ទេសចរ​មក​​លេង​ខេត្តក្រចេះ​ កើនឡើង​ប្រមាណ ៣៥​ ភាគរយ រយៈពេលបីថ្ងៃនៃពិធីបុណ្យអុំទូក

ក្នុងរយៈពេល ៣ថ្ងៃ នៃព្រះរាជពិធីបុណ្យអុំទូក បណ្តែតប្រទីត និងសំពះព្រះខែ អកអំបុក នៅតាមតំបន់ទេសចរណ៍នានា ក្នុងខេត្តក្រចេះទទួលបានភ្ញៀវទេសចរមកលេងកម្សាន្តបានចំនួន ៤ ១៥១ នាក់។

ក្នុងនោះមានភ្ញៀវបរទេសចំនួន ៥២៣ នាក់ គិតត្រឹមរយៈពេល ៣ ថ្ងៃ នៅថ្ងៃទី ១៤-១៥-១៦ ខែវិច្ឆិកា ឆ្នាំ២០២៤។

លោក ចាន់ សុគន្ធី ប្រធានមន្ទីរទេសចរណ៍ខេត្តក្រចេះបានឲ្យដឹងថា នៅថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ខេត្តក្រចេះ ទទួលបានភ្ញៀវទេសចរចំនួន ១ ៤៧៨ នាក់ ក្នុងនោះមានភ្ញៀវបរទេសចំនួន ១៩៣ នាក់។ នៅថ្ងៃទី ២ មានភ្ញៀវទេសចរចំនួន ១ ១៤៥ នាក់ ក្នុងនោះមានភ្ញៀវបរទេសចំនួន ១៣៦ នាក់ និងនៅថ្ងៃទី៣ មានភ្ញៀវទេសចរចំនួន ១ ៥២៨ នាក់ ក្នុងនោះមានភ្ញៀវបរទេសចំនួន ១៩៤ នាក់។

លោកប្រធានមន្ទីរបានបន្តឱ្យដឹងថា បើប្រៀបធៀបទៅនឹងឆ្នាំ ២០២៣ មានការកើនឡើងភ្ញៀវទេសចរណ៍ចំនួន ១ ០៨៨ នាក់ ស្មើនឹង ៣៥,៥២ ភាគរយ មានភ្ញៀវទេសចរណ៍ជាតិកើនឡើងចំនួន ៧៨៥ នាក់ ស្មើនឹង ២៧,៥១ភាគរយ និងភ្ញៀវបរទេសកើនឡើងចំនួន ៣១៨ នាក់៕

អត្ថបទ៖ ប្រុញ វិធិន