ផ្អាកពិធីមង្គលការ និង​ការជួបជុំ​ផ្សេងៗ​ទាំងអស់​ជា​បណ្តោះអាសន្ន នៅខេត្ត​ឧ​ត្ត​រ​មានជ័យ
Connect with us
Helistar Cambodia - Helicopter Charter Services

ព័ត៌មានជាតិ

ផ្អាកពិធីមង្គលការ និង​ការជួបជុំ​ផ្សេងៗ​ទាំងអស់​ជា​បណ្តោះអាសន្ន នៅខេត្ត​ឧ​ត្ត​រ​មានជ័យ

បានផុស

នៅ

​ឯកឧត្ដម ប៉ែន កុស​ល្យ អភិបាលខេត្ត​ឧ​ត្ត​រ​មានជ័យ កាល​ពី​ថ្ងៃទី​១២ ខែមីនា ឆ្នាំ​២០២១​នេះ បាន​បើក​កិច្ចប្រជុំ​គណៈបញ្ជាការ​ឯកភាព​ខេត្ត ដោយ​សម្រេច​ឲ្យ​ផ្អាក​កម្មវិធី​រៀបចំ​មង្គលការ ពិធីជប់លៀង និង​ការជួបជុំ​តាមបែប​សាសនា​នានា ជា​បណ្ដោះអាសន្ន​ទាំងអស់ ដើម្បី​ទប់ស្កាត់​ការឆ្លង​រីក​រាលដាល​ជំងឺ​កូ​វីដ​-១៩ ក្នុងភូមិ​សាស្ដ្រ​ខេត្ត​ឧ​ត្ត​រ​មានជ័យ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ឯកឧត្តម​អភិបាលខេត្ត បាន​លើកឡើងថា «​ដោយសារ​ស្ថានភាព​នៃ​ការឆ្លង​រីក​រាលដាល​ជំងឺ​កូ​វីដ​១៩ ក្នុង​ព្រឹត្តិការណ៍ «​សហគមន៍ ២០ កុម្ភៈ​» នៅតែ​បន្ត​កើន​ឡើងជា​លំដាប់​ពីមួយថ្ងៃ ទៅមួយថ្ងៃ ហើយ​ជាមួយគ្នានេះ រដ្ឋបាលខេត្ត​ឧ​ត្ត​រ​មានជ័យ បាន​សង្កេតឃើញថា ​នៅមាន​បងប្អូន​ប្រជាពលរដ្ឋ​មួយចំនួន​តូច​នៅ​បន្ត​រៀបចំ​ពិធីមង្គលការ ពិធីជប់លៀង និង​ការជួបជុំ​បែប​សាសនា​នានា ដែលមាន​ការប្រមូលផ្តុំ​មនុស្ស​ច្រើន និង​ពិធី​ផ្សេងៗ​ទៀត គួបផ្សំ​នឹង​ប្រជាពលរដ្ឋ​មួយ​ចំនួន​នៅតែមាន​ការធ្វេសប្រហែស មិនបាន​អនុវត្ត​ខ្ជាប់ខ្ជួន​នូវ​វិធានការ​អនាម័យ និង​វិធានការ​ទប់ស្កាត់​ការរីក​រាលដាល​នៃ​ជំងឺ​កូ​វីដ​១៩ តាម​វិធានការ «៣​កុំ និង ៣​ការពារ​» កត្តា​ទាំងនេះ បាន​បង្ក​ហានិភ័យ​ខ្ពស់​ក្នុង​ការចម្លង និង​ការឆ្លង​រាលដាល​នៃ​ជំងឺ​កូ​វីដ​១៩ ចូលក្នុង​សហគមន៍​»​។​

​រដ្ឋបាលខេត្ត​ឧ​ត្ត​រ​មានជ័យ បានធ្វើ​ការណែនាំ​ដល់​អភិបាលក្រុង​ស្រុក ក្នុង​ខេត្ត ដូចខាងក្រោម​៖

​ទី​១៖ ត្រូវ​ណែនាំ​ជាបន្ទាន់​ដល់​លោក លោកស្រី​មេឃុំ ចៅសង្កាត់ ត្រូវតែ​ផ្អាក​ជា​បណ្តោះអាសន្ន​នូវ​ការអនុញ្ញាត​ច្បាប់ សម្រាប់​រៀបចំ​ពិធីមង្គលការ ពិធីជប់លៀង និង​ការជួបជុំ​បែប​សាសនា​នានា ក្នុង​រូបភាព​ប្រមូលផ្តុំ​មនុស្ស​ច្រើន​ចាប់ពី​ថ្ងៃទី​១៣ ខែមីនា ឆ្នាំ​២០២១ នេះ​តទៅ​

​ទី​២៖ ក្នុងករណី​ទទួលបាន​ការអនុញ្ញាត​ឲ្យ​រៀបចំ​ពិធី​ពី​អាជ្ញា​ធរមាន​សមត្ថកិច្ច​មុន​ទទួលបាន​សេចក្តីណែនាំ​នេះ ត្រូវធ្វើ​ការអប់រំ​ណែនាំ​ម្ចាស់​ពិធី​ដែល​បាន​ស្នើសុំ​រួចរាល់​នោះ​ឱ្យ​លើក​ពេល ឬ​ផ្អាក​ពិធី​ដែលមាន​ការប្រមូលផ្តុំ​មនុស្ស​ច្រើន ក្នុង​ពេល​ចាំបាច់​ចំពោះមុខ​នេះ​សិន ឬ​ក្នុងករណី​ចាំបាច់​ត្រូវតែ​បន្ត​ប្រារព្ធ​ពិធី​ត្រូវ​ណែ​នាំ​ឲ្យ​កាត់បន្ថយ​ភ្ញៀវ​ចូលរួម​ជា​អប្បបរមា ដោយ​ចាំបាច់​ត្រូវ​ពាក់​ម៉ាស មាន​អាល់កុល ឬ​ជែ​ល សម្រាប់​លាង​សម្អាត​ដៃ និង​បាញ់សម្លាប់​មេរោគ ដោយ​តាមដាន​វត្តមាន​ភ្ញៀវ​ដែល​ត្រូវ​ចូលរួម​ឲ្យ​បាន​ច្បាស់លាស់ (​ពិសេស​អត្តសញ្ញាណ និង​មធ្យោបាយ​ទំនាក់ទំនង សម្រាប់​អ្នក​មកពី​ក្រៅ​ខេត្ត​) និង​រក្សា​គម្លាត​សុវត្ថិភាព​សង្គម ពិសេស​ត្រូវ​រៀបចំ​តុ​អាហារ​មិនឱ្យ​លើសពី ០៥​នាក់ ក្នុង​មួយ​តុ​ជា​កំហិត​។ ក្នុងករណី​ដែល​ម្ចាស់​ពិធី​មិន​ចូលរួម​សហការ និង​មិន​អនុវត្តតាម​ការណែនាំរ​បស់​ក្រសួងសុខាភិបាល នៅ​បន្ត​រៀបចំ​ពិធី​ដោយ​ពុំមាន​ការអនុញ្ញាត និង​មិន​គោរព​តាម​វិធានការ​អនាម័យ និង​ការណែនាំ​គណៈបញ្ជាការ​ឯកភាពរ​ដ្ឋ​បាល​ក្រុង ស្រុក ត្រូវ​ចុះ​បិទ ឬ​ផ្អាក​ពិធី​នៃ​ការជួបជុំ​នោះ​ជាបន្ទាន់​។​

​ទី​៣៖ បន្ត​ពង្រឹង​ការអនុវត្ត​វិធានការ​ការពារ​សុវត្ថិភាព​សង្គម តាម​គោលការណ៍​របស់​រាជរ​ដ្ឋា​ភិ​បាល ក្រសួងសុខាភិបាល និង​ក្រសួង​ស្ថាប័ន​ពាក់ព័ន្ធ ដើម្បី​កាត់បន្ថយ​ហានិភ័យ​នៃ​ការរីក​រាលដាល​ជំងឺ​កូ​វីដ​១៩ និង​ត្រូវអនុវត្ត​វិធានការ​ច្បាប់​ដែលមាន​ជា​ធរមាន​ជា​ចាំបាច់​ចំពោះ​ជន​ណា​ដែល​បំពាន​ការណែនាំ និង​មិន​សហការ​ជាមួយ​អាជ្ញាធរ​មូលដ្ឋាន ក្នុង​ការងារ​ទប់ស្កាត់​ការឆ្លង​រីក​រាលដាល​នៃ​ជំងឺ​កូ​វីដ​១៩​។​

​និង​ទី​៤៖ ការ​ផ្អាក​ជា​បណ្តោះអាសន្ន​ការរៀបចំ​ពិធីមង្គលការ ពិធីជប់លៀង និង​ការ​ជួបជុំ​តាមបែប​សាសនា​នានា និង​ត្រូវ​បន្ត​អនុវត្ត​រហូតដល់​មានការ​ជូនដំណឹង​ជាថ្មី​ពី​រដ្ឋបាលខេត្ត​៕

អត្ថបទ៖ ​ចាន់ ធី

សូមចុចអាន៖ ​រាជធានីភ្នំពេញត្រៀមដី ១០ ហិកតា និងឡរបច្ចេកទេសស្តង់ដារ៦ ដើម្បីបូជាសពដែលស្លាប់ដោយជំងឺកូវីដ-១៩

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

លោកជំទាវ ម៉ែន សំអន ស្នើឲ្យថ្នាក់ដឹកនាំក្រុងបាវិត ត្រូវបន្តតាមដាន ដើម្បីចូលរួមទប់ស្កាត់ជំងឺកូវីដ ក្នុងពិធីបុណ្យភ្ជុំបិណ្ឌ

ព័ត៌មានជាតិ១ ម៉ោង មុន

រាជរដ្ឋាភិបាល បន្តផ្តល់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះដោយកូវីដ ជុំទី៦ លើកទី៣

ព័ត៌មានជាតិ៤ ម៉ោង មុន

ជំនន់ទឹកភ្លៀង ធ្វើឲ្យប៉ះពាល់ដល់ពលរដ្ឋ ខេត្តបន្ទាយមានជ័យជាង ២ម៉ឺននាក់ និងមានស្លាប់ម្នាក់

ព័ត៌មានជាតិ៥ ម៉ោង មុន

ដំណោះស្រាយ រវាងក្រុមរថយន្តដឹកផ្លែឈើ ជាមួយគយច្រកអន្តរជាតិដូង ត្រូវផ្អែកលើគោលការណ៍ ៣ចំណុច

ព័ត៌មានជាតិ៥ ម៉ោង មុន

ប្រទះឃើញ រោងសង្វៀនប្រជល់មាន់ នៅកណ្តាលព្រៃសហគមន៍ តំបន់ការពារធម្មជាតិ វាលកំបោរ

Sokha Hotels

ព័ត៌មានពេញនិយម

Helistar Cambodia - Helicopter Charter Services