ព័ត៌មានជាតិ
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
នៅវេលាម៉ោង ៣ និង ៤៥ នាទី រសៀលថ្ងៃទី ២៥ ខែសីហា ឆ្នាំ ២០២៤ នេះ ព្រះធម្មវនវាសីបណ្ឌិត ចន្ទ មុនី បាននិមន្តមកដល់ខាងមុខសាលាខេត្តបាត់ដំបងហើយ ដោយមានប្រជាពលរដ្ឋយ៉ាងច្រើនកុះករ មកពីតាមបណ្ដាស្រុក និងទីជិតទីឆ្ងាយ ដើម្បីមកចូលរួមទទួលពរសព្ទសាធុការពីព្រះអង្គ នៅខាងមុខបរិវេណសាលាខេត្តបាត់ដំបង រាប់ម៉ឺននាក់។ នៅខាងមុខប្រជាពលរដ្ឋគ្រប់រូប មានការដាក់តម្រៀបទៅដោយដបទឹកសុទ្ធ ប្រេងខ្យល់ ប្រេងកូឡា ទឹកអប់ និងផ្កាភ្ញីជាដើម ដើម្បីទទួលពរជ័យពីព្រះអង្គ។
នៅក្នុងដំណើរ នៃការនិមន្តមកដល់របស់ព្រះអង្គ ចន្ទ មុនី នាឱកាសនេះ អមដំណើរដោយ លោក សុខ លូ អភិបាល នៃគណៈអភិបាលខេត្ត លោកស្នងការខេត្ត ដាញ់ អេងប៊ុនចាន់ និងប្រធានមន្ទីរនានាជុំវិញខេត្តដែល បានធ្វើដំណើរចេញពីព្រំប្រទល់ខេត្តបន្ទាយមានជ័យ និងខេត្តបាត់ដំបង (ស្រុក ម៉ាឡៃ-ស្រុកសំពៅលូន) ដើម្បីទទួលព្រះអង្គ ដែលយប់មិញនេះ ព្រះធម្មវនវាសីបណ្ឌិត ចន្ទ មុនី គង់នៅវត្តអូរជុំឧត្តមសាមគ្គី(ហៅវត្តគីឡូ១៣)។
ដំណើរនិមន្តរបស់ព្រះអង្គ មុននឹងមកដល់ក្រុងបាត់ដំបង ព្រះអង្គបាននិមន្តទៅកាន់ច្រកពីអន្តរជាតិដូង ស្ថិតក្នុងស្រុកកំរៀង និងនិមន្តចុះទៅពិនិត្យបង្គោលព្រំដែន លេខ ៥៤ ស្ថិតក្នុងភូមិព្រះពុទ្ធ ឃុំបឹងរាំង ស្រុកកំរៀង បន្ទាប់មកព្រះអង្គនឹងនិមន្តបន្តទៅកាន់ខេត្តប៉ៃលិន ព្រមទាំងបាននិមន្តបន្តដំណើរតាមផ្លូវជាតិលេខ ៥៧ ឆ្ពោះមកកាន់ក្រុងបាត់ដំបង ដោយឆ្លងកាត់ស្រុករតនៈមណ្ឌល និងស្រុកបាណន់។ មុននឹងមកដល់ក្រុងបាត់ដំបង ព្រះអង្គ ចន្ទ មុនី បាននិមន្តជួបជុំពុទ្ធបរិស័ទនៅរមណីយដ្ឋានភ្នំសំពៅ រួច ក៏បាននិមន្តបន្តមកជួបជុំពុទ្ធបរិស័ទនៅខាងមុខអគារសារមន្ទីរប្រវត្តិសាស្ត្រខេត្តបាត់ដំបង (អគារសាលាខេត្តចាស់) ដើម្បីនិមន្តសំដែងធម្មទានអប់រំចិត្តជាមួយប្រជាពលរដ្ឋដែលមកពីគ្រប់ទិសទីក្នុងខេត្តបាត់ដំបងផងដែរ។
នាឱកាសនោះដែរ ក៏មានចម្រៀងមួយបទដែលបន្លឺឡើងដោយក្រុមលោកគ្រូ អ្នកគ្រូ គឺ បទ “ពង្សសាវតារខ្មែរ” បន្ទាប់មកព្រះអង្គក៏បានផ្ដល់ឱវាទ និងធម្មទានអប់រំចិត្ត ក្នុងថេរវេលា ប្រមាណ ២០ នាទី ទើបព្រះអង្គនិមន្តបក់ផ្លិតចំរើនសិរីសួស្ដី ជ័យមង្គល ដល់ប្រជាពលរដ្ឋដែលកំពុងទន្ទឹងរង់ចាំ ដើម្បីសុំពរពីព្រះអង្គយ៉ាងច្រើនកុះករនេះផងដែរ។ បន្ទាប់មក ព្រះអង្គនិមន្តបន្តទៅកាន់ស្រុកសង្កែ ស្រុកមោងឬស្សី ទើបចាកចេញពីខេត្តបាត់ដំបង ឆ្ពោះទៅកាន់ខេត្តពោធិ៍សាត់៕
អត្ថបទ ៖ សោ និយមរ័ត្ន
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