ព័ត៌មានជាតិ

សិស្ស-និស្សិត អាចទៅទេសចរណ៍ និងសិក្សាពីតំបន់ព្រំដែន ក្រោយមានដំណើរកម្សាន្តឥតគិតថ្លៃរបស់រាជរដ្ឋាភិបាល

បានផុស

២ years មុន

នៅ

ថ្ងៃពុធ ៤ កញ្ញា ២០២៤

ដោយ

ការផ្តល់ដំណើរកម្សាន្តឥតគិតថ្លៃរបស់រាជរដ្ឋាភិបាល ទៅកាន់ភូមិភាគឦសាន នៅសល់តែ ៣ ថ្ងៃទៀតប៉ុណ្ណោះ ក៏មកដល់ សិស្ស-និស្សិត បានសម្ដែងក្តីរីករាយ និងត្រៀមខ្លួន ដើម្បីចុះឈ្មោះទៅលេងកម្សាន្ត។

ក្រុមនិស្សិត នៃសាកលវិទ្យាល័យជាតិគ្រប់គ្រង បានបង្ហាញក្តីរីករាយ និងគាំទ្រចំពោះ សម្តេចធិបតី ហ៊ុន ម៉ាណែត ដែលបង្កើតការផ្តល់ដំណើរកម្សាន្តឥតគិតថ្លៃនេះឡើងមក ជាឱកាសដ៏ល្អមួយសម្រាប់ពួកគាត់អាចចុះឈ្មោះទៅលេងកម្សាន្តនៅតាមបណ្ដាខេត្តជាប់ព្រំដែន ដើម្បីដើរទេសចរណ៍ផង និងបានសិក្សាឈ្វេងយល់ពីវឌ្ឍនភាព នៃការអភិវឌ្ឍនៅតំបន់ទាំងនោះផងដែរ។

សូមបញ្ជាក់ថា ការផ្តល់ដំណើរកម្សាន្តឥតគិតថ្លៃរបស់រាជរដ្ឋាភិបាលនេះ នឹងធ្វើឡើងចាប់ពីថ្ងៃទី ៧ ខែកញ្ញា ឆ្នាំ ២០២៤ តទៅ ដោយធ្វើឡើងតែនៅរៀងរាល់ចុងសប្ដាហ៍តែប៉ុណ្ណោះ។ ការផ្តល់ជូននេះទៀតសោត នឹងផ្តល់ជូនដល់ដំណាច់ឆ្នាំ ២០២៤ តែម្ដង។ ចំពោះការចុះឈ្មោះ ប្រជាពលរដ្ឋអាចចុះឈ្មោះតាមប្រព័ន្ធអនឡាយ ដែលក្រសួងព័ត៌មានបានបង្ហោះជូន។ រាល់ដំណើរកម្សាន្តក្នុងមួយលើក នឹងផ្តល់ជូនតែ ២០០ នាក់ប៉ុណ្ណោះ ដោយចេញដំណើរពីភ្នំពេញ នៅវេលាម៉ោង ៤ ព្រឹក និងវិលត្រឡប់មកវិញនាពេលល្ងាចមកដល់ភ្នំពេញវិញ រួមទាំងផ្ដល់អាហារ ៣ ពេលផងដែរ៕

អត្ថបទ ៖ សុភា