ព័ត៌មានជាតិ

មុខរមណីយដ្ឋានអង្គរ មានរៀបចំបញ្ជរលក់សំបុត្រ អាចឲ្យទេសចរទិញសំបុត្រចូលទស្សនាអង្គរតាមអនឡាញ

បានផុស

៦ ម៉ោង មុន

នៅ

ថ្ងៃសៅរ៍ ៧ មិថុនា ២០២៥

ដោយ

នៅខាងមុខបរិវេណប្រាសាទអង្គរវត្ត អាជ្ញាធរជាតិអប្សរាបានរៀបចំឲ្យមានបញ្ជរលក់សំបុត្រតាមថ្នាលឌីជីថល ដែលជួយសម្រួលដល់ភ្ញៀវទេសចរអាចទិញសំបុត្រចូលទស្សនារមណីយដ្ឋានអង្គរ ហើយអាចបង់លុយតាមប្រព័ន្ធធនាគារក្នុងស្រុកនិងក្រៅស្រុកថែមទៀត។

តាមរយៈម៉ាស៊ីនបម្រើសេវាកម្មខ្លួនឯងដោយស្វ័យប្រវត្តិ (Self-Service Machine) បានជួយសម្រួល និងកាត់បន្ថយពេលវេលា និងក៏ជាមធ្យោបាយដ៏សំខាន់នៅក្នុងការពង្រឹងប្រសិទ្ធភាពនៃការប្រមូលចំណូលផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៊ុនលី ហាវ មន្រ្តីត្រួតពិនិត្យប័ណ្ណចូលទស្សនារមណីយដ្ឋានអង្គរបានឲ្យដឹងថា ការដាក់ឱ្យដំណើរការប្រព័ន្ធបញ្ជរលក់សំបុត្រតាមបច្ចេកវិទ្យាទំនើបនេះ ផ្តល់ភាពងាយស្រួលដល់ភ្ញៀវទេសចរមិនបាច់ចំណាយពេលធ្វើដំណើរទៅមក និងអាចទិញសំបុត្រចូលទស្សនារមណីយដ្ឋានអង្គរ និងអាចបង់លុយទូទាត់តាមប្រព័ន្ធអនឡាញថែមទៀត។

បញ្ជរលក់សំបុត្រដែលអាចស្កេនដោនឡូតតាម QR Code បានដាក់ដំណើរការបានជាង ៣ ខែនៅខាងមុខច្រកខាងត្បូងបរិវេណប្រាសាទអង្គរវត្ត និងបានដាក់ពង្រាយតាមគោលដៅប្រាសាទមួយចំនួនទៀត ដែលមានសេវាអ៊ីនធឺណិតគ្របដណ្តប់៕