីនេះឡើង ដើម្បីពង្រឹង និងពង្រីកទំនាក់ទំនង និងកិច្ចសហប្រតិបត្តិការត្បូងពេជ្រ ស្របតាមការប្តេជ្ញាចិត្តរួមរបស់ថ្នាក់ដឹកនាំនៃប្រទេសទាំងពីរ ដើម្បីប្រកៀកដៃគ្នាឆ្ពោះទៅសម្រេច «ឆ្នាំនៃការផ្លាស់ប្តូរប្រជាជន និងប្រជាជនកម្ពុជា-ចិន ២០២៤» តាមរយៈការលេងកីឡារួមគ្នា។

 លោក រដ្ឋមន្ត្រី បានរំលឹកឡើងវិញថា កាលពីខែមេសា ឆ្នាំ២០២៤ កន្លងទៅថ្មីៗនេះ ប្រទេសទាំងពីរក៏ទើបបានរៀបចំរួមគ្នានូវព្រឹត្តិការណ៍ សម្តែងក្បាច់គុនសាវលីញ និងគុនល្បុក្កតោ នៅអង្គរ (When Shaolin Meets Bokator At Angkor)» នៅ ខេត្តសៀមរាប ដើម្បីផ្សព្វផ្សាយបញ្ជាបការយល់ដឹងអំពីយុទ្ធនាការ “ឆ្នាំនៃការផ្លាស់ប្តូរប្រជាជននិងប្រជាជន កម្ពុជា-ចិន២០២៤” ដល់ស្រទាប់យុវជនប្រជាជន នៃប្រទេសទាំងពីរ ។

តាមរយៈនៃការរៀបចំព្រឹត្តិការណ៍ ប្រកួតវាយសីមិត្តភាពកម្ពុជា-ចិន (មិនមែនអាជីព) នាថ្ងៃនេះ  លោក នេត្រ ភក្ត្រា មានជំនឿជាក់ថា នឹងរួមចំណែកបន្ថែមមួយកម្រិតទៀតធ្វើឱ្យ ទំនាក់ទំនងរវាងប្រទេសទាំងពីរកាន់តែរឹងមាំ ស៊ីជម្រៅ និងសម្រេចបាននូវចក្ខុវិស័យ នៃការបង្កើត “សហគមន៍ជោគវាសនារួម កម្ពុជា-ចិន”។

  លោក រដ្ឋមន្ត្រី នាគូសបញ្ជាក់សារជាថ្មីថា ការជួបជុំគ្នាលេងកីឡានៅថ្ងៃនេះ អាចប្រព្រឹត្តទៅបានក៏ ដោយសារប្រទេសយើងមានសុខសន្តិភាពពេញលេញ និងមានការអភិវឌ្ឍរីកចម្រើនស្ទើរគ្រប់វិស័យ ក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដូចដែលមាននៅក្នុងទិសស្លោកសម្រាប់ការប្រកួតកីឡាស៊ីហ្គេមដែលកម្ពុជាធ្វើ ជាម្ចាស់ផ្ទះ «កីឡារស់នៅក្នុងសន្តិភាព» ឬ «Sport Lives in Peace» ។

  លោក រដ្ឋមន្ត្រីក្រសួងព័ត៌មាន ជឿជាក់ថា ព្រឹត្តិការណ៍ប្រកួតវាយសីមិត្តភាពកម្ពុជា-ចិន (មិនមែនអាជីព) នៅថ្ងៃនេះ បានឆ្លុះបញ្ចាំងយ៉ាងច្បាស់លាស់នូវការប្តេជ្ញាចិត្ត និងឆន្ទៈក្នុងការបន្តពូនជ្រំទំនាក់ទំនង និងកិច្ចសហប្រតិបត្តិទ្វេភាគីនិងជាច្រកមួយដែលបើកទូលាយដើម្បីស្វាគមន៍កិច្ចសហការនានា ដែលបន្តធ្វើរួមគ្នានាពេល អនាគត ដើម្បីរួមចំណែកក្នុងដំណើរអភិវឌ្ឍន៍ប្រជាជាតិទាំងពីរ កម្ពុជា ចិន ។

    លោក Chen Cong អគ្គទីប្រឹក្សាស្ថានទូតចិនប្រចាំកម្ពុជា មានប្រសាសន៍លើកឡើងថា កីឡាជាវិស័យសំខាន់មួយនៃការផ្លាស់ប្តូរវប្បធម៌រវាងប្រជាជននិងប្រជាជន។ ស្មារតីនៃការខិតខំ ប្រឹងប្រែង កិច្ចសហប្រតិបត្តិការ និង ព្យាយាមដោះស្រាយបញ្ហាប្រឈមរួមគ្នាដែលមាននៅក្នុងវិស័យកីឡា គឺជាទ្រព្យសម្បត្តិដ៏មានតម្លៃដែលត្រូវបានចែករំលែកដោយសង្គមមនុស្ស ហើយនឹងជា ចំណងរវាងប្រជានកម្ពុជា និង ប្រជាជនចិនដ៏សំខាន់មួយ។ តំណាងស្ថានទូតចិន សង្ឃឹមថា យើងទាំងគ្នាជាកីឡាករ “អាចរាប់អានគ្នាជាមិត្តតាមរយៈកីឡាវាយ សីនេះ” ធ្វើឲ្យកាន់តែស៊ីជម្រៅថែមទៀតនូវចំណងមិត្តភាពនិងសាមគ្គីភាព និងរីកចម្រើនជាមួយគ្នា តាមរយៈការប្រកួតនេះដែរ ។

