ព័ត៌មានជាតិ

អភិបាលខណ្ឌ ៧ មករា បន្តចុះសួរសុខទុក្ខប្រគល់អំណោយជូនពលករត្រឡប់មកពី ថៃ

បានផុស

១១ ខែ មុន

នៅ

ថ្ងៃព្រហស្បតិ៍ ១៤ សីហា ២០២៥

ដោយ

អភិបាលខណ្ឌ ៧ មករា បានបន្តចុះសួរសុខទុក្ខ និងប្រគល់អំណោយជូនដល់ប្រជាពលរដ្ឋដែលជាពលករវិលត្រឡប់មកពីប្រទេសថៃ ដើម្បីសម្រួលទុក្ខលំបាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ១៤ ខែសីហា ឆ្នាំ ២០២៥ នេះ លោក ថេង សុថុល អភិបាលខណ្ឌ ៧ មករា បានដឹកនាំក្រុមការងារខណ្ឌ ចុះទៅសួរសុខទុក្ខ និងប្រគល់អំណោយជូនដល់ប្រជាពលរដ្ឋមួយគ្រួសារ ដែលជាពលករវិលត្រឡប់មកពីប្រទេសថៃ ហើយបច្ចុប្បន្នកំពុងស្នាក់នៅផ្ទះសាច់ញាតិ ស្ថិតនៅសង្កាត់អូរឫស្សីទី ៣ ខណ្ឌ ៧ មករា។

លោកអភិបាលខណ្ឌ ៧ មករា បានបញ្ជាក់ថា ការចុះសួរសុខទុក្ខនេះ ស្របតាមការណែនាំ និងការយកចិត្តទុកដាក់ពីសំណាក់ លោក ឃួង ស្រេង អភិបាលរាជធានីភ្នំពេញ ដែលតែងតែគិតគូរពីសុខទុក្ខដល់ប្រជាពលរដ្ឋដែលបានវិលត្រឡប់មកពីប្រទេសថៃ និងពិនិត្យមើលស្ថានភាពជាក់ស្ដែង ដើម្បីសម្របសម្រួលជួយគ្រឿងឧបភោគបរិភោគ និងថវិកាមួយចំនួន និងទំនាក់ទំនងជួយរកការងារថ្មីជូនពួកគាត់។

ជាមួយនេះ លោកក៏បានជួយផ្ដល់នូវប័ណ្ណសមធម៌ និង ធ្វើសៀវភៅគ្រួសារ ឬ សំបុត្រកំណើត ដល់ប្រជាពលរដ្ឋដែលជាពលករវិលត្រឡប់មកពីប្រទេសថៃ ឡើងវិញ ប្រសិនជាឯកសាររបស់ពួកគាត់បានបាត់ ដើម្បីឲ្យគ្រួសារពួកគាត់អាចទទួលបានសិទ្ធិ និងអត្ថប្រយោជន៍សង្គមតាមច្បាប់៕

អត្ថបទ ៖ រដ្ឋា