ព័ត៌មានជាតិ

រដ្ឋបាលខេត្តតាកែវ ណែនាំ ស្ថាប័នពាក់ព័ន្ធបន្តអនុវត្ត សេចក្ដីណែនាំរបស់ក្រសួងសុខាភិបាល និងប្រសាសន៍ សម្តេច តេជោឲ្យបានម៉ឺងម៉ាត់

បានផុស

៥ years មុន

នៅ

ថ្ងៃសុក្រ ១២ មីនា ២០២១

ដោយ

អាជ្ញាធរខេត្តតាកែវបានចេញសេចក្តីណែនាំឲ្យអភិបាលក្រុង ស្រុក មន្ទីរពាក់ព័ន្ធ និងវិស័យឯកជនទាំងអស់ក្នុងខេត្ត បន្តចូលរួមអនុវត្ត និងធ្វើការណែនាំទៅដល់ប្រជាពលរដ្ឋក្នុងមូលដ្ឋានខ្លួនគ្រប់គ្រង ត្រូវអនុវត្តសេចក្តីណែនាំរបស់ក្រសួងសុខាភិបាល និងប្រសាសន៍សម្តេចតេជោ ឲ្យបានម៉ឺងមាត់ក្នុងការការពារខ្លួនពីជំងឺកូវីដ១៩។

នៅក្នុងសេចក្តីណែនាំរបស់រដ្ឋបាលខេត្តបានដាក់ចេញនៅវិធាន៣រួមមាន៖

១/ចំពោះមន្ត្រីរាជការដែលកំពុងបម្រើការងារនៅតាមមន្ទីរអង្គភាព ជុំវិញខេត្ត និងរដ្ឋបាលក្រុង ស្រុកទាំងអស់ត្រូវពាក់ម៉ាស់ លាងសម្អាតដៃ និងរក្សាគម្លាត ពីគ្នានៅកន្លែងធ្វើការ ដើម្បីកាត់បន្ថយការចម្លងជំងឺកូវីដ១៩។

២/ត្រូវបញ្ឈប់ការជួបជុំ ប្រមូលផ្តុំគ្នាកុះករ នៅគ្រប់ទីកន្លែងក្នុងករណី ដែលមិនមានការចាំបាច់។

៣/ចូលរួមអនុវត្តឲ្យបានម៉ឺងមាត់នូវសេចក្តីណែនាំរបស់ក្រសួងសុខាភិបាល ជាពិសេសអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នូវវិធាន៣កុំ ៣ការពារ ដូចមានជូនភ្ជាប់ក្នុងសេចក្តីណែនាំ។

ជាមួយគ្នានោះផងដែរ អភិបាលក្រុង ស្រុកទាំង១០ របស់ខេត្តតាកែវ ត្រូវគ្រប់គ្រង រឹតបន្តឹងបងប្អូនដែលចេញចូលក្នុងមូលដ្ឋានឲ្យបានល្អ ដើម្បីជៀសវៀងការនាំមកនូវជំងឺឆ្លងកូវីដ១៩ ចូលក្នុងសហគមន៍៕

អត្ថបទ ៖ វីរ: