ព័ត៌មានជាតិ
អាជ្ញាធរខណ្ឌទួលគោក ចុះសិក្សាគម្រោងពង្រីកផ្លូវ ២៨៣ សម្រួលការធ្វើដំណើរពលរដ្ឋ
អាជ្ញាធរខណ្ឌទួលគោក បានចុះសិក្សា និងពិនិត្យគម្រោងពង្រីកផ្លូវ ២៨៣ ដែលតូចចង្អៀត ដើម្បីធ្វើការពង្រីកបន្ថែមសម្រួលដល់ការធ្វើដំណើររបស់ប្រជាពលរដ្ឋ និងកាត់បន្ថយការកកស្ទះ។
ជាក់ស្ដែង លោកអភិបាលខណ្ឌទួលគោក បានដឹកនាំមន្ត្រីក្រោមឱវាទចុះពិនិត្យស្ថានភាពផ្លូវ ២៨៣ ក្នុងសង្កាត់បឹងកក់ ២ ខណ្ឌទួលគោក រាជធានីភ្នំពេញ ដើម្បីសិក្សាគម្រោងអភិវឌ្ឍន៍ធ្វើការពង្រីកផ្លូវបន្ថែម។
លោក ជា ពិសី អភិបាលខណ្ឌទួលគោក បានប្រាប់កម្ពុជាថ្មីឲ្យដឹងថា លោកបានដឹកនាំមន្ត្រីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈខណ្ឌទួលគោក ចុះឈូសឆាយ ធ្វើអនាម័យបោស និងលាងសម្អាតផ្លូវ ២៨៣ ស្ថិតក្នុងសង្កាត់បឹងកក់ ១ ខណ្ឌទួលគោក រាជធានីភ្នំពេញ ដោយត្រង់ចំណុចនេះមានភាពតូចចង្អៀត ទើបអាជ្ញាធរខណ្ឌធ្វើការសិក្សាគម្រោងអភិវឌ្ឍន៍ឲ្យធំទូលាយជាងមុន ហើយជាជំហានដំបូង ទំហំ ១៨ ម៉ែត្រ និងចិញ្ចើមផ្លូវ ៦ ម៉ែត្រ គឺប្រើប្រាស់គម្រោងអភិវឌ្ឍន៍របស់រដ្ឋបាលរាជធានីភ្នំពេញ។
ជាមួយគ្នានេះ លោក ចាន់ សៀក ដែលជាប្រជាពលរដ្ឋ បានសម្ដែងក្ដីសប្បាយរីករាយចំពោះការយកចិត្តទុកដាក់ពីអាជ្ញាធរក្នុងការសិក្សាគម្រោងធ្វើការអភិវឌ្ឍន៍ពង្រីកផ្លូវបន្ថែម ដើម្បីសម្រួលដល់ការធ្វើដំណើរ និងកាត់បន្ថយការកកស្ទះរបស់ប្រជាពលរដ្ឋនៅពេលធ្វើដំណើរ។
លោកបានបន្តទៀតថា នៅត្រង់ចំណុចកន្លែងនេះតែងតែមានការកកស្ទះយ៉ាងខ្លាំងដោយសារជាផ្លូវបំបែក ហើយគ្មានភ្លើងស្តុបទេ ជាពិសេសនោះនៅតំបន់នេះសម្បូរទៅដោយសាលារៀន កន្លែងធ្វើការ ភោជនីយដ្ឋាន ដែលជាហេតុធ្វើឲ្យពិបាកក្នុងការធ្វើដំណើរ និងបង្កការកកស្ទះ។
គួររំលឹកផងដែរថា កន្លងមកនៅត្រង់ចំណុចផ្លូវ ២៨៣ កែង ៥១៦ នេះ ជាចំណុចផ្លូវកក្អម ដោយអាជ្ញាធរបានធ្វើការសិក្សា និងពង្រីករួចរាល់ទៅហើយ។ រហូតមកទល់ពេលនេះ អាជ្ញាធរ បានធ្វើការសិក្សាបន្ថែមទៀត ដោយពង្រីកឲ្យស្មើគ្នាតែម្ដង ដើម្បីសម្រួលដល់ការធ្វើដំណើររបស់ប្រជាពលរដ្ឋ។
នាពេលខាងមុខ ផ្លូវនេះ នឹងត្រូវពង្រីកបន្ថែមទៀតរហូតដល់ទំហំ ៣០ ម៉ែត្រ ដែលអាចនឹងចូលរួមចំណែកកាត់បន្ថយការកកស្ទះចរាចរណ៍ក្នុងភូមិសាស្ត្រខណ្ឌទួលគោកផងដែរ៕
អត្ថបទ ៖ ម៉េង
លោក ថុង ម៉េងដាវិត ៖ តៃវ៉ាន់មើលឃើញជ្រុងអវិជ្ជមានលើកម្ពុជា ជាការយល់ឃើញតែម្ខាងក្រោមស្រមោលនៃការបោកប្រាស់តាមប្រព័ន្ធអ៊ីនធឺណិត
ខាត់ ស្រីច័ន្ទ ៖ ក្នុងនាមជាអ្នកគ្រប់គ្រងកម្មវិធីបវរកញ្ញា គឺត្រូវធ្វេីចិត្តឱ្យដូចជាកញ្ចក់
សប្ដាហ៍នេះ ប្រមុខការទូតកម្ពុជានឹងទៅបារាំង ដើម្បីជួបជាមួយអង្គការអន្តរជាតិហ្វ្រង់កូហ្វូនី និងយូណេស្កូ
អាជ្ញាធរខណ្ឌទួលគោក ចុះសិក្សាគម្រោងពង្រីកផ្លូវ ២៨៣ សម្រួលការធ្វើដំណើរពលរដ្ឋ
ម៉ាដូណា រន្ធត់ចិត្ត ក្រោយឃើញទង្វើបុរសម្នាក់យកជង្គង់អុកដើមទ្រូងប្អូនប្រុសខ្លួនយ៉ាងឃោរឃៅ
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
-
សន្តិសុខសង្គម១ សប្តាហ៍ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ១ សប្តាហ៍ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម៣ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៥ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៦ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៥ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍១ សប្តាហ៍ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង