ព័ត៌មានជាតិ

សមត្ថកិច្ចវែកមុខ ឃាតកដែលអារកសម្លាប់បុរសម្នាក់ប្លន់យកម៉ូតូនិងគ្រឿងអលង្ការនៅព្រែកឯង

បានផុស

៥ years មុន

នៅ

ថ្ងៃអង្គារ ១៦ មីនា ២០២១

ដោយ

ភ្នំពេញ ៖ ពិតជាឈាមស្រែកស្បែកហៅមែន ខណៈដែលឃាតករធ្វើសកម្មភាពអារកសម្លាប់បុរសម្នាក់ប្លន់យកម៉ូតូនិងគ្រឿងអលង្ការកាលពីយប់ថ្ងៃទី១១ ខែមីនា កន្លងមកត្រូវបានចាប់ខ្លួនកាលពីរសៀលថ្ងៃទី១៦ខែមីនានៅស្រុកគីរីវង្សខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រតិបត្តិការតាមក្របួចឃាតកនេះ ធ្វើឡើងដោយកម្លាំងនគរបាលនាយកដ្ឋានព្រហ្មទណ្ឌក្រសួងមហាផ្ទៃ។ តាមប្រភពពីនគរបាលបានឲ្យដឹងថា ឃាតករដែលនគរបាលចាប់ខ្លួនបានទាំងពីរនាក់មានឈ្មោះម៉ៅ រដ្ឋាហៅជីព ភេទប្រុសនិងម្នាក់ទៀតឈ្មោះម៉េង ណាឃីម ណា ភេទប្រុស អាយុ២១ឆ្នាំ ចាប់ខ្លួនបាននៅស្រុកគីរីវង្សខេត្តតាកែវ។

ដោយឡែកជនរងគ្រោះឈ្មោះសៅ គ្រឿន ភេទប្រុស អាយុ៣៧ឆ្នាំ មុខរបរមេការឡានដឹកដីស្នាក់នៅជាមួយបងបង្កើតនៅភូមិតាព្រហ្ម សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។

តាមចម្លើយរបស់ឃាតករបានឲ្យដឹងថា កាលពីយប់ថ្ងៃទី១១ ខែមីនា ពួកគេបានប្រើល្បិចបបួលជនរងគ្រោះមកផឹកនៅកោះពេជ្រ។ ពេលជូនជនរងគ្រោះត្រឡប់ទៅផ្ទះវិញក៏រៀបផែនការប្លន់សម្លាប់រួចអូសទម្លាក់ចូលក្នុងស្មៅក្បែរផ្លូវថៃហ្គឺរ៍ រួចប្លន់យកម៉ូតូនិងគ្រឿងអលង្ការក្នុងនោះឈ្មោះម៉ៅ ជីប យកចិញ្ចៀន និង ខ្សែក ដោយឡែកម៉េង ណាឃឹម យកម៉ូតូនិងទូរស័ព្ទដៃ ហើយនាំគ្នាគេចខ្លួន។