ព័ត៌មានជាតិ

ពលរដ្ឋអ្នកសៀមរាប មានប្រពៃណីទំនៀមទម្លាប់ហូបនំបញ្ចុកខុសពីអ្នកភ្នំពេញ

បានផុស

១ year មុន

នៅ

ថ្ងៃអង្គារ ១០ មិថុនា ២០២៥

ដោយ

មន្រ្តីជំនាញវប្បធម៌នៃអាជ្ញាធរជាតិអប្សរា បានលើកពីប្រពៃណីនៃការហូបនំបញ្ចុករបស់ប្រជាជននៅក្នុងខេត្តសៀមរាប ខុសពីតំបន់មួយចំនួនទៀតនៅក្នុងប្រទេសកម្ពុជា។

លោក អ៊ឹម សុខរិទ្ធី ប្រធាននាយកដ្ឋានស្រាវជ្រាវ បណ្ដុះបណ្ដាល និងផ្សព្វផ្សាយនៃអាជ្ញាធរជាតិអប្សរាបានគូសបញ្ជាក់ថា ការសង្កេតជាទូទៅការហូបនំបញ្ចុករបស់ប្រជាពលរដ្ឋនៅភ្នំពេញនិងតំបន់មួយចំនួនទៀត មានទម្លាប់ដាក់ល្បោយមុនទើបដាក់នំពីលើ រួចទើបស្រូបទឹកសម្លបន្ថែម។ ប៉ុន្តែប្រពៃណីអ្នកស្រុកអង្គរក្នុងខេត្តសៀមរាបតាំងពីបុរាណកាលមកគឺដាក់នំរួចទើបរោយល្បោយពីលើ និងស្រូបទឹកសម្លជាក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីជំនាញវប្បធម៌រូបនេះយល់ឃើញ ការប្រកាន់ទម្លាប់បញ្ច្រាសគ្នានេះមិនជាការខុសឆ្គងនោះទេ ដែលអាចបញ្ជាក់ពីអត្តសញ្ញាណប្រពៃណីតំបន់មួយខុសពីតំបន់មួយទៀត និងឆ្លុះបញ្ចាំងពីភាពសំបូរបែបនៃវប្បធម៌ដូចជាពាក្យស្លោក «កម្ពុជាជាព្រះរាជាណាចក្រនៃវប្បធម៌» បានន័យថា ប្រទេសកម្ពុជាគឺជាប្រទេសដែលមានវប្បធម៌ចម្រុះសំបូរបែប ដែលមានតម្លៃនិងអត្តសញ្ញាណផ្សេងគ្នា ប៉ុន្តែមិនអាចកាត់ផ្ដាច់ចេញពីគ្នាបាន៕