លោកស្រី Han Li អគ្គនាយិកាសារព័ត៌មានត្នោត ញ៉ូស មានប្រសាសន៍លើកឡើងថា តាមរយៈការប្រកួតកីឡាវាយសីនេះ នឹងអាចរឹតបន្តឹងចំណងមិត្តភាព ដ៏ជ្រាលជ្រៅរវាងប្រជាជនចិន និងប្រជាជនកម្ពុជា នឹងជំរុញការផ្លាស់ប្តូរ ការធ្វើសមាហរណកម្មវប្បធម៌រវាងប្រទេសទាំងពីរបានកាន់តែស៊ីជម្រៅជាងមុន។ កីឡាវាយសី មិនត្រឹមតែជាកីឡាប៉ុណ្ណោះទេ ថែមទាំងជាស្ពានតភ្ជាប់វប្បធម៌ខុសៗគ្នាផងដែរ។ នៅក្នុងឆ្នាំ២០២៤ដែលជាឆ្នាំនៃការផ្លាស់ប្តូរប្រជាជន និងប្រជាជនរវាងប្រទេសកម្ពុជា-ចិន ព្រឹត្តិការណ៍ ដែលបានរៀបចំនៅពេលនេះ គឺមិនត្រឹមតែជាការប្រកួតកីឡាប៉ុណ្ណោះទេ ប៉ុន្តែវាក៏ជាពេលវេលាដ៏សំខាន់សម្រាប់ការផ្លាស់ប្តូរវប្បធម៌រវាងប្រទេសទាំងពីរ ចិន កម្ពុជា ដូចគ្នា។

   លោក ប្រាក់ ផាន់ណារ៉ា រដ្ឋលេខាធិការក្រសួងទេសចរណ៍ បានចាត់ទុកប្រព្រឹត្តការណ៍នៃការប្រកួតកីឡាវាយសី មិត្តភាព កម្ពុជា-ចិន មិនមែនអាជីព ក្រោមប្រធានបទ “People to People Exchange Amateur Badminton Champion 2024” គឺមានសារៈសំខាន់ក្នុងការពង្រឹងចំណងមិត្តភាព និងកិច្ចសហប្រតិបត្តិរវាងប្រទេសទាំងពីរកម្ពុជា ចិន កាន់តែប្រសើរបន្ថែមទៀត ពិសេសជាការទាក់ទាញភ្ញៀវទេសចរចិន មកទស្សនាកម្ពុជា កាន់តែច្រើនបន្ថែមទៀត តាមរយៈវិស័យទេសចរណ៍ដីសប្បូរណ៍បែបនៅកម្ពុជា ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៣ ម៉ោង មុន

ព្រះតេជគុណ ជួន កក្កដា គ្រោងលាចាកសិក្ខាបទនៅព្រឹកនេះ

ព័ត៌មានអន្ដរជាតិ៤ ម៉ោង មុន

និយាយជាមួយពូទីនចប់ភ្លាម ត្រាំ ថា បើផ្ទុះសង្គ្រាមលោកលើកទី៣ ទ័ពអាមេរិក ក៏អាចចូលប្រយុទ្ធដែរ

សេចក្ដីជូនដំណឹង២៣ ម៉ោង មុន

គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះ បានសាងសង់ដោះស្រាយ នឹងបញ្ចប់សរុប 3172 ផ្ទះហើយ

ព័ត៌មានអន្ដរជាតិ១០ ម៉ោង មុន

ហ៊ូធី បាញ់​មីស៊ីល​ដាក់​អ៊ីស្រាអែល ក្រោយហ្គាហ្សា​ផ្ទុះ​អាវុធ​ឡើង​វិញស្លាប់​មនុស្ស​ជាង​៤០០​នាក់

ព័ត៌មានអន្ដរជាតិ៧ ម៉ោង មុន

ប្រជាជនថៃមកពី១៩​ខេត្ត តវ៉ា​ដោយ​ដឹកត្រី​ទីឡាព្យ៉ា​​ថ្ពាល់​ខ្មៅចាក់នៅមុខវិមានរដ្ឋាភិបាល

Sokha Hotels

ព័ត៌មានពេញនិយម