ព័ត៌មានជាតិ
អ្នកនាំពាក្យ ៖ ក្រុមការងារក្រសួង និងក្រុមហ៊ុនជាច្រើន នឹងចុះជួបពលករទើបត្រឡប់មកពីថៃ នៅចុងសប្ដាហ៍នេះ
លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅថ្ងៃទី ១ កក្កដា នេះថា ក្រុមការងារក្រសួង រួមជាមួយតំណាងក្រុមហ៊ុនមកពីតំបន់សេដ្ឋកិច្ចពិសេស តំណាងសមាគមរោងចក្រ នឹងចុះជួបពលករខ្មែរដែលទើបវិលត្រឡប់មកពីប្រទេសថៃវិញ នាថ្ងៃទី ៦ ខែកក្កដា ឆ្នាំ ២០២៥ ខាងមុខនេះ ដើម្បីឱកាសការងាររាប់ម៉ឺនកន្លែងជូនដល់ពួកគាត់។
លោកបានបន្តថា ក្រសួងការងារ បានអនុវត្តយន្តការចំនួន ២ ក្នុងការទទួលពលករវិលត្រឡប់មកពីប្រទេសថៃ គឺ ទី១.ការផ្តល់ឱកាសការងារជូនដល់ពួកគាត់នៅតាមបន្ទាត់ខ្សែព្រំដែនផ្ទាល់តែម្តង និងទី២.ប្រសិនបើពលករខ្មែរមិនទាន់ទទួលបានឱកាសការងារនៅព្រំដែនទេ ដោយពួកគាត់ប្រញាប់ប្រញាល់ទៅជួបជុំបងប្អូនវិញនៅស្រុកកំណើតរបស់ខ្លួន ក្រសួង មានយន្តការស្វែងរកការងារបន្ថែមជូនដល់ពួកគាត់ ដោយនាំយករោងចក្រសហគ្រាសទៅដល់មូលដ្ឋានតែម្ដង។
លោកបានបន្តទៀតថា នៅថ្ងៃទី ៦ កក្កដា ខាងមុខនេះ ក្រុមការងារក្រសួង រួមជាមួយបណ្តាក្រុមហ៊ុនរោងចក្រនានា ដូចជា តំបន់រ៉ូយាល់ពិសេសភ្នំពេញ តំបន់សេដ្ឋកិច្ចពិសេសជេជាំង សមាគមរោងចក្រកាត់ដេរ ដែលមានឱកាសការងាររាប់សិនម៉ឺនកន្លែង នឹងចុះនៅតាមមូលដ្ឋានពលករខ្មែរដែលវិលត្រឡប់មកពីថៃនៅតាមបណ្តាខេត្តមួយចំនួនដូចជា បាត់ដំបង កំពង់ធំ ព្រៃវែង បន្ទាយមានជ័យ និងសៀមរាប ដើម្បីឱ្យពលករយើងមានការងារធ្វើក្នុងស្រុក ដែលជាការគិតគូរ និងយកចិត្តទុកដាក់របស់ប្រមុខរដ្ឋាភិបាល ក៏ដូចជាលោករដ្ឋមន្ត្រីក្រសួងការងារជាសេនាធិការផងដែរ។
បើតាម លោក ស៊ុន មេសា គឺ លោករដ្ឋមន្ត្រីក្រសួងការងារ កំពុងចុះនៅតាមព្រំដែននៅឡើយ ដើម្បីទទួលពលករខ្មែរមកពីប្រទេសថៃ និងចុះត្រួតពិនិត្យកន្លែងផ្តល់សេវារបស់ក្រសួងការងារដែលមានទីភ្នាក់ងារជាតិ និងមុខរបរ ក្រុមការងារ TVET ក្រុមការងារ ប.ស.ស ដែលបាននិងកំពុងរង់ចាំផ្តល់ព័ត៌មានស្ដីពីអត្ថប្រយោជន៍ និងឱកាសការងារ ២៥ ម៉ឺនកន្លែង ការបណ្ដុះបណ្ដាលបច្ចេកទេសវិជ្ជាជីវៈចំនួន ៤៥ មុខ ដោយឥតគិតថ្លៃ ក៏ដូចជាអត្ថប្រយោជន៍ ប.ស.ស នៅពេលពលករធ្វើការនៅតាមរោងចក្រសហគ្រាស និងប្រកបជាបុគ្គលស្វ័យនិយោជន៍រាជរដ្ឋាភិបាលគិតគូរលើផ្នែកអ្វីខ្លះ។
ក្នុងឱកាសអញ្ជើញទទួលស្វាគមន៍ និងសួរសុខទុក្ខប្រជាពលរដ្ឋ ជាពិសេសពលករខ្មែរនៅច្រកព្រំដែនអន្តរជាតិដូង និងមណ្ឌលសំចតច្រកដូង ខេត្តបាត់ដំបង កាលពីថ្ងៃទី ៣០ មិថុនា លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា ការចុះជួបផ្ទាល់ជាមួយពលករខ្មែរត្រឡប់មកពីថៃនេះ គឺអនុវត្តទៅតាមការចង្អុលណែនាំរបស់ សម្តេចធិបតី ហ៊ុន ម៉ាណែត ឱ្យក្រសួងសហការជាមួយអាជ្ញាធរមូលដ្ឋាន ចុះតាមស្រុកភូមិបន្ថែមទៀត ដើម្បីសាកសួរព័ត៌មានពលករដែលទើបវិលត្រឡប់ទៅស្រុកកំណើត តើគាត់ចង់រៀនជំនាញបន្ថែម ឬចង់ស្វែងរកការងារធ្វើ ដើម្បីធានាថាពលករខ្មែរមិនមានបញ្ហា ក្រោយវិលត្រឡប់មកពីថៃ ខណៈចាប់តាំងពីថ្ងៃទី ៨ ខែមិថុនា រហូតមកដល់ថ្ងៃទី ៣០ ខែមិថុនា ឆ្នាំ ២០២៥ នេះ មានពលករខ្មែរឆ្លងដែនតាមច្រកនានាត្រឡប់ចូលមកប្រទេសកម្ពុជាវិញ ប្រមាណជិត ៤ ម៉ឺននាក់ ក្នុងនោះមានពលករជាង ១ ម៉ឺននាក់ បានចុះឈ្មោះស្វែងរកការងារធ្វើ៕
អត្ថបទ ៖ សំអឿន
លោក ត្រាំ កាត់ជំនួយ អាចបណ្តាលឱ្យមនុស្ស ១៤លាននាក់ស្លាប់នៅឆ្នាំ២០៣០
អូស្ត្រាលីចេញការព្រមានហានិភ័យភេរវកម្មពេលធ្វើដំណើរទៅថៃ
លោក ថាក់ស៊ីន បង្ហាញភាពស្ងប់ស្ងាត់ ក្នុងសវនាការសាក្សីដំបូង
ក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
ពលករទើបមកពីប្រទេសថៃ និងសហជីពនៅកម្ពុជា អំពាវនាវឲ្យអ្នកមិនទាន់មក ត្រលប់មកស្រុកកំណើតវិញ ខណៈក្នុងស្រុកមានការងាររាប់ម៉ឺនកន្លែង
បើករថយន្តបំពានភ្លើងស្តុបជ្រុលបុកបុរសម្នាក់កំពុងជិះម៉ូតូឆ្លងផ្លូវស្លាប់ភ្លាមៗ
នាយករដ្ឋមន្ត្រី ផែថងថាន ត្រូវបានព្យួរអំណាច ចំពេលស្តេចថៃតែងតាំងគណៈរដ្ឋមន្ត្រីថ្មី
ទីម័រចង់យកនាម«សម្ដេចតេជោ ហ៊ុន សែន» ភ្ជាប់នឹងឈ្មោះតំបន់សេដ្ឋកិច្ចពិសេសដំបូងរបស់ខ្លួន
លោកស្រី ផែនថងថាន៖ ខ្ញុំនឹងប្រើពេល១៥ថ្ងៃពន្យល់តុលាការថាខ្ញុំធ្វើដើម្បីជាតិលើសពី១០០%
ប្រឈមភាពចម្រូងចម្រាសខ្លាំង ផែថងថាន គ្រោងដឹកនាំគណៈរដ្ឋមន្ត្រីថ្មីស្បថចូលកាន់តំណែងនៅថ្ងៃ៣កក្កដា
-
ព័ត៌មានអន្ដរជាតិ៣ ថ្ងៃ agoផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម៤ ថ្ងៃ agoអាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានជាតិ២ ថ្ងៃ agoស្រុកសំឡូត តំបន់កសិកម្មដ៏ល្បីមានច្រកទ្វារព្រំដែន ៤ កន្លែងសម្រាប់ទំនាក់ទំនងជាមួយថៃ
-
ព័ត៌មានជាតិ១ សប្តាហ៍ agoកម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៣ ថ្ងៃ agoលោកស្រី បាន ស្រីមុំ៖ អភិបាលខេត្តស្រះកែវ អត់ដឹងប្រវត្តិស្ពានព្រំ-បានប៉ាក់កាដ
-
ព័ត៌មានជាតិ១ សប្តាហ៍ agoអ្នកនាំពាក្យសម្តេចតេជោ ពន្យុះបាវបម្រើនាយករដ្ឋមន្រ្តីថៃថា បើចិត្តសឿង មិនខ្លាចច្បាប់អន្តរជាតិទេ ប្តឹងសម្តេចតេជោ ទៅតុលាការអន្តរជាតិទៅ
-
ព័ត៌មានអន្ដរជាតិ១ ថ្ងៃ agoឆេះរោងចក្រនៅថៃ ជាប់មនុស្សច្រើននាក់ក្នុងនោះ