ថ្ងៃបញ្ចប់ ពលរដ្ឋជាច្រើននាំគ្នាទៅធ្វើបច្ចុប្បន្នភាពបញ្ជីឈ្មោះបោះឆ្នោត

នៅតាមការិយាល័យចុះឈ្មោះបោះឆ្នោតទាំងអស់នៅក្នុងរាជធានីភ្នំពេញ បាននិងកំពុងដំណើរការយ៉ាងសកម្ម ក្នុងការធ្វើបច្ចុប្បន្នភាពបញ្ជីឈ្មោះបោះឆ្នោត ខណៈថ្ងៃទី២៦ ខែឧសភា ឆ្នាំ២០២៦នេះ គឺជាថ្ងៃបញ្ចប់នៃដំណើរការធ្វើបច្ចុប្បន្នភាពបញ្ជីឈ្មោះបោះឆ្នោតឆ្នាំ២០២៥ ដែលមានពលរដ្ឋជាច្រើនបានបន្តនាំគ្នាទៅចុះឈ្មោះថ្មី និងធ្វើជីវមាត្រឡើងវិញនៅតាមថ្នាក់មូលដ្ឋាន។

លោក អូច សំអុល ចៅសង្កាត់ស្ទឹងមានជ័យទី២ បានលើកឡើងឱ្យដឹងថា ស្របពេលថ្ងៃនេះជាថ្ងៃបិទបញ្ចប់ ធ្វើបច្ចុប្បន្នភាពបញ្ជីឈ្មោះបោះឆ្នោតឆ្នាំ២០២៥ ហើយបើទោះបីជាចំថ្ងៃដែលប្រជាពលរដ្ឋជាប់កាតព្វកិច្ចការងារក៏ដោយ ក៏ពួកគាត់ជាច្រើន បានឆ្លៀតពេលនាំគ្នាអញ្ជើញមកធ្វើបច្ចុប្បន្នភាពបញ្ជីឈ្មោះបោះឆ្នោតឆ្នោតនេះដែរ។

ប្រជាពលរដ្ឋយល់ឃើញថា ការមកធ្វើបច្ចុប្បន្នភាពនេះ គឺជាកាតព្វកិច្ចក្នុងនាមពលរដ្ឋល្អក្នុងសង្គមជាតិ ដែលចាំបាច់មកបំពេញ ជៀសវៀងការខុសទន្និន័យណាមួយ ដើម្បីធ្វើការកែសម្រួល ឬផ្លាស់ប្តូរទន្និន័យថ្មីឱ្យហើយរួចរាល់ផងដែរ។

សូមបញ្ជាក់ថា ការធ្វើបច្ចុប្បន្នភាពទន្និន័យជីវមាត្រក្នុងបញ្ជីឈ្មោះបោះឆ្នោតឆ្នាំ២០២៥នេះ គឺបានធ្វើឡើងរយៈពេល២៦ថ្ងៃ គិតចាប់ពីថ្ងៃទី១ ដល់ថ្ងៃទី២៦ ខែឧសភា ឆ្នាំ២០២៥៕

អត្ថបទ៖ សុភា