ព័ត៌មានជាតិ

លួចសង់ផ្ទះលើដីច្រាំងទន្លេ ត្រូវអាជ្ញាធរខណ្ឌច្បារអំពៅចុះហាមឃាត់

បានផុស

៥ years មុន

នៅ

ថ្ងៃសុក្រ ២ មេសា ២០២១

ដោយ

ពិតជាមិនគោរពច្បាប់របស់រដ្ឋមែន ខណៈដែលប្រជាពលរដ្ឋចំនួន៧គ្រួសារនាំគ្នាទៅសាងសង់លំនៅដ្ឋានលើដីច្រាំងទន្លេរបស់រដ្ឋដោយខុសច្បាប់ ត្រូវបានអាជ្ញាធរចុះទៅរុះរើព្រោះចេញវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក យ៉ិន វុធ ចៅសង្កាត់ច្បារអំពៅទី២ បានឲ្យដឹងថា នៅថ្ងៃទី២ ខែមេសានេះកម្លាំងគណៈបញ្ជាការឯកភាពខណ្ឌច្បារអំពៅ ដឹកនាំដោយលោកអភិបាលរងខណ្ឌពីររូប គឺលោក ណុប ផា និងលោក ហ៊ត គឹមនី បានដឹកនាំកម្លាំងចម្រុះចុះទៅទីតាំងដីច្រាំងទន្លេ ស្ថិតនៅភូមិដើមចាន់១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ខណៈដែលមានប្រជាពលរដ្ឋចំនួន៧គ្រួសារនាំគ្នាមកសាងសង់លំនៅដ្ឋានដោយខុសច្បាប់លើដីរបស់រដ្ឋ ដែលស្ថិតនៅក្នុងគំរោងធ្វើច្រាំងទន្លេនាពេលឆាប់ៗខាងមុខ។

លោក យ៉ិន វុធ បានបន្តថា មិនដឹងជាពួកគាត់យល់យ៉ាងដូចម្តេច ទើបនាំគ្នាមកសង់លំនៅដ្ឋានលើដីរបស់រដ្ឋបែបនេះ។ ក្នុងនោះលោកអភិបាលរងខណ្ឌទាំងពីររូបបានសម្រេចឲ្យប្រជាពលរដ្ឋទាំង៧គ្រួសាររុះរើ រោងឈើ របស់ខ្លួនចេញពីលើដីរដ្ឋ ដោយមិនពន្យាពេលឡើយ ហើយបើរឹងទទឹងគឺអាជ្ញាធរនឹងចុះរុះរើដោយមិនទទួលខុសត្រូវលើការខូចខាតសម្ភារៈនេះឡើយ៕

អត្ថបទ ៖ នរា