ព័ត៌មានជាតិ

ប្រាប់ដល់កម្ពុជាថ្មី បន្ថែមពីទុរេន កម្ពុជាត្រៀមនាំចេញផលកសិកម្មសំខាន់ពីរមុខទៀតទៅទីផ្សារប្រទេសចិន

បានផុស

១០ ខែ មុន

នៅ

ថ្ងៃសៅរ៍ ៥ កក្កដា ២០២៥

ដោយ

ស្បែកក្រពើ និងសំបុកត្រចៀកចាំ កំពុងរង់ចាំការអនុញ្ញាតនាំចេញទៅទីផ្សារប្រទេសចិន បន្ទាប់ពីទុរេនស្រស់របស់កម្ពុជាត្រូវបានអគ្គរដ្ឋបាលគយចិន (GACC) អនុញ្ញាតឱ្យនាំចេញទៅទីផ្សារប្រទេសចិនដោយផ្ទាល់។ នេះបើតាមលោក ឃឹម ហ្វីណង់ មន្រ្តីអ្នកនាំពាក្យក្រសួងកសិកម្មប្រាប់សារព័ត៌មានកម្ពុជាថ្មីនៅរសៀលនេះ ក្រោយកម្ពុជាទទួលបានភ្លើងខៀវក្នុងការនាំចេញទុរេនស្រស់ទៅទីផ្សារប្រទេសចិនបន្ថែមពីលើទំនិញកសិកម្មជាច្រើនមុខទៀត។

លោក ឃឹម ហ្វីណង់ បានប្រាប់សារព័ត៌មានកម្ពុជាថ្មីថា ក្រៅពីកសិផល ក៏មានផ្នែកវិស័យព្រៃឈើ និងវិស័យជលផលដែលមានស្បែកក្រពើ និងសំបុកត្រចៀកកាំ ដែលជាផលិតផលដ៏សំខាន់របស់កម្ពុជាកំពុងរង់ចាំ ដើម្បីឈាននាំចេញទៅទីផ្សារចិន ស្របតាមពិធីសារដែលបានចុះហត្ថលេខាក្នុងដំណើរទស្សនកិច្ចរបស់ប្រធានាធិបតីចិនមកកម្ពុជា។

ពាក់ព័ន្ធផលកសិកម្ម បើតាមមន្រ្តីអ្នកនាំពាក្យក្រសួងកសិកម្ម មកដល់បច្ចុប្បន្ននេះ មានទំនិញកសិកម្មរបស់កម្ពុជាចំនួន ៩ មុខ ដែលទទួលបានការអនុញ្ញាតិនាំចេញទៅទីផ្សារប្រទេសចិន ដែលក្នុងនោះរួមមានផ្លែទុរេនស្រស់ អង្ករនិងកញ្ចុងអង្ករ ចំណិតដំឡូងមីក្រៀម គ្រាប់ពោត ផ្លែចេក ផ្លែស្វាយ ផ្លែមៀន ម្រេច និងផ្លែដូង៕