ព័ត៌មានជាតិ

អ្នកសិល្បៈ៣រូបនឹងធ្វើពិធីសូត្រមន្តឧទ្ទិសកុសលដល់វិញ្ញាណក្ខន្ធសពម្តាយ ស្រីពីន នៅវត្តគៀនឃ្លាំង

បានផុស

៥ years មុន

នៅ

ថ្ងៃអង្គារ ២៣ មីនា ២០២១

ដោយ

តារាកំប្លែងនិងសម្តែងចំនួន៣រូប គឺលោក អ៊ឹម ជីវ៉ា ,នាយ ក្រឹម និងអ្នកនាង ស្រីលាភ បានសម្រេចរួមគ្នាដោយប្រកាសនឹងធ្វើពិធីសូត្រមន្តដើម្បី ឧទ្ទិសកុសលដល់វិញ្ញាណក្ខន្ធសពម្តាយរបស់កញ្ញា ស្រី ពីន ដែលស្លាប់ដោយសាកូវីដ-១៩។

បើតាមការបញ្ជាក់ឲ្យដឹងពីលោក អ៊ឹម ជីវ៉ា បានលើកឡើងថា ពិធីសូត្រមន្តនេះ នឹងធ្វើឡើងនៅវត្តគៀនឃ្លាំង ខណ្ឌជ្រោយចង្វារ វេលារម៉ោង៣រសៀលថ្ងៃទី២៣ ខែមីនា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ឹម ជីវ៉ា បានរៀបរាប់ថា តារាកំប្លែង ស្រី ពីន ត្រូវបានម្តាយស្លាប់ដោយសារជំងឺកូវីដ-១៩ហើយដើម្បីធ្វើតាមសំណូមពរនៅរសៀលថ្ងែនេះលោករួមជាមួយបង ក្រឹម និងអ្នកនាង ស្រីលាភ នឹងធ្វើពិធីសូត្រមុនឧទ្ទិសកុសលដល់វិញ្ញាណក្ខន្ធ ម្តាយរបស់ស្រី ពិន ដែលស្លាប់ដោយសាកូវីដ-១៩ នៅព្រឹកមិញនេះ។

លោក អ៊ឹម ជីវ៉ា បន្ថែមទៀតថា សូមបញ្ជាក់ដែរថាតារាកំប្លែងស្រី ពីននិងក្រុមគ្រួសារមិនអាចចេញមកបានទេដោយសារជាប់ធ្វើចត្តាឡីស័កនៅមន្ទីរពេទ្យរុស្ស៊ី។ យើងគ្រាន់តែធ្វើពិធីសូត្រមន្តតិចតួចតែប៉ុណ្ណោះ៕

អត្ថបទ ៖ ចាន់រ៉ា