ស្រុកបន្ទាយស្រីមានចម្ការប្រណីតមួយ រង់ចាំស្វាគមន៍ទេសចរកម្ពុជាទៅទស្សនាកម្សាន្ត

នៅស្រុកបន្ទាយស្រី ខេត្តសៀមរាប មានចម្ការដ៏ប្រណីតមួយកំពុងស្ថិតនៅក្រោមការការពារ និងអភិរក្សដោយយកចិត្តទុកដាក់ពីសំណាក់ខណ្ឌរដ្ឋបាលព្រៃឈើខេត្តសៀមរាប។

កញ្ញា អ៊ឹម​ រចនា អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា​ ចម្ការប្រណីតនេះ បានបង្កើតឡើងនៅឆ្នាំ២០០១ រហូតមកទល់ពេលនេះ ចម្ការពូជឈើគ្រញូងនៃសង្កាត់រដ្ឋបាលព្រៃឈើកន្ទួតខ្នាក្រៅ លាតសន្ធឹងលើផ្ទៃដីទំហំ ១ ៨៨៨ហិកតា និងពូជឈើប្រណីតជាច្រើនប្រភេទ ដែលកំពុងរង់ចាំស្វាគមន៍ប្រជាជនកម្ពុជា ទៅទស្សនាកម្សាន្ត និងស្វែងយល់អំពីពូជឈើប្រណិតដែលកំពុងមានវត្តមាននៅទីនោះ។

ក្រៅពីនេះ នៅចម្ការពូជឈើគ្រញួងនេះ ក៏មាន សួនអនុស្សាវរីយ៍ «ទេសចរម្នាក់ ដើមឈើមួយដើម» ដែលទទួលស្វាគមន៍ភ្ញៀវទេសចរទៅដាំដើមឈើប្រណីត ដោយរដ្ឋបាលព្រៃឈើកន្ទួតខ្នាក្រៅ នឹងរៀបចំស្លាកឈ្មោះទុកជូនជាអនុស្សាវរីយ៍៕