ព័ត៌មានជាតិ

អភិបាលខេត្តស្វាយរៀងចុះពិនិត្យទីតាំងត្រៀមជាកន្លែងព្យាបាលជំងឺកូវីដ១៩

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

ដោយអនុវត្តតាមអនុសាសន៍ណែនាំរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី៩ ខែមីនា ឆ្នាំ២០២១ ឯកឧត្ដម ម៉ែន វិបុល អភិបាលខេត្តស្វាយរៀង ឯកឧត្ដម តូច ប៉ូលីវ៉ា អភិបាលរងខេត្ត បានដឹកនាំក្រុមការងារ និងកម្លាំងជំនាញ ចុះពិនិត្យលក្ខណៈសម្បត្តិទីតាំងសណ្ឋាគារឯកជនមួយកន្លែងសម្រាប់ត្រៀមបម្រុងទុកជាកន្លែងព្យាបាលទី៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីចុះត្រួតពិនិត្យរួច ក្រុមការងារបានបន្តចុះពិនិត្យទីតាំងមន្ទីរពេទ្យរដ្ឋមួយកន្លែងទៀតនៅស្រុកស្វាយទាប ដើម្បីផ្គត់ផ្គង់ជ្រើសរើសបម្រុងទុកប្រើប្រាស់នៅក្នុងករណីចាំវាបាច់ណាមួយ ។

កន្លងមករដ្ឋបាលខេត្តស្វាយរៀងរៀបចំទីតាំងបម្រុងទុកព្យាបាលមាន២កន្លែងមាន

-ទី១មន្ទីរពេទ្យបង្អែកស្វាយជ្រំ

-ទី២មន្ទីរពេទ្យបង្អែកសាមគ្គីរំដួល ។

ដើម្បីទ្រសភាពការណ៍ការក្នុងករណីមានការផ្ទុះឡើងនៃជំងឺកូវីដ-១៩ បច្ចុប្បន្ននេះ រដ្ឋបាលខេត្តបានប្រើប្រាស់ទីតាំងមន្ទីរពេទ្យបង្អែកស្វាយជ្រំ សម្រាប់ព្យាបាលអ្នកជំងឺមានកូវីត១៩ វិជ្ជមាន២នាក់ កាលពីថ្ងៃទី៣ ខែមីនា ឆ្នាំ២០២១កន្លងទៅនេះ ក្នុងករណីដែលមានអ្នកជំងឺច្រើនពេញមន្ទីរពេទ្យ រដ្ឋបាលខេត្តនឹងបន្តយកមន្ទីរពេទ្យបង្អែកសាមគ្គីរំដួលប្រើប្រាស់ជាមន្ទីរពេទ្យព្យាបាលជំងឺកូវីត-១៩ បើមន្ទីរពេទ្យទាំង២ មានអ្នកជំងឺពេញទៀត រដ្ឋបាលខេត្តនឹងជួលទីតាំងសណ្ឋាគារឯកជនសម្រាប់រៀបចំ ទៅជាមន្ទីរពេទ្យព្យាបាលអ្នកជំងឺកូវីដ-១៩ផងដែរ៕

អត្ថបទ ៖ អ៊ុង ភក្ដី