ព័ត៌មានជាតិ

អ្នកនាំពាក្យ ៖ បុណ្យអុំទូក ៣ ថ្ងៃ មានអ្នកស្នើសុំប័ណ្ណ ប.ស.ស តាមស្តង់ជិត ៦០០ នាក់

បានផុស

២ years មុន

នៅ

ថ្ងៃចន្ទ ១៨ វិច្ឆិកា ២០២៤

ដោយ

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ១៨ វិច្ឆិកា នេះថា ក្នុងពិធីបុណ្យអុំទូក បណ្ដែតប្រទីប និងសំពះព្រះខែ នៅរាជធានីភ្នំពេញ និងខេត្តសៀមរាប ដែលទើបកន្លងទៅថ្មីៗ នេះ មានប្រជាពលរដ្ឋបានស្នើសុំធ្វើប័ណ្ណ ប.ស.ស ប្រមាណជិត ៦០០ នាក់ ក្នុងនោះ នៅរាជធានីភ្នំពេញប្រមាណជិត ៣០០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្នុងនោះ នៅរាជធានីភ្នំពេញ រយៈពេល ៣ ថ្ងៃ ចាប់ពីថ្ងៃទី ១៤ ដល់ទី ១៦ ខែវិច្ឆិកា ឆ្នាំ ២០២៤ មានអ្នកទស្សនាស្តង់ និងចែកខិត្តប័ណ្ណផ្សព្វផ្សាយចំនួន ១១ ៩០៤ នាក់ ស្រី ៦ ៥៤៧ នាក់ និងបានទទួលសមាជិកថ្មីតាមរយៈស្តង់ចុះបញ្ជីចល័តចំនួន ២៩៥ នាក់ ស្រី ១៥២ នាក់ ក្នុងនោះ អ្នកក្នុងបន្ទុកសមាជិក ប.ស.ស មានចំនួន ៤៩ នាក់។

លោកបានបន្តទៀតថា ចំណែកនៅខេត្តសៀមរាប រយៈពេល ៤ ថ្ងៃ ចាប់ពីថ្ងៃទី ១៣ ដល់ទី ១៦ ខែវិច្ឆិកា ឆ្នាំ ២០២៤ មានអ្នកទស្សនាស្តង់ និងចែកខិត្តប័ណ្ណផ្សព្វផ្សាយចំនួន ១២ ៤២៦ នាក់ ស្រី ៧ ៤៥៥ នាក់ និងបានទទួលសមាជិកថ្មីតាមរយៈស្តង់ចុះបញ្ជីចល័តចំនួន ២៨១ នាក់ ស្រី ២០៥ នាក់ ក្នុងនោះ អ្នកក្នុងបន្ទុកសមាជិក ប.ស.ស មានចំនួន ៤៧ នាក់។

លោក កត្តា អ៊ន បានបញ្ជាក់ថា គិតត្រឹមថ្ងៃទី ៣ ខែវិច្ឆិកា ឆ្នាំ ២០២៤ នេះ ប.ស.ស មានសមាជិកសរុបចំនួន ២ ៦៣៦ ៩៦២ នាក់ នៅទូទាំងប្រទេស។ ក្នុងនោះ មានសមាជិក ប.ស.ស ផ្នែកថែទាំសុខភាព វិស័យសាធារណៈ ចំនួន ៤៩៣ ៤២៣ នាក់ សមាជិក ប.ស.ស វិស័យឯកជន ចំនួន ១ ៦០២ ២៩៣ នាក់ សមាជិក ប.ស.ស ជាបុគ្គលស្វ័យនិយោជន៍ ៤០៨ ៦៦៨ នាក់ និងសមាជិក ប.ស.ស ជាអ្នកក្នុងបន្ទុកសមាជិក ប.ស.ស (សហព័ទ្ធ និងកូន) ចំនួន ១៣២ ៥៧៨ នាក់។

លោកបានឱ្យដឹងទៀតថា សមាជិក ប.ស.ស ប្រើប្រាស់សេវាចំនួន ២០ ៧៩៤ ៥៣៣ ដង និងការចំណាយតាវកាលិកអស់ប្រមាណ ១ ៦៥៨ ១៤០ លានរៀល៕

អត្ថបទ ៖ សំអឿន

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា