ព័ត៌មានជាតិ
ព្រះមហាក្សត្រកោតសរសើររដ្ឋសភាលើការបំពេញនយោបាយ«ការទូតសភា»
ព្រះមហាក្សត្រកម្ពុជា ព្រះករុណាព្រះបាទសម្ដេចព្រះបរមនាថ នរោត្តម សីហមុនី សព្វព្រះរាជហឫទ័យព្រមទាំងបានកោតសរសើរដល់ការបំពេញការងារការទូតសភារបស់ថ្នាក់ដឹកនាំ និងសមាជិកសភាកម្ពុជា ដែលបានលើកកម្ពស់កិត្យានុភាពកម្ពុជាលើឆាកអន្តរជាតិកាន់តែសំខាន់ឡើង។
ក្នុងព្រះរាជសារបើកបវេសនកាលនៃរដ្ឋសភា សម័យប្រជុំរដ្ឋសភាលើកទី៤ នីតិកាលទី៧ ថ្ងៃទី២២ ខែឧសភា ឆ្នាំ២០២៥ សម្ដេចព្រះបរមនាថ នរោត្តម សីហមុនី មានរាជអង្ការថា រដ្ឋសភាកម្ពុជាបានបំពេញការងារទូតសភាយ៉ាងសកម្ម និងផុលផុសលើនយោបាយការទូតសភា ក្នុងនោះមានការជួបពិភាក្សា ការងារទ្វេភាគីជាមួយឥស្សរជនជាន់ខ្ពស់នៃសភា និងរដ្ឋាភិបាលនៃប្រទេសជាមិត្ត ព្រមទាំងអង្គទូតប្រចាំកម្ពុជា អង្កការជាតិ និងអន្តរជាតិនានា និងបានចូលរួមកិច្ចប្រជុំអន្តរសភាថ្នាក់តំបន់ និងអន្តរជាតិ ដែលទាំងអស់នាំបានលើកកម្ពសល់កិត្យានុភាពកម្ពុជានៅលើឆាកអន្តរជាតិ ក៏ដូចជាបង្ហាញពីតួនាទីដ៏សំខាន់របស់សភាកម្ពុជាក្នុងការរួមចំណែកដល់ការថែរក្សាសន្ដិភាព ការអភិវឌ្ឍ និងវិបុលភាព ក្នុងតំបន់និងសកលលោក។
ក្រៅពីនេះព្រះមហាក្សត្រក៏បានកត់សម្គាល់ពីការបំពេញការងាររបស់សភាកម្ពុជាផងដែរដោយបានអនុវត្តន៍ការងារបានយ៉ាងល្អដើម្បីជាតិមាតុភូមិ។
ព្រះអង្គមានព្រះរាជអង្ការថា៖ «ខ្ញុំសូមកោតសរសើរចំពោះ សមាជិក សមាជិកា ទាំងអស់នៃរដ្ឋសភា ដែលដឹកនាំ និងបានបំពេញតួនាទីភារកិច្ចស្នូលរបស់ខ្លួនប្រកបដោយស្មារតីទទួលខុសត្រូវខ្ពស់ ដោយសម្រេចបានលទ្ធផលយ៉ាងច្រើនសន្ធឹកសន្ធាប់ ជាឧត្តមប្រយោជន៍គួរជាទីមោទនៈជូនជាតិ មាតុភូមិ និងប្រជាជន»។
ប្រធានរដ្ឋសភា សម្ដេចសភាធិតបី ឃួន សុដារី មានប្រសាសន៍ក្នុងសិក្ខាសាលាផ្សព្វផ្សាយស្ដីពី«លទ្ធផលនៃកិច្ចសហប្រតិបត្តិការអន្តរជាតិរបស់កម្ពុជា និងសភាពការណ៍អន្តរជាតិ»កាលពីថ្ងៃទី២១ ខែឧសភា ឆ្នាំ២០២៥ថា ក្នុងនីតិកាលទី៧នេះ ការទូតសភាជាការងារអទិភាពមួយរបស់រដ្ឋសភាដើម្បីជំរុញតួនាទីរបស់កម្ពុជា ជាពិសេសសភាកម្ពុជាក្នុងទំនាក់ទំនងការទូតដែលកាន់តែសំខាន់ក្នុងការជំរុញកិច្ចសន្ទនាដើម្បីសន្តិភាព និងវិបុលភាព ឆ្លើយតបនឹងបញ្ហាប្រឈមនានា និងបង្កើនទំនាក់ទំនងរវាងប្រជាជាតិដោយយកប្រជាជនជាស្នូល។
សម្ដេចសភាធិបតីក៏ជំរុញឱ្យមានការសាមគ្គីភាព ឯកភាពផ្ទៃក្នុងនៅក្នុងចំណោមសមាជិកសភាផងដែរដើម្បីទប់ទល់នឹងបរិបទស្ថានការណ៍អន្តរជាតិកាន់តែស្មុគស្មាញដូចបច្ចុប្បន្ននេះ។
គួរឱ្យដឹងផងដែរថាបន្ទាប់ពីចូលដឹកនាំសភាក្នុងអាណិត្តទី៧នេះ សម្ដេចសភាធិបតី ឃួន សុដារី បានបង្កើនទំនាក់ទំនងជាមួយមិត្តបរទេសជាបន្តបន្ទាប់ទាំងជួបនឹងឯកអគ្គរដ្ឋទូត រាជទូត និងការចេញទៅបំពេញទស្សនកិច្ចនៅបរទេស។ សម្ដេចទើបនឹងទៅចូលរួមចូលរួមកិច្ចប្រជុំកំពូលពិភពលោក២០២៥ របស់សហព័ន្ធសន្តិភាពសកល (UPF) នៅសាធារណរដ្ឋកូរ៉េកាលពីខែមេសាកន្លងទៅ ដោយឡែកនៅខែមិថុនាក្រោយសម្ដេចនឹងទៅបំពេញទស្សនៈកិច្ចផ្លូវការនៅប្រទេសហុងគ្រី ខណៈស្ថាប័នរដ្ឋសភាកម្ពុជាក៏កាន់តែមានភាពសកម្មលើឆាកតំបន់នឹងអន្តរជាតិផងដែរ៕
អត្ថបទដោយ ហ៊ុន សិរីវឌ្ឍន៍
ចៅសង្កាត់ចាក់អង្រែក្រោម៖ ច្បាប់ដកសញ្ជាតិ គឺជាអាវុធកម្ចាត់ជនចង់បំផ្លាញសន្តិភាពរបស់កម្ពុជា
កុល ដាវី រំលឹកចំណងស្នេហ៍ ១០ឆ្នាំ ជាមួយ សុខ រក្សា និងសន្យាថែសុភមង្គលនេះឱ្យគង់វង្សដល់ចាស់
វិស័យទេសចរណ៍ថៃ រំពឹងផលប៉ះពាល់ពីពន្ធខ្ពស់របស់ ត្រាំ
មេដឹកនាំរបបយោធាមីយ៉ាន់ម៉ា ស្នើសុំឱ្យ ត្រាំ កាត់បន្ថយអត្រាពន្ធ
សហគមន៍កសិកម្មទំនើប ជួយកសិករឱ្យទទួលបានទុនកម្ចី ខណៈរដ្ឋ កំពុងទម្លាក់ឥណទានថ្មី $៣៥ លាន
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
លោក សែម រតនា៖ កម្ពុជា នៅតែបញ្ជូនទ័ពមួកខៀវទៅថែរក្សាសន្តិភាព ទោះជួបការប៉ះទង្គិចប្រដាប់អាវុធ ជំងឺកាចសាហាវ
ស្ពានអាកាស សម្តេចធិបតី ហ៊ុន ម៉ាណែត នឹងដាក់ឱ្យប្រើប្រាស់ជាបណ្ដោះអាសន្ន ចាប់ពីថ្ងៃទី ១១ កក្កដា ស្អែកនេះហើយ
ភ្នាក់ងារចារកម្មជាន់ខ្ពស់អ៊ុយក្រែន ត្រូវបានគេបាញ់សម្លាប់នៅរដ្ឋធានីកៀវ
-
ព័ត៌មានអន្ដរជាតិ៧ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៧ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានជាតិ២១ ម៉ោង agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ២ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ៣ ថ្ងៃ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
សេដ្ឋកិច្ច២ ថ្ងៃ agoបណ្តាពាណិជ្ជករថៃបង្វែរទិសនាំចូលទំនិញមកកម្ពុជាតាមផ្លូវទឹក ក្រោយការបិទច្រកទ្វារព្រំដែនគោក
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា